slc
logo
Home   |    News
ජූලි 14, 2021
දෙවැනි එල්.පී.එල්.තරගාවලිය වඩාත් සාර්ථක අයුරින්….

Sri Lanka Cricket

ලබන නොවැම්බර් 19 සිට දෙසැම්බර් 12 දක්වා පැවැත්වෙන දෙවැනි එල්.පී.එල් (ලංකා ප්‍රිමියර් ලීග්) තරගාවලිය මෙහි පැවැති පළමු එල්.පී.එල් තරගාවලියට වඩා බෙහෙවින් සාර්ථක වන ලකුණු මේවන විට පහළව තිබේ.

ලොව නම් දරා සිටින දක්ෂම ක්‍රිකට් ක්‍රීඩකයන් රැසක්ම දෙවැනි තරගාවලියට සහභාගිවන අතර අනුග්‍රාහක සමාගම්හි දායකත්වය සහ අනෙකුත් සියළුම අංශයන්ගෙන් දෙවැනි එල්.පී.එල් තරගාවලිය ඉදිරියෙන් සිටී.

මෙහිදී වඩාත්ම කැපී පෙනෙනුයේ ක්‍රීඩකයන් ලියාපදිංචි වීම සඳහා දක්වන උනන්දුවය. මේ තරගාවලිය කළින් මේ මස 29 වැනිදා ආරම්භවීමට නියමිතව තිබුණත් නොවැම්බර් 19 වැනිදා දක්වා කල්දැමීමෙන් තවත් ක්‍රීඩකයන් රැසකටම මෙහි ලියාපදිංචි වීමේ අවස්ථාව උදාවී ඇත්තේ ඔවුන් ජූලි-අගෝස්තු මාසයන්හි ජාතික කණ්ඩායම් නියෝජනය කරමින් වෙනත් තරගාවලියන්ට සහභාගි වන හෙයිනි.

වැඩිපුර ප්‍රබල ක්‍රීඩකයන්ගේ දායකත්වය හිමිවන හෙයින් අනුග්‍රාහක අයි.පි.ජී සමාගමද තරගාවලිය නොවැම්බර් 19 සිට දෙසැම්බර් 12 දක්වා කල්දැමීමේ යෝජනාවට එකගත්වය පළකර තිබේ. ඉන්දියාව,එංගලන්තය,ඕස්ට්‍රේලියාව සහ නවසීලන්තය යන කණ්ඩායම් හි ක්‍රීඩකයන් රැසකටම කළින් යෝජිත දිනයන්හි ක්‍රීඩා කිරීම සඳහා ලියාපදිංචිවීමට නොහැකිවූයේ ඔවුන් වෙනත් තරගාවලියන්ට මේ දිනවල සහභාගි වන හෙයිනි. එහෙත් එම කණ්ඩායම්වල ක්‍රීඩකයන් කිහිපදෙනෙකුම වසර අග මෙහි තරගාවලියට සහභාගිවනු ඇත‍.

ලොව දක්ෂම තුන් ඉරියම් ක්‍රීඩකයන් වන ෂකීබ් අල්හසන්,ජේම්ස් ෆෝක්නර්,නිකලස් පුරාන්, ෂෙල්ඩන් කොට්රල්, උස්මාන් කවජා, බෙන් කටන්, ටෙම්බා බවුමා,බ්‍රෙන්ඩන් ටේලර්,ටමීම් ඉක්බාල්,ෂර්ෆේන් රදර්ෆර්ඩ්,ටබ්රයිස් ෂම්ස මේ සඳහා කළින්ම ලියා පදිංචිව සටියහ. .

බංග්ලාදේශයේ ෂකිබ් අල් හසන්, ටමීම් ඉක්බාල්,මෙහෙඩි හසන්,ටස්කින් අහමඩ්, ලින්ටන් දාස් සහ සෞම්‍ය සාකර් යන ප්‍රබලම ක්‍රීඩකයන් මේ මස පැවැත්වෙන තරගාවලියට කලින් ලියාපදිංචිව සිටියත් පසුව ඔවුන්ගේ  සේවය ජාතික කණ්ඩායමට අවශ්‍ය බව බංග්ලාදේශ ක්‍රිකට් පාලක මණ්ඩලය පවසා සිටියත් නව දින අනුව මොවුනට නැවතත් එල්.පී.එල් තරාගාවලියට ක්‍රීඩා කිරීමට අවස්ථාව උදාව ඇත‍.

ටෙම්බා බවුමා, රිලී රොසවු, ඩේවිඩ් වයිස්, ජෝන්ට්‍රෙවර්, මෝන් මෝකල්,රැසි වැන්ඩර් ඩුසේන්, කෙසව් මහරාජ්, ටැබ්රයිස් ෂම්සි, හාඩස් විල්ජෝන් (දකුණු අප්‍රිකාව) උස්මාන් කවජා, බෙන්කටින්,ජේම්ස් ෆෝක්නර්, බෙන් ඩන්ක්, කැලම් ෆර්ගියුසන් (ඕස්ට්‍රේලියාව) ෂර්ෆේන් රදර්ෆර්ඩ්,නිකලස් පුරාන්, ෂෙල්ඩන් කොට්රල්,රයාඩ් එමිරිට්,රවි රම්පෝල්, ඩ්වේන් ස්මිත්, ඩෙනෙෂ් රම්ඩීන්, ජොන්සන් චාල්ස්, රවුමන් පවල් (බටහිර ඉන්දීය කොදෙව් දූපත්) හැරිස් සොහේල්, වකාස් මක්ෂුඩ්, මුහ්මඩ් හස්නේන්, මොහොමඩ් ඉර්ෆාන්, ෂොයිබ් මක්ෂූඩ්, ෂාන් මසුඩ්,අන්වර් අලි, අමාඩ් බට් (පාකිස්තානය) අස්ගර් ඇෆ්ගන්, මොහොමඩ් ෂාසාඩ්, තජිබුල්ල සඩ්රන්, නවීන් උල්හක්, උස්මාන් සින්වාරි, රහ්මනුල්ලා ගුර්බාන්, හස්රටුල්ලා සසායි, සින්වාරී, කයිස් අහමඩ් (ඇෆ්ගනිස්ථානය) එල්.පී.එල් තරගාවලියට කලින්ම ලියාපදිංචිව සිටියත් මේ සංඛ්‍යාව ඉදිරියේදී වැඩිවනු ඇත.

දෙවැනි එල්.පී.එල්. තරගාවලිය හම්බන්තොට මහින්ද රාජපක්ෂ ක්‍රීඩාංගණයේ දීම පැවැත්වීමට සියළු විධිවිධාන යොදා තිබේ.

බන්දුල මොල්ලිගොඩ

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

USD United States (US) dollar