slc
logo
Home   |    News
අගෝස්තු 21, 2021
ග්‍රේස් – රෙඩ්ස් අතර තරගයත් වැස්සට යටවෙයි

sinhala editor

ඩයලොග් SLC ආරාධිත විස්සයි-20 ක්‍රිකට් තරගාවලියේ 10 වැනි තරගය ලෙසින් අද (21 දා) රාත්‍රියේ පැවැත්වීමට නියමිතව තිබූ දසුන් ශානකගේ  ග්‍රේස් කණ්ඩායමත්, දිනේෂ් චන්දිමාල්ගේ රෙඩ්ස් කණ්ඩායමත් අතර තරගය ද වර්ෂාව හේතුවෙන් එකම හෝ පන්දුවක් යැවීමෙන් තොරව අතහැර දැමීමට විනිසුරුවන්ට සිදුවිය.

පස්වරුවේ පැවැත්වුණු බ්ලූස් සහ ග්‍රීන්ස් අතර තරගයද පන්දුවාර 7 කට සීමා වෙමින් අත හැර දැමුණු අතර තරගය නවතා දමන අවස්ථාවේ සිට දිගින් දිගටම පල්ලකැලේ ක්‍රීඩාංගණයට වර්ෂාවෙන් බාධා පැමිණීම නිසා ප.ව. 8.15 ට පමණ තරගය අතහැර දැමීමට විනිසුරුවන් තීරණය කන ලදී.

ඒ අනුව කණ්ඩායම් දෙකටම එක් ප්‍රසාද ලකුණ බැගින් හිමිවීමත් සමඟ ග්‍රේස් පිලේ ප්‍රසාද ලකුණු 9 දක්වාද රෙඩ්ස් පිලේ ප්‍රසාද ලකුණු සංඛ්‍යාව 5 දක්වාද ඉහළ ගොස් තිබේ. කෙසේ වෙතත් දසුන්ගේ ග්‍රේස් කණ්ඩායම සමඟ අවසන් මහ සටනට සුදුසුකම් ලැබීම සඳහා රෙඩ්ස් සහ බ්ලූස් අතර තරගයක් මේ වන විට නිර්මාණය වී තිබේ. ඒ අනුව හෙට (22 දා) පැවැත්වීමට නියමිත මූලික වටයේ අවසන් තරග 2 වන ග්‍රේස් සහ බ්ලූස් අතර තරගයෙන් බ්ලූස් පිල ජය ගෙන රෙඩ්ස් සහ ග්‍රීන්ස් අතර තරගයෙන් රෙඩ්ස් පිල ජයගතහොත් දෙපිළේම ප්‍රසාද ලකුණු සංඛ්‍යාව යළිත් සමාන වන බැවින් ලකුණු ලබා ගැනීමේ වේගය අනුව අවසන් මහ තරගයට සුදුසුකම් ලබන්නේ කවුරුන්ද යන්න තීරණය වනු ඇත. දළ ලකුණු ලබා ගැනීමේ වේගය අනුව රෙඩ්ස් කණ්ඩායමට වඩා (-0.812) බ්ලූස් කණ්ඩායම (0.444) ඉදිරියෙන් පසුවීම නිසා අවසන් මහ තරග වරම උදාකර ගැනීමට නම් රෙඩ්ස් පිල හෙට ග්‍රීන්ස් පිලට එරෙහිව පැවැත්වෙන තරගයේදී වැඩි ලකුණු වේගයක් රඳවා ගනිමින් තරගය ජයග්‍රහණය කළ යුතුය.

Active filters

Recent Posts

  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]
  • හයේ වරුසාවක් සමඟින් ජැෆ්නා ක්‍රීඩකයෝ 5 වැනි ජය ලබති
    Chamila Karawita ලංකා ප්‍රිමියර් ලීග් ක්‍රිකට් තරගාවලියේ දෙවැනි අදියර හෙවත් කොළඹ අදියර ආරම්භ කරමින් පැවැති පළමු තරගයේදීම කැන්ඩි ෆෝල්කන්ස් කණ්ඩායම විසින් ලබා දුන් ලකුණු 79 ක ඉලක්කය හඹා […]

Pin It on Pinterest

LKR Sri Lankan rupee
logo