slc
logo
Home   |    News
ජනවාරි 26, 2022
මෙන්ඩිස් සහ අසලංක කොළඹ ජය ඉක්මන් කරති

sinhala editor

නැෂනල් සුපර් ලීග් එක්දින ක්‍රිකට් තරගාවලිය යටතේ වනාතමුල්ල සරවනමුත්තු ක්‍රීඩාංගණයේ බදාදා (26) පැවැති තරගයෙන් දඹුල්ල කණ්ඩායමට එරෙහිව කඩුලු 7 ක පහසු ජයක් වාර්තා කිරීමට කොළඹ කණ්ඩායම සමත්විය.

දඹුල්ල කණ්ඩායම පන්දුවාර 40 ක් අවසානයේ සියලු පිතිකරුවන් දැවී ලබාගත් ලකුණු 143ට පිළිතුරු ලෙස කොළඹ කණ්ඩායම පන්දුවාර පන්දු 176 ක් ඉතිරිව තිබියදී ඉලක්කය සපුරා ගන්නා ලද්දේ කඩුලු 3 ක් පමණක් ප්‍රතිවාදීන් හමුවේ ලබා දෙමිනි.

ජයග්‍රහණය හඹා යෑමේදී සාර්ථක ආරම්භයක් එක් කළ කුසල් මෙන්ඩිස් පළමු කඩුල්ල වෙනුවෙන් ලකුණු 43 ක් ධනුෂ්ක ගුණතිලක සමඟ එක්ව රැස් කළේය. පන්දු 31 කදී ගොඩ නැංවුණු එම සම්බන්ධාවයේදී ධනුෂ්කගේ දායකත්වය ලකුණු 6 ක් වද්දී මෙන්ඩිස් ලකුණු 37 ක් ලබා ගත්තේය. ගුණතිලකගේ දැවී යෑමෙන් පසු දෙවැනි කඩුල්ල වෙනුවෙන් චරිත් අසලංකට එක්වූ මෙන්ඩිස් පන්දු 62 කදී ලකුණු 71 ක් රැස් කළේ කොළඹ ජයග්‍රහණය ඉක්මන් කරමිනි.

ලක්ෂාන් සඳකැන්ගේ පන්දුවක් හමුවේ මෙන්ඩිස් කඩුල්ල අහිමිකර ගන්නා විට පන්දු 44 කදී ලකුණු 67 ක් රැස් කරගෙන සිටියේ හයේ පහර 4 කින් සහ හතරේ පහර 6 කින් සිය ඉනිම සරසා ගනිමිනි.

කුසල් මෙන්ඩිස් දැවැත්ත පහරවල් පිටියපුරා එල්ල කළ අතර, ඔහුගේ පළමු හයේ පහර සරවනමුත්තු පිටියෙන් පිටත මහාමාර්ගයේ පතිත විය. මෙන්ඩිස් පන්දු 44ක දී හතරේ හයක් හයේ හතරක් සමග ලකුණු 64ක් ද චරිත් අසලංක පන්දු 46ක දී හතරේ අටක් සහ නොදැවී ලකුණු 52ක් ද ලැබූහ.

දඹුල්ල කණ්ඩායම කාසියේ වාසිය දිනා තීරණය කළේ මුලින්ම පන්දුවට පහරදීමටය.  ඉනිම ආරම්භයේ සිටම දඹුල්ල පිතිකරුවන් මන්දගාමී ස්වරූපයක් ඉසිලූ අතර, ඔවුන්ගේ ලකුණු රැස් කිරීමේ වේගය පන්දුවාරයකට 3.57කි.

නායක අෂාන් ප්‍රියංජන් මුළු ලකුණු 115දී (පන්දුවාර 26.2) පස්වන කඩුල්ල ලෙස කුණු 31ක ට දැවී යාමෙන් පසු අවසාන කඩුලු පහම තවත් ලකුණු 28ක් පමණක් එක්වනවිට දැවී ගියේ ඉනීමේ පන්දු හැටක්ම ඉතිරිව තිබියදී ය.

දඹුල්ල ඉනිමේ හොඳම සබඳතාවය වූයේ අංක තුන පිතිකරු ලසිත් අබේරත්න සහ අංක හතර පිතිකරු පවන් රත්නායක තුන්වන කඩුල්ලට පන්දු 54ක දී ලබාගත් ලකුණු 37 වේ.

දඹුල්ල කණ්ඩායමේ වැඩිම ලකුණු ලාභියා බවට පත්වූයේ ලකුණු 41ක් රැස්කළ  ලසිත් අබේරත්න වේ. කොළඹ කණ්ඩායමේ දක්ෂතම පන්දු යවන්නා වූ ප්‍රභාත් ජයසූරිය සිය පන්දුවාර දහය අවසානයේ ලකුණු 35ක ට කඩුලු තුනක්ම දවාලුවේය.  කළණ පෙරේරා සහ චරිත් අසලංක කඩුලු දෙක බැගින් දවාලූහ.

තරගයේ වීරයා – කුසල් මෙන්ඩිස්

ලකුණු සාරාංශය – දඹුල්ල පන්දුවාර 40ක දී සියල්ල දැවී 143යි – (ලසිත් අබේරත්න 41, අෂාන් ප්‍රියංජන් 31, පවන් රත්නායක 19, සොනල් දිනූෂ 15, දුවිඳු තිලකරත්න 12යි, ප්‍රභාත් ජයසූරිය 35/3, කළණ පෙරේරා 18/2, චරිත් අසලංක 19/2)

කොළඹ පන්දුවාර 20.4ක දී කඩුලු 3ට 144යි – (කුසල් මෙන්ඩිස් 67, චරිත් අසලංක නොදැවී 52, අෂාන් ප්‍රියංජන් 23/1 ලක්ෂාන් සඳකැන් 24/1, නුවන් තුෂාර 19/1)

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

LKR Sri Lankan rupee