slc
logo
Home   |    News
පෙබරවාරි 16, 2022
දික්වැල්ල සහ උදාර කැන්ඩි පිලට පහසු ජයක් ගෙනති

sinhala editor

නැෂනල් සුපර් ලීග් එක්දින ක්‍රිකට් තරගාවලියේ මූලික තරග වටය යටතේ තරග පැවැති අවසන් දිනයේදී වැඩිම ලකුණු වාර්තා කරන ලද කණ්ඩායම බවට පත්වෙමින් ගාල්ලට එරෙහි තරගය ලකුණු 66 කින් ජය ගනු ලැබීය. පල්ලකැලේ ක්‍රීඩාංගණයේ පැවැති මෙම තරගයේදී ප්‍රසාද ලකුණද සමඟ තරගය ජය ගත්තේ නම් අවසන් මහ තරග අවස්ථාවට සුදුසුකම් ලබා ගැනීම සදහා ගාල්ල කණ්ඩායමට සියුම් අවස්ථාවක් පැවැතියත් කැන්ඩි නායක නිරෝෂන් දික්වැල්ල සහ අනෙක් ආරම්භක පිතිකරු ළහිරු උදාර ඒ සියල්ල සිහිනයක් බවට පත් කළේ පළමු කඩුල්ල වෙනුවෙන් ශතක සම්බන්ධතාවක් වාර්තා කරමිනි.

ගාල්ල කණ්ඩායමට අද තරගයෙ ලැබුණද ඔහුගේ අවසන් මහ තරග ගමන තීරණය වන තවත් සාධකයක් බවට පත්වූයේ දඹුල්ලේ පැවැති ජැෆ්නා සහ කලම්බු අතර තරගයෙන් ජැෆ්නා පිල පරාජය විය යුතුවීමය. කෙසේ වෙතත් කලම්බු පිලට එරෙහිව ජය වාර්තා කළ ජැෆ්නා ක්‍රීඩකයෝ ලබන 19 වැනිදා කැන්ඩි කණ්ඩායම සමඟින් විදුලි ආලෝක ධාරා මධ්‍යයේ පැවැත්වීමට නියමිත අවසන් මහ තරග වරමට සුදුසුකම් ලබා ගැනීමට සමත්වූවේය.

පළමුව පන්දුවට පහර දුන් කැන්ඩි පිල ලකුණු 344 ක ඉලක්කයක් ගාල්ල කණ්ඩායම හමුවේ තැබූහ. එහෙත් අෂේන් ඩැනියල් ප්‍රමුඛ කැන්ඩි පන්දු යවන්නන් හමුවේ පන්දුවාර 47.1 ක් අවසනදී සියලු පිතිකරුවන් දැවී ගාල්ල පිලට ලබාගත හැකි වූයේ ලකුණු 277 ක් පමණි.

අංක 7 ස්ථානයෙන් පන්දුවට පහර දුන් කවිෂ්ක අංජුල අද දිනයේදීද පන්දු 71 කදී ලකුණු 90 ක් රැස් කිරීමට සමත්විය. හයේ පහර 3 ක් සහ හතරේ පහර 12 ක් ඇතුළත් වුණු වමත් පිතිකරුවා මීට පෙරද කලම්බු පිලට එරෙහිව පන්දු 73 කදී ලකුණු 75 ක් වාර්තා කරමින් තරගයේ වීරයා සම්මානයෙන් පිදුම් ලැබීය. එහෙත් කැන්ඩි කණ්ඩායමේ ඉලක්කය නොසිතූ තරම් ඈත එකක් වූයෙන් අංජුලගේ දක්ෂතාවය තරග ජයග්‍රහණයට ප්‍රමාණවත් නොවීය.කෙසේ වෙතත් විශාද් රන්දික (ලකුණු 47 ක්) සමඟ එක්වූ කවිෂ්ක හය වැනි කඩුල්ල වෙනුවෙන් පන්දු 125 කදී ලකුණු 134 ක සම්බන්ධතාවක් පැවැත්වීමට සමත්වීම කැපී පෙනිණ.

කාසියේ වාසියත් සමඟ පළමුව පන්දුවට පහර දුන් කැන්ඩි පිල අද දිනයේ ලබා ගන්නා ලද ලකුණු 343 මෙවර තරග වාරයේ කණ්ඩායමක් රැස් කරන ලද ඉහළම ලකුණු සංඛ්‍යාව ලෙසින් සටහන් විය. මීට පෙර කණ්ඩායමක් රැස් කරන ලද ඉහළම ලකුණු සංඛ්‍යාවට හිමිකම් කීවේද කැන්ඩි කණ්ඩායම වන අතර ඒ කොළඹ එස්.එස්.සී. පිටියේදී දඹුල්ල පිලට එරෙහිව කඩුලු 9 ක් දැවී රැස් කරන ලද ලකුණු 318 විය.

මෙම ලකුණු සංඛ්‍යාවට අමතරව නායක නිරෝෂන් දික්වැල්ල රැස් කරන ලද ලකුණු 135 මෙවර තරග වාරයේ පිතිකරුවකු රැස් කරන ලද දෙවැනි ඉහළතම ලකුණු සංඛ්‍යාව ලෙසින් සටහන් විය. ඔහුට පෙර ඕෂද ප්‍රනාන්දු රැස් කරන ලද ලකුණු 138 මෙවර තරග වාරයේ පිතිකරුවකු ලද ඉහළම ලකුණු සංඛ්‍යාව වේ.

තරග ආරම්භයේ සිටම ප්‍රතිවාදීන්ට කිසිම අවස්ථාවක් ලබා නොදුන් දික්වැල්ල සහ ළහිරු උදාර පළමු කඩුල්ල වෙනුවෙන් පන්දු 211 කදී ලකුණු 233 ක අනගි සම්බන්ධාතවක් ගොඩනැංවූහ. සිය ලකුණු 135 වෙනුවෙන් පන්දු 104 කට මුහුණ දුන් වමත් පිතිකරුවා හයේ පහර 2 කින් සහ හතරේ පහර 17 කින් සිය ඉනිම සරසා ගත්තේය. ඔහුට අනගි සහායක් ලබා දුන් ළහිරු උදාර පන්දු 116 කදී ලකුණු 106 ක් වාර්තා කරගත්තේ හයේ පහර 2 කින් සහ හතරේ පහර 10 කින් ඉනිම සරසා ගනිමිනි. මැද පෙළින් පැමිණි කමිඳු මෙන්ඩිස් හයේ පහර 2 ක් සහ හතරේ පහර 2 ක් සමඟ පන්දු 41 කදී වේගවත් ලකුණු 58 ක් රැස් කොට ලකුණු ලබා ගැනීම වේගවත් කළේය.

තරගයේ වීරයා – නිරෝෂන් දික්වැල්ල

ලකුණු සාරාංශය

කැන්ඩි පන්දුවාර 50 කදී කඩුලු 6 ට ලකුණු 343 යි – (නිරෝෂන් දික්වැල්ල 135, ළහිරු උදාර 106, කමිඳු මෙන්ඩිස් 58, පුලින තරංග 13*, සහන් ආරච්චිගේ 11, චලන ද සිල්වා 38/3)

ගෝල් කණ්ඩායම පන්දුවාර 47.1 කදී සියලු දෙනා දැවී ලකුණු 277 යි – (කවිශ්ක අංජුල 90, අෂාන් රන්දික 27, පබසර වඩුගේ 42, මුදිත ලක්ෂාන් 12, විෂාද් රන්දික 47, ජෙහාන් ඩැනියල් 13, අෂේන් ඩැනියෙල් 46/4, පුලින තරංග 35/3, අසිත ප්‍රනාන්දු 51/2)

Active filters

Recent Posts

  • ලකුණු 54 ක ජය සමඟින් කැන්ඩි ෆෝල්කන්ස් පිලේ බලාපොරොත්තු ඉහළ යයි
    අවසන් කණ්ඩායම් 4 අතර තරග වටයට සුදුසුකම් ලබා ගැනීමට නම් ජයග්‍රහණය තීරණාත්මක වුණු ලංකා ප්‍රිමියර් ලීග් ක්‍රිකට් තරගාවලියේ 18 වැනි තරගය ලෙසින් දඹුල්ල සික්සර්ස් පිලට එරෙහි තරගයෙන් ලකුණු […]
  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]

Pin It on Pinterest

LKR Sri Lankan rupee
logo