slc
Home   |    News
මැයි 7, 2022
කෙන්ට් 418/6යි.

Sri Lanka Cricket

එංගලන්තයේ ක්‍රිකට් සංචාරයක යෙදෙන ශ්‍රී ලංකා සංවර්ධන (නැගීඑන) ක්‍රිකට් කණ්ඩායම එංගලන්තයේ කෙන්ට් ප්‍රාන්ත ක්‍රිකට් කණ්ඩායම සමඟ සිකුරාදා (6) ආරම්භවූ සිව්දින තරගයේදී මුලින් පන්දුවට පහරදෙන කෙන්ට් ප්‍රාන්තය ප්‍රථම දින නිමවන විට කඩුලු හයකට ලකුණු 418ක් ලබාසිටියේය.

කෙන්ට් කණ්ඩායමට ප්‍රබල තත්ත්වයකට පත්වීමට අවස්ථාව උදාවූයේ පස්වන කඩුල්ලට ඩැරන් ස්ටීවන්ස් සහ ජෝර්ජ් ලින්ඩෙ පන්දු 250කදී එක්කළ ලකුණු 264මතය. මේ පිතිකරුවන් දෙදෙනාම ශතක ඉක්මවීමය.

ශ්‍රී ලංකා සංවර්ධන කණ්ඩායමේ ධනංජය ලක්ෂාන් කෙන්ට් ඉනිම ආරම්භයේදී කඩුලු දෙකක් දවාලීමෙන් ඔවුනගේ පළමු කඩුලු හතර ලකුණු 95ක් වන විට දැවීගියේ පන්දුවාර 31.2ක් වන විටය. පසුව ස්ටීවන්ස් සහ ලින්ඩෙ පස්වන කඩුල්ලට ප්‍රහාරාත්මක සබඳතාවයක් තබාගැනීමෙන් ඔවුනට විශාල ලකුණු සංඛ්‍යාවකට යාමට අවස්ථාව උදාවිණි.

ඩැරන් ස්ටීවන්ස් පන්දු 142කදී හතරේ 24ක් සහ හයේ පහක් සමඟ ලකුණු 168ක්ද ජෝර්ජ් ලින්ඩෙ පන්දු 141කදී හතරේ 11ක් සහ හයේ පහර දෙකක් සමඟ ලකුණු 107ක්ද ලැබීය.

ශ්‍රී ලංකා සංවර්ධන කණ්ඩායමේ පන්දු යවන්නන් අතුරින් කැපීපෙනුණු උදිත් මධුෂාන් ලකුණු 75කට කඩුලු දෙකක්ද ධනංජය ලක්ෂාන් ලකුණු 92කට කඩුලු දෙකක්ද දවාලමින් දක්ෂතා දැක්වූහ.

කැන්ටබරිහි ශාන්ත ලෝරන්ස් ක්‍රීඩාංගණයේ පැවැත්වෙන මේ තරගයේ කාසියේ වාසිය දිනූ කෙන්ට් නායක ජැක් ලීනින්ග් තීරණය කළේ මුලින් පන්දුවට පහරදීමටය. ශ්‍රී ලංකා කණ්ඩායමේ නායකත්වය දරන්නේ මීට වසර තුනකට පෙර ශ්‍රී ලංකා 19න් පහළ නායකත්වය දැරූ නිපුන් ධනංජයය.

වේග පන්දු යවන යසිරු රුද්‍රිගෝ ශ්‍රී ලංකා සංවර්ධන කණ්ඩායම ප්‍රථමවරට නියෝජනය කිරීමට වරම් ලද අතර කෙන්ට් කණ්ඩායම ප්‍රථමවරට නියෝජනය කරන ලැබුවේ බිලි මීඩ් සහ මැක්ස් ලකට්ය.

කෙන්ට් පිතිකරුවන් අතුරින් කැපී පෙනුණු අනෙකුත් පිතිකරුවන් වූ මාක්ස් ඕ රියෝඩ්න් පන්දු 83කදී හතරේ තුනක් සමඟ ලකුණු 31ක්ද ජෝ ඩෙන්ලි පන්දු 56කදී හතරේ පහක් සමඟ ලකුණු 35ක්ද නායක ජැක් ලීනින්ග් පන්දු 40කදී හතරේ හතරක් සමඟ ලකුණු 22ක්ද ලැබීය.

ලකුණු විස්තරය

කෙන්ට් ප්‍රාන්තය පන්දුවාර 90කදී කඩුලු හයකට 418යි.

(ඩැරන් ස්ටීවන්ස් 168, ජෝර්ජ් ලින්ඩෙ 107, ජෝ ඩෙන්ලි 35, මාක්ස් ඕ රියෝඩ්න් 31, ජැක් ලීනින්ග් 22, උදිත් මධුෂාන් 75/2, ධනංජය ලක්ෂාන් 92/2, අෂේන් බණ්ඩාර 30/1, යසිරු රුද්‍රිගෝ 63/1යි)

Recent Posts

  • ශ්‍රී ලංකාව පන්දු යැවීමට තීරණය කරයි
    නවසීලන්තයට එරෙහිව ඕක්ලන්ඩ්හිදී පැවැත්වෙන පළමු එක්දින තරගයේ කාසියේ වාසිය දිනා ගත් ශ්‍රී ලංකා නායක දසුන් ශානක පළමුව පන්දුවට පහර දීම සඳහා සත්කාරක නවසීලන්ත කණ්ඩායමට ආරාධනා කර සිටියේය. මෙම […]
  • අවධානම අඩු කර ගැනීමේ පළමු සටනට ශ්‍රී ලංකා පිල සූදානම් – දසුන්
    BY CHAMILA KARAWITA ලෝක කුසලාන ක්‍රිකට් තරගාවලියට සුදුසුකම් ලබා ගැනීම වෙනුවෙන් පැවැත්වෙන සුපිරි ලීග් තරගාවලිය යටතේ ශ්‍රී ලංකා කණ්ඩායම සහභාගිවන අවසන් එක්දින තරගාවලිය නවසීලන්ත කණ්ඩායමට එරෙහිව හෙට (25 […]
  • දඹුල්ල සිව්වැනි ජයත් සමඟින් අපරාජිතව ඉදිරියට
    නැෂනල් සුපර් ලීග් එක්දින සීමිත පන්දුවාර ක්‍රිකට් තරගාවලියේ අද (23 දා) රංගිරි දඹුලු ජාත්‍යන්තර ක්‍රීඩාංගණයේ පැවැති තරගයේදී ජැෆ්නා කණ්ඩායම ලකුණු 76 ක පරාජයකට ඇද දැමූ දඹුල්ල කණ්ඩායම පිට […]
  • කෲස්පුල්ලේගෙන් අනුකම්පා විරහිත පිතිහරඹයක්
    ශ්‍රී ලංකා ක්‍රිකට් ආයතනය විසින් මෙහෙයවනු ලබන නැෂනල් සුපර් ලීග් සීමිත පන්දුවාර ක්‍රිකට් තරගාවලියේ මූලික තරග වටය යටතේ අද (23 දා) පල්ලකැලේ ජාත්‍යන්තර ක්‍රීඩාංගණයේ පැවැති තරගයේදී ලකුණු 167 […]
  • යාපනයේ ක්‍රිකට් ගැන විතූෂාන් කතා කරයි
    යාපනයේ සිට පැමිණි තරුණි තරුණ ක්‍රිකට් ක්‍රීඩකයන් පස්දෙනෙකුම මේ වන විට අන්තර් සමාජ නියෝජනය කරමින් ජාතික මට්ටමෙන් තරග කරන අතර ඔවුනගේ අපේක්ෂාව වන්නේ ජාතික කණ්ඩායමට ඇතුළත්ව මව්බිමට කීර්තියක් […]
LKR Sri Lankan rupee

Pin It on Pinterest