slc
logo
Home   |    News
ඔක්තෝබර් 1, 2021
ජැෆ්නා ස්ටැලියන්ස් හිමිකාරීත්වය ලයිකා සමාගමට

sinhala editor

ශ්‍රී ලංකා ක්‍රිකට් ආයතනයේ මෙහෙයවීමෙන් පැවැති අභිනව ලංකා ප්‍රිමියර් ලීග් තරගාවලියේ ශූරයින් බවට පත් වුණු ජැෆ්නා ස්ටැලියන්ස් කණ්ඩායමේ නව හිමිකාරීත්වය ශ්‍රී ලංකාවේ උපත ලැබූ බ්‍රිතාන්‍ය ව්‍යවසායකයකු වන අලිරාජා සුබාස්කරන් මහතාට අයත් ලයිකා සමාගම විසින් හිමිකරගෙන තිබේ.

2021 වසරේ දෙසැම්වර් මස 05 වැනිදා සිට 23 වැනිදා දක්වා පැවැත්වෙන එල්.පී.එල්. දෙවැනි තරගාවලියේදී ජැෆ්නා ස්ටැලියන්ස් කණ්ඩායමේ සියලු කටයුතු ලයිකා සමාගම විසින් සිදුකරනු ඇත.

ජැෆ්නා ස්ටැලියන්ස් හිමිකාරීත්වය ලබා ගැනීම පිළිබඳව අදහස් දක්වා සිටින ලයිකා සමාගමේ හිමිකරු අලිරාජා සුබාස්කරන් මහතා,  “එල්.පී.එල්. තරගාවලියේ වර්ධනය පිළිබඳව මම අවධානය යොමු කර සිටියා. එය ඉතාම හොඳ තරගාවලියක් බවට පත්ව තිබෙන අතර එය ක්‍රිකට් දින දර්ශකයේ ප්‍රධාන තැනක් ගනු ලබන බව මම විශ්වාස කරනවා. ලෝකය පුරා බොහෝ ක්‍රීඩා ලෝලීන් මෙම තරගාවලිය පිළිබඳව වැඩි අවධානයක් යොමු කර සිටින අතර එය හොඳ අරමුදල් සහ නම් දැරූ ක්‍රීඩකයින් තරගාවලියට එක්වීමත් සමග තවත් සාර්ථකත්වයට පත් වේවි. ඒ නිසා මම මෙය සමඟ දිගටම රැඳී සිටිනවා” යනුවෙනි.

“යාපනය කණ්ඩායම පළමු ශූරතාව දිනා ගත් කණ්ඩායම. ඒ වගේ කණ්ඩායමක් ලබා ගන්න ඕන කෙනෙක් කැමැත්තක් දක්වනවා. ඒ වගේම උතුරු පළාත ගැන මට තද බැඳීමක් තියෙනවා” යැයි ජැෆ්නා ස්ටැලියන්ස් හිමිකාරීත්වය තෝරා ගැනීම පිළිබඳව සුබාස්කරන් මහතා අදහස් දැක්වීය.

මේ අතර ලයිකා සමාගම විසින් ජැෆ්නා ස්ටැලියන්ස් පිලේ හිමිකාරීත්වය ලබා ගැනීම පිළිබඳව අදහස් දක්වා සිටින එල්.පී.එල්. හි ප්‍රවර්ධක ආයතනය වන අයි.පී.ජී. සමාගමේ නිර්මාතෘ සහ ප්‍රධාන විධායක නිලධාරී අනිල් මොහාන් මහතා, “ලයිකා සමාගම ජැෆ්නා ස්ටැලියන්ස් පිලේ හිමිකරුවන් වශයෙන් පත්වීම ගැන මම ඉමහත් සතුටට පත් වෙනවා. ඔවුන් ක්‍රීඩාව කෙරෙහි දක්වන ඇල්ම සහ ආශාව නිසා ඔවුන්ගේ රසිකයින් සහ එහි පාර්ශ්වකරුවන් සමඟ කණ්ඩායම ඉදිරියට ගෙන යා හැකි බවට මා විශ්වාස කරනවා” යනුවෙනි.

කණ්ඩායම් 5 කගේ සහභාගිත්වයෙන් දෙවැනි වරටත් පැවැත්වෙන ලංකා ප්‍රිමියර් ලීග් තරගාවලිය ලබන දෙසැම්බර් මස 05 වැනිදා සිට 23 වැනිදා දක්වා පැවැත්වෙන අතර තරගාවලි කාලසටහන සහ තරග පැවැත්වෙන ක්‍රීඩාංගණ ඉදිරියේදී තහවුරු කිරීමට නියමිතය.

Active filters

Recent Posts

  • ශ්‍රී ලංකා – බංග්ලාදේශ විස්සයි 20 තරග සඳුදා සිට
    ශ්‍රී ලංකා විස්සයි 20 ක්‍රිකට් කණ්ඩායමේ මෙවර බංග්ලාදේශ ක්‍රිකට් සංචාරයේ ප්‍රථම තරගය සඳුදා (04) සවස 5.30ට බංග්ලාදේශයේ සිල්හට් ජාත්‍යන්තර ක්‍රිකට් ක්‍රීඩාංගණයේදී ඇරැඹේ. මේ කණ්ඩායම් දෙකේම පසුගිය මාස කිහිපයේදී […]
  • මහනුවරට හා ගාල්ලට ජය | මිනෝද් භානුකගෙන් ශතකයක්
    මහනුවරට හා ගාල්ලට ජය මිනෝද් භානුකගෙන් ශතකයක් ශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය එක්දින ක්‍රිකට් තරගාවලිය වන නැෂනල් සුපර් ලීග් (NSL) තරගාවලියේ අද පැවැති කොළඹ […]
  • සුපර් ලීග් එක්දින තරග දෙකකදී ලකුණු 1243ක්
    ශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය එක්දින ක්‍රිකට් තරගාවලිය වන නැෂනල් සුපර් ලීග් (NSL) තරගාවලියේ ඊයේ පැවැති යාපනය හා මහනුවර පළාත් කණ්ඩායම් අතර තරගයෙන් කඩුලු […]
  • සුපර් ලීග් එක්දින තරගාවලියේ මහනුවරට හා කොළඹට ජය
    Iශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය එක්දින ක්‍රිකට් තරගාවලිය වන නැෂනල් සුපර් ලීග් (NSL) තරගාවලියේ අද පැවැති තරග දෙකේ ජය මහනුවර හා කොළඹ පළාත් කණ්ඩායම් […]
  • ඇෆ්ගනිස්තානයට සැනසිලි දායක තියුණු ජයක්
    තරග ජයග්‍රහණය කණ්ඩායම් දෙකටම දෝලනය වෙමින් පැවැති ශ්‍රී ලංකා – ඇෆ්ගනිස්තානය තෙවන සහ අවසාන විස්සයි 20 තරගයේ අවසාන ඕවරයේදී ලංකා කණ්ඩායමට ජයග්‍රහණයට ලකුණු 19ක් අවශ්‍ය තිබුණත් උණුසුම් මුහුණුවරකින් […]
USD United States (US) dollar

Pin It on Pinterest