ඔක්තෝබර් 17 වැනිදා ඕමාන් සහ එක්සත් අරාබි එමීර් රාජ්‍යයේ පැවැත්වෙන පන්දුවාර විස්සයි-20 ලෝක කුසලාන ක්‍රිකට් තරගාවලියේ විනිශ්චය කටයුතු සඳහා නම් කරන ලද විනිසුරුවන් සහ තීරකවරුන් අතරට ශ්‍රී ලාංකිකයින් වන කුමාර් ධර්මසේන සහ රංජන් මඩුගල්ලේ යන මහත්වරු ඇතුළත්ව සිටිති.

සුදුසුකම් ලැබීමේ තරගාවලිය ඇතුළු කණ්ඩායම් 12 කගේ සහභාගිත්වයෙන් පැවැත්වෙන ලෝක කුසලාන තරගාවලිය සඳහා විනිසුරුවරුනු 12 දෙනෙකු සහ තරග තීරකවරුන් සිව් දෙනෙකු ඇතුළත්ව සිටිති. 2019 වසරේ පැවැති ලෝක කුසලාන තරගාවලි විනිශ්චය සඳහා ශ්‍රී ලංකාවෙන් සහභාගිවුණු රුචිර පල්ලියගුරුගේ මහතා මෙවර තරගාවලියේ විනිශ්චය සඳහා තෝරා ගෙන නොමැත.

ඔක්තෝබර් 17 වැනිදා සිට නොවැම්බර් 14 දක්වා වූ කාල සීමාවේදී පැවැත්වෙන මෙවර ලෝක කුසලාන තරගාවලිය අලීම් ඩාර්, මරායස් එරැස්මස් සහ රොඩ්නි ටකර් යන විනිසුරුවරුන්ගේ 6 වැනි ලෝක කුසලාන තරගාවලිය වෙති.

තරග තීරකවරු – රංජන් මඩුගල්ල, ඩේවිඩ් බූන්, ජෙෆ් ක්‍රෝ, ජවගල් ශ්‍රීනාත්

විනිසුරුවරුන් – කුමාර් ධර්මසේන, ක්‍රිස් බ්‍රවුන්, අලීම් ඩාර්, මාරියස් එරැස්මස්, ක්‍රිස් ග්‍රැෆනි, මයිකල් ගෆ්, ඒඩ්‍රියන් හෝල්ඩිස්ටොක්, රිචඩ් ඉලිංග්වර්ත්, රිචඩ් කෙට්ල්බ්‍රෝ, නිතින් මෙනන්, අසන් රාසා, පෝල් රයිෆල්, ලැන්ග්ටන් රූසර්, රොඩ්නි ටකරු, ජොයෙල් විල්සන්, පෝල් විල්සන්.