slc
logo
Home   |    News
ජනවාරි 20, 2022
වනිඳු සහ චමීර ලෝක එක්දින පිලට නම් කෙරෙයි

sinhala editor

ජාත්‍යන්තර ක්‍රිකට් සභාවේ මෙහෙයවීමෙන් 2021 වසරට අදාළව නම් කරන ලද වසරේ එක්දින කණ්ඩායමට ශ්‍රී ලාංකික ක්‍රීඩකයින් දෙදෙනෙකු වන වනිඳු හසරංග සහ දුෂ්මන්ත චමීර ඇතුළත්ව සිටිති. නම් කරන ලද කණ්ඩායමේ නායකයා ලෙස පාකිස්තානු නායක බාබර් අසාම්ව පත් කර තිබේ.

ගෙවී ගිය වසරේදී ජාත්‍යන්තර පිටියේ දක්වන ලද දක්ෂතා සැලකිල්ලට ගනිමින් මෙම කණ්ඩායම ප්‍රකාශයට පත් කිරීමේදී ඉන්දියාව, ඔස්ට්‍රේලියාව, එංගලන්තය, බටහිර ඉන්දීය කොදෙව්, ඇෆ්ගනිස්තානය සහ සිම්බාබ්වේ යන කණ්ඩායම් වලින් එකම ක්‍රීඩකයකු හෝ ඇතුළත් නොවීම කැපී පෙනෙයි.

තරග 14 කදී අර්ධ ශතක 3 ක් ද සමඟ ලකුණු 356 ක් ලබා සිටින වනිඳු දවාගෙන ඇති කඩුලු සංඛ්‍යාව 12 ක් වේ. පන්දුවාරයකට 4.56 ක සාමාන්‍යක් ලබා දී ඇති වනිඳු පන්දුවට පහර දීමේදී 27.38 ක සාමාන්‍යයක් රඳවා ගැනීමට සමත්ව සිටියි.

ගෙවී ගිය වසරේ තරග 14 කට සහභාගිවූ චමීර කඩුලු 20 ක් දවා ගනිමින් වැඩිම එක්දින කඩුලු ලාභියා බවට පත්ව සිටියි. කඩුල්ලක් දවා ගැනීමේ සාමාන්‍ය 29.30 ක් රඳවා ගැනීමට සමත් දකුණත් වේග පන්දු යවන්නා ඉකුත් වසරේ මැයි මාසයේදී බංග්ලාදේශයට එරෙහිව ඩකාහි පැවැති තරගයේදී ලකුණු 16 ක් ඇතුළත දවා ගන්නා ලද කඩුලු 5 එහි හොඳම පන්දු යැවීම ලෙස සටහන් වේ.

වසරේ එක්දින කණ්ඩායම – පෝල් ස්ටර්ලිං (අයර්ලන්තය), යෙනෙමන් මලාන් (දකුණු අප්‍රිකාව), බාබර් අසාම් (පාකිස්තානය), ෆකාර් සමාන් (පාකිස්තානය), රාසි වැන්ඩර් ඩසන් (දකුණු අප්‍රිකාව), මුෂ්ෆිකර් රහීම් (බංග්ලාදේශය), වනිඳු හසරංග (ශ්‍රී ලංකාව), මුස්තෆිසූර් රෙහ්මාන් (බංග්ලාදේශය), සිම් සිං (අයර්ලන්තය), දුෂ්මන්ත චමීර (ශ්‍රී ලංකාව)

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar