slc
logo
Home   |    News
අගෝස්තු 17, 2021
පිතිකරුවන් අතර කමිඳුත් පන්දු යවන්නන් අතර සීකුත් පෙරමුණේ

sinhala editor

ඩයලොග් SLC ආරාධිත පන්දුවාර විස්සයි-20 ක්‍රිකට් තරගාවලියේ ලීග් තරග වටය යටතේ ක්‍රීඩකයින්ගේ පෞද්ගලික දක්ෂතා සැලකිල්ලට ගැනීමේදී පිතිකරුවන් අතර කමිඳු මෙන්ඩිස්ද පන්දු යවන්නන් අතර සීකුගේ ප්‍රසන්නද පෙරමුණ ගැනීමට සමත්ව සිටිති.

ලීග් තරග වටය යටතේ සෑම කණ්ඩායමක්ම තරග 3 කට සහභාගිවී සිටින අතර එහිදී ග්‍රීන්ස් පිල නියෝජනය කරනු ලබන කමිඳු මුලු ලකුණු 193 ක් ලබා සිටින්නේ ඉනිමක ලකුණු ලබා ගැනීමේ සාමාන්‍ය 96.50 ක් රඳවා තබා ගනිමිනි. ක්‍රීඩා කරන ලද ඉනිම 3 ම අර්ධ ශතක බවට පරිවර්තනය කර ගැනීමට සමත්ව සිටින දකුණත් පිතිකරුවාගේ ප්‍රාහාරත්මක වේගය සටහන් වන්නේ 167.82 ක් ලෙසිනි. පිතිකරුවකු ලෙස කමිඳු දක්ෂාත අතරට පැමිණියද ඔහු ක්‍රීඩා කරන ග්‍රීන්ස් කණ්ඩායම මෙතෙක් තරගාවලියේ එකම තරගයක්හෝ ජයග්‍රහණය කිරීමට අපොහොසත්වීමද කැපී පෙනෙයි. වැඩිම ලකුණු ලෙස ග්‍රේස් පිලට එරෙහිව රැස් කරන ලද ලකුණු 74 සටහන් කරගෙන සිටින කමිඳු මෙතෙක් තරගාවලියේ වැඩිම හයේ පහර සංඛ්‍යාවක් එල්ල කරන ලද පිතිකරුවන් අතරද පෙරමුණේ පසුවෙයි. මෙතෙක් ඔහු එල්ල කරන ලද හයේ පහර සංඛ්‍යාව 8 ක් වන අතර ඔහුට පසුව හයේ පහර 7 බැගින් අවිෂ්ක ප්‍රනාන්දු සහ දසුන් ශානක එල්ල කර තිබේ.

පන්දුයවන්නන් අතර රෙඩ්ස් කණ්ඩායමේ  සීකුගේ ප්‍රසන්න කඩුලු 6 ක් බිඳ හෙළා ඇත්තේ කඩුල්ලක් දවා ගැනීමේ සාමාන්‍ය 10.50 ක් ලෙස සටහන් කර ගනිමිනි. පන්දුවාරයකට ලකුණු 5.25 ක් පමණක් ලබාදීමට වග බලා ගෙන ඇති පා දඟ පන්දු යවන්නාට දෙවැනිව කඩුලු 5 බැගින් බිඳ හෙලා ඇති නුවන් ප්‍රදීප් සහ පුලින තරංග පසුවෙයි.

මේ අතර ප්‍රසාද ලකුණු සටහනට අනුව මෙතෙක් තරග වැදි තරග 3 ම ජයගෙන සිටින දසුන් ශානකගේ ග්‍රේස් පිල එහි පෙරමුණ ගෙන සිටින අතර ධනංජය ද සිල්වා නායකත්වය දරන බ්ලූස් දෙවැනි ස්ථානයෙත් එක් ජයග්‍රහණයක් ලබා සිටින දිනේෂ් චන්දිමාල්ගේ රෙඩ්ස් පිල තෙවැනි ස්ථානයත් පසුවන්නේය. ඒ අනුව හෙට (18 දා) පැවැත්වෙන තරග අතර ග්‍රේස් පිල අශාන් ප්‍රියන්ජන්ගේ නායකත්වයෙන් යුතු ග්‍රීන්ස් පිල ප.ව. 7.00 ට මුණ ගැසෙන අතර ඊට පෙර රෙඩ්ස් සහ බ්ලූස් පිල ප.ව. 2.30 ට තරග වැදීමට නියමිතය.

Active filters

Recent Posts

  • ශ්‍රී ලංකා – බංග්ලාදේශ විස්සයි 20 තරග සඳුදා සිට
    ශ්‍රී ලංකා විස්සයි 20 ක්‍රිකට් කණ්ඩායමේ මෙවර බංග්ලාදේශ ක්‍රිකට් සංචාරයේ ප්‍රථම තරගය සඳුදා (04) සවස 5.30ට බංග්ලාදේශයේ සිල්හට් ජාත්‍යන්තර ක්‍රිකට් ක්‍රීඩාංගණයේදී ඇරැඹේ. මේ කණ්ඩායම් දෙකේම පසුගිය මාස කිහිපයේදී […]
  • මහනුවරට හා ගාල්ලට ජය | මිනෝද් භානුකගෙන් ශතකයක්
    මහනුවරට හා ගාල්ලට ජය මිනෝද් භානුකගෙන් ශතකයක් ශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය එක්දින ක්‍රිකට් තරගාවලිය වන නැෂනල් සුපර් ලීග් (NSL) තරගාවලියේ අද පැවැති කොළඹ […]
  • සුපර් ලීග් එක්දින තරග දෙකකදී ලකුණු 1243ක්
    ශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය එක්දින ක්‍රිකට් තරගාවලිය වන නැෂනල් සුපර් ලීග් (NSL) තරගාවලියේ ඊයේ පැවැති යාපනය හා මහනුවර පළාත් කණ්ඩායම් අතර තරගයෙන් කඩුලු […]
  • සුපර් ලීග් එක්දින තරගාවලියේ මහනුවරට හා කොළඹට ජය
    Iශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය එක්දින ක්‍රිකට් තරගාවලිය වන නැෂනල් සුපර් ලීග් (NSL) තරගාවලියේ අද පැවැති තරග දෙකේ ජය මහනුවර හා කොළඹ පළාත් කණ්ඩායම් […]
  • ඇෆ්ගනිස්තානයට සැනසිලි දායක තියුණු ජයක්
    තරග ජයග්‍රහණය කණ්ඩායම් දෙකටම දෝලනය වෙමින් පැවැති ශ්‍රී ලංකා – ඇෆ්ගනිස්තානය තෙවන සහ අවසාන විස්සයි 20 තරගයේ අවසාන ඕවරයේදී ලංකා කණ්ඩායමට ජයග්‍රහණයට ලකුණු 19ක් අවශ්‍ය තිබුණත් උණුසුම් මුහුණුවරකින් […]
LKR Sri Lankan rupee

Pin It on Pinterest