slc
Home   |    News
ඔක්තෝබර් 13, 2021
බංග්ලාදේශයට එරෙහි පළමු පෙරහුරුවෙන් ශ්‍රී ලංකාවට කඩුලු 4 ක ජයක්

sinhala editor

මේ මස 17 වැනිදා සිට එක්සත් අරාබි එමීර් සහ ඕමාන් රටවලදී ආරම්භ වීමට නියමිත පන්දුවාර විස්සයි-20 ලෝක කුසලාන ක්‍රිකට් තරගාවලියට පෙර සූදානමක් ලෙසින් ශ්‍රී ලංකාවට හිමි පළමු පුහුණු තරග අවස්ථාවේදීම බංග්ලාදේශ පිලට එරෙහිව කඩුලු 4 ක ජයක් වාර්තා කළ ශ්‍රී ලංකා කණ්ඩායම ලෝක කුසලාන ගමනට ජයග්‍රාහී ප්‍රවේශයක් අද (ඔක්තෝබර් 12 වැනිදා) ලබා ගැනීමට සමත්වූහ.

අබුඩාබිහි ටොලරන්ස් ක්‍රීඩාංගණයේ පැවැති මෙම තරගයේදී ජයග්‍රහණය සඳහා ලකුණු 148 ක ඉලක්කයක් හඹා ගිය ශ්‍රී ලංකා කණ්ඩායම 19 වැනි පන්දුවාරයේ සපුරා ගන්නා ලද්දේ තවත් කඩුලු 4 ක් ලකුණු පුවරුවේ ඉතිරිව තිබියදීය. ශ්‍රී ලංකා ජයග්‍රහණය වෙනුවෙන් අවිෂ්ක ප්‍රනාන්දු සහ චාමික කරුණාරත්න 7 වැනි කඩුල්ල වෙනුවෙන් පන්දු 49 කදි නොබිඳුණු ලකුණු 73 ක සම්බන්ධතාවක් පවත්වමින් ශ්‍රී ලංකා පිල ජයග්‍රහණය කරා රැගෙන ගියහ.

කැපී පෙනෙන පිතිහරඹයක නිරත වුණු අවිෂ්ක ප්‍රනාන්දු හයේ පහර 3 ක් සහ හතරේ පහර 2 ක් සමඟින් පන්දු 42 කදී ලකුණු 62 ක් ලබා ගත්තේ ජයග්‍රහණයේ වැඩි වගකීමක් දිනූ පිතිකරුවා බවට පත් වෙමිනි. ඔහුට අනගි සහායක් ලබා දුන් චාමික කරුණාරත්න පන්දු 25 කදී හයේ පහරක් සහ හතරේ පහරක් සමඟින් ලකුණු 29 ක් ලබා ගත්තේය.

අවසන් පන්දුවාර 3 දී ශ්‍රී ලංකා ජයග්‍රහණය සඳහා ලකුණු 34 ක් ලබා ගත යුතු වුවත් 18 වැනි පන්දුවාරයේදී ටස්කින් අහමඩ් ලබා දුන් අතිරේක ලකුණු 3 ත් සමඟින් ලකුණු 21 ක් ලබා ගැනීමටත් 19 වැනි පන්දුවාරයේදී ලකුණු 13 ක් ලබා ගැනීමට සමත්වීම නිසා පන්දුවාරයක් ඉතිරිව තිබියදී ජයග්‍රහණය සනිටුහන් කිරීමට ශ්‍රී ලංකා පිලට අවස්ථාව උදාවිය. තරගය ජය ගත්තද කණස්සල්ලට ඇති එකම කරුණ වන්නේ අනෙක් පිතිකරුවන්ගෙන් බලාපොරොත්තුවන සේවය නොලැබීමය. චාමික සහ අවිෂ්කට පසු වැඩිම ලකුණු ලබාගත් පිතිකරුවා බවට පත්වූයේ පැතුම් නිස්සංක වන අතර ඔහුද ලකුණු 15 කට දැවී ගියේය.

පන්දු යැවීම අතින් ගත් විට ශ්‍රී ලංකා කණ්ඩායම කිසියම් ප්‍රගතියක් පෙන්නුම් කළ අතර එහිදී දුෂ්මන්ත චමීර කැපී පෙනුණි. ක්‍රියාත්මක කරන ලද පන්දුවාර 4 ලකුණු 27 කට සීමා කළ දකුණත් වේග පන්දු යවන්නා ප්‍රතිවාදී කඩුලු 3 ක් ද බිඳ හෙළුවේය. අවසන් තරග කීපයේදීම දැඩි ප්‍රගතියක් පෙන්නුම් කරන ළහිරු කුමාර සහ වනිඳු හසරංග සිය පන්දුවාර 4 දී ලකුණු 24 ක් පමණක් ලබා දෙමින් එක් කඩුල්ල බැගින් බිඳ හෙළූහ.

පන්දුවට පහර දීමේදී බංග්ලාදේශ පිතිකරුවන් අතර සෞම්‍ය සර්කාර් පන්දු 26 කදී ලකුණු 34 ක් රැස් කළේය. ඔහු හැරුණු විට සෙසු පිතිකරුවන්ට ලකුණු 16 සීමාව ඉක්මවාලීමට ශ්‍රී ලංකා පන්දු යවන්නෝ අවසර ලබා නොදුන්හ. පුහුණු තරග යටතේ ශ්‍රී ලංකාව සහභාගිවන මීළඟ පුහුණු තරගය ඔක්තෝබර් 14 වැනිදා පැපුවා නිව්ගිනියාවට එරෙහිව අබුඩාබිහිදී පැවැත්වෙනු ඇත.

Active filters

Recent Posts

  • ශ්‍රී ලංකාවෙන් ප්‍රසාද ලකුණක් ගිලිහෙයි
    නවසීලන්තයට එරෙහිව පැවැති පළමු එක්දින තරගයේදී නියමිත වේලාවට පන්දුවාර සංඛ්‍යාව යවා අවසන් කිරීමට අපොහොසත් වුණු ශ්‍රී ලංකා කණ්ඩායමට ලෝක කුසලාන සුපර් ලීග් ප්‍රසාද ලකුණු සටහනෙන් තවත් එක් ලකුණක් […]
  • මහේල නවසීලන්තයට නොයෑම ගැන ශ්‍රී ලංකා ක්‍රිකට් කරුණු පහදයි
    ශ්‍රී ලංකා ක්‍රිකට්හි ‘පුහුණු උපදේශකවරයා’ ලෙසින් කටයුතු කරන මහේල ජයවර්ධන ශ්‍රී ලංකා කණ්ඩායම සහභාගිවන සෑම සංචාරයකදීම ජාතික කණ්ඩායම සමඟ සංචාරයට සහභාගි නොවන බව ශ්‍රී ලංකා ක්‍රිකට් දැනුම් දී […]
  • යොවුන් පිලට අවසන් මහ තරග අවස්ථාව ගිළිහෙයි
    අබුඩාබි නුවර පැවැත්වෙන වයස අවුරුදු 19 න්  පහළ තුන්කොන් එක්දින ක්‍රිකට් තරගාවලියේ අවසන් මහ තරගයට සුදුසුකම් ලබා ගැනීම සඳහා ශ්‍රී ලංකා යොවුන් කණ්ඩායමට තිබූ අවසන් අවස්ථාව වූ ඇෆ්ගනිස්තානයට […]
  • දඹුල්ලේ අපරාජිත බව බිඳ වැටෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී දඹුල්ල පිලේ අපරාජිත බව බිද දැමූ ගෝල් ක්‍රීඩකයෝ කඩුලු 5ක ජයක් වාර්තා කළහ. දැනටමත් අවසන් මහා තරගයට […]
  • කැන්ඩි දෙවැනි වරටත් ජැෆ්නාට පරදී
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී දෙවැනි වරටත් කැන්ඩි පිල පරාජය කිරීමට ජැෆ්නා ක්‍රීඩකයෝ සමත් වූහ. කොළඹ සිංහල ක්‍රීඩා සමාජ ක්‍රීඩාංගණයේ   පැවති තරගයෙන් […]
LKR Sri Lankan rupee

Pin It on Pinterest