slc
Home   |    News
සැප්තැම්බර් 4, 2021
කාසියේ වාසිය දිනූ දකුණු අප්‍රිකාව පන්දුවට පහර දෙයි

sinhala editor

වර්ෂාව හේතුවෙන් ආරම්භය පමා කෙරුණු දෙවැනි එක්දින තරගයේදී කාසියේ වාසිය දිනූ දකුණු අප්‍රිකානු නායක කේෂව් මහරාජ් පළමුව පන්දුවට පහර දීමට තීරණය කළේය. මෙම තරගය ප.ව. 4.00 ට ආරම්භ වනු ඇත. මෙම තරගයේදී ශ්‍රී ලංකාව කිසිදු වෙනස්කමක් නොකොට අවතීර්ණ වද්දී දකුණු අප්‍රිකානුවෝ වෙනස් කම් 3 ක් සමඟින් තරගයට අවතීර්ණව සිටිති.

එහිදී නායක බවුමා වෙනුවට කේෂව් මහරාජ් කණ්ඩායම මෙහෙයවද්දී හිටපු නායකයාගේ ස්ථානය සඳහා රීසා හෙන්ඩ්‍රික්ස් නම් කර තිබේ. ඊට අමතරව කයිල් වෙරෙයන් වෙනුවට වියාන් මල්ඩර් සහ ඇන්රිච් නෝයේ වෙනුවට ජෝර්ජ් ලින්ඩේ සමඟ තරගයට අවතීර්ණව සිටිති. අද තරගය ලින්ඩේගේ මංගල එක්දින තරගය වේ.

පන්දුවාර 47 කට සීමා අනුව පන්දු යැවීමේදී පන්දු යවන්නන් දෙදෙනකුට පමණක් උපරිම පන්දුවාර සංඛ්‍යාවන පන්දුවාර 10 යැවීමේ හැකියාව පවතින අතර අනෙක් තිදෙනාට පන්දුවාර 9 බැගින් යැවීමේ අවස්ථාව උදාවී තිබේ. මේ වන විට ක්‍රීඩාංගණය වසා තිබුණු වැසි ආවරණ්‍ය සියල්ලම ඉවත් කිරීමට කටයුතු යොදා තිබෙන අතර දෙපිළේම ක්‍රීඩකයින් සිය ඇඟ උණුසුම් කිරීමේ ව්‍යායාම වල නිරතව සිටින අයුරු දැක ගන්නට තිබේ.

ප.ව. 4.00 ට ආරම්භ වන තරගයේ පළමු ඉනිම ප.ව. 7.18 වන විට අවසන් වන අතර රාත්‍රී භෝජනයෙන් පසු නැවතත් ප.ව. 7.48 ට ආරම්භ වන තරගය රාත්‍රී 11.06 දක්වා පැවැත්වෙනු ඇත. පන්දුවාර සංඛ්‍යාව අඩුවීමේදී පළමු පවර් ප්ලේ අවස්ථාවට හිමි පන්දුවාර 10 ට කිසිම බලපෑමක් නොවන නමුත්, දෙවැනි පවර් ප්ලේ අවස්ථාව 11 වැනි පන්දුවාරයේ සිට 38 වැනි පන්දුවාරය දක්වා වූ පන්දුවාර 28 ටත් තෙවැනි පන්දුවාරය 39 වැනි පන්දුවාරයේ සිට 47 වැනි පන්දුවාරය දක්වා වූ පන්දුවාර 9 ටත් සීමාව පැවැත්වෙනු ඇත.

දකුණු අප්‍රිකානු පිල – 1. ජෙනමන් මාලන්, 2. ඒඩියන් මාක්‍රම්, 3. රීසා හෙන්ඩ්‍රික්ස් 4. රාසි වැන්ඩර් ඩුසේන්, 5. හෙන්රිච් ක්ලාසන්, 6. වියාන් මල්ඩර් , 7. ඇන්ඩ්ල් පෙලුක්වායෝ, 8. කේෂව් මහරාජ්, 9. කාගිසෝ රාබඩා, 10. ජෝර්ජ් ලින්ඩේ, 11. ටබ්‍රෑස් ශම්සි.

ශ්‍රී ලංකා පිල – 1. අවිෂ්ක ප්‍රනාන්දු, 2. මිනෝද් භානුක, 3. භානුක රාජපක්ෂ, 4. ධනංජය ද සිල්වා, 5. චරිත් අසලංක, 6. දසුන් ශානක (නායක), 7. වනිඳු හසරංග, 8. චාමික කරුණාරත්න, 9. අකිල ධනංජය, 10. දුෂ්මන්ත චමීර, 11. ප්‍රවීන් ජයවික්‍රම.

Active filters

Recent Posts

  • දිමුත් කරුණාරත්න යළිත් එක්දින පිලට
    ඇෆ්ගනිස්තානු පිලට එරෙහිව පැවැත්වෙන තරග 3 කින් සමන්විත එක්දින තරගාවලියේ පළමු තරග 2 සඳහා වන ශ්‍රී ලංකා කණ්ඩායමට දිමුත් කරුණනාරත්නව එක් කිරීමට තේරීම් කමිටුව පියවර ගෙන තිබේ. ක්‍රීඩකයින් […]
  • ලෝක ටෙස්ට් ශූරතාවලියෙන් ශ්‍රී ලංකා පිලට කෝටි 6ක තෑග්ගක්
    ජාත්‍යන්තර ක්‍රිකට් කවුන්සිලය මෙහයවූ ලෝක ටෙස්ට් ශූරතාවලියේ පස්වැනි ස්ථානයට පත් වූ දිමුත් කරුණාරත්න ප්‍රමුඛ ශ්‍රී ලංකා ටෙස්ට් කණ්ඩායමට ත්‍යාග මුදල ලෙස ඇමෙරිකානු ඩොලර් 200,000 ක් පිරිනැමීමට ජාත්‍යන්තර ක්‍රිකට් […]
  • පළමු කඩුලු 5 චමෝද්ගෙන්
    එන්.සී.සී. ආරම්භක පිතිකරු නිරෝෂන් දික්වැල්ල යුද හමුදාව සමඟ අද (29) පැවැති අන්තර් සමාජ විස්සයි 20 තරගයේදී පන්දු 11කදී හයේ පහර තුනක් හතරේ පහර තුනක් සමඟ ලකුණු 34ක් රැස් […]
  • කුරුණෑගල පරදවන්න එස්. එස්. සී. ලොකු සටනක් දෙයි
    අඩු ලකුණු සංඛ්‍යාවන්ට සීමා වූ එස්.එස්.සී. කුරුණෑගල යූත් තරගයෙන් එස්.එස්.සී. ලකුණු නවයක තියුණු ජයක් අත්කර ගත්තත් කුරුණෑගල යූත් කණ්ඩායම ජයග්‍රහණය උදෙසා ප්‍රබල සටනක නියැළීමට සමත් විය. මේ තරගයේදී […]
  • මහනුවර 2, පුත්තලම සහ කුරුණෑගල විශිෂ්ඨ ජයග්‍රහණ වාර්තා කරති
    වයස අවුරුදු 19 න් පහළ අන්තර් දිස්ත්‍රික් ක්‍රිකට් තරගාවලියේ අද (28 වැනිදා)පැවැති තරග වලදී පුත්තලම සහ මහනුවර කලාප 2 කණ්ඩායම් කුණු 200 කට වැඩි පරතරයකින් යුක්තව ජයග්‍රහණය කිරීමට […]
USD United States (US) dollar

Pin It on Pinterest