slc
Home   |    News
මැයි 18, 2022
ශ්‍රී ලංකාව අනපේක්ෂිත අසීරුතාවකට මුහුණ දෙයි

sinhala editor

By Chamila Karawita

ටමීම් ඉක්බාල්ට අමතරව මුෂ්ෆිකර් රහීම්ද ශතකයක් වාර්තා කර ගැනීමට සමත්වීම නිසා ශ්‍රී ලංකාවට රෙහිව චිටෝග්‍රෑම්හි පැවැත්වෙන පළමු ටෙස්ට් තරගයේ සිව්වැනි දිනය වූ අද (18 දා) දිනදී පළමු ඉනිමේදී ලකුණු 68 ක වාසියක් අත්කර ගැනීමට සත්කාරක බංග්ලාදේශ කණ්ඩායම සමත්ව සිටියේය. ඒ අනුව සිව්වැනි දිනට ක්‍රීඩාව නවතා දමනා විට නැවතත් සිය දෙවැනි ඉනිම ක්‍රීඩා කරමින් සිටින ශ්‍රී ලංකා කණ්ඩායමේ ලකුණු 39 ක් ඇතුළත කඩුලු දෙකක් බිඳ දමමින් සංචාරකයින් කිසිසේත් නොසිතූ අසීරුතාවයකට ඇද දැමීමට බංග්ලාදේශ ක්‍රීඩකයෝ සමත්වූහ.

කඩුලු අතර දිව යෑමේදී කෙළින්ම කඩුල්ලට පන්දුව යොමු කිරීමට සමත්වීම නිසා ඕෂධ ප්‍රනාන්දුව ලකුණු 19 කට ද සැඳෑ පිතිකරුගේ වගකීම ඉටු කිරීමට පැමිණි ලසිත් ඇඹුල්දෙණියව ලකුණු 02 කට දවා ගත් තයිජුල් ඉස්ලාම් ශ්‍රී ලංකාව අසීරුතාවයට ඇද දැමීමේ පුරෝගාමියේ වූවේය. තරගයේ පස්වැනි සහ අවසන් දිනය වන හෙට දිනයේදී ශ්‍රී ලංකාව අවතීර්ණ වන්නේ ලකුණු 29 ක් පිටුපසින් වන අතර අත ඉතිරිව තිබෙන්නේද කඩුලු 8 ක් පමණි.  නායක දිමුත් කරුණාරත්න ලකුණු 18 ක් ලබා කඩුල්ලේ රැඳී සිටින්නේය.

ඒ හැරුණු විට අද දිනයේ වාර්තා වුණු සුවිශේෂී කරුණු අතර හිටපු නායක මුෂ්ෆිකර් රහීම් බංග්ලාදේශය වෙනුවෙන් ලකුණ 5000 සීමාව පසු කරන ලද පළමු බංග්ලාදේශ පිතිකරුවා බවට පත්වීමයි. මෙම තරගයට පෙර රහීම් මෙන්ම ටමීම් ඉක්බාල්ද ලකුණු 5000 සීමාව ආසන්නයට පැමිණ සිටි අතර මස්පිඬුවක ඇතිවූ ආබාධය හේතුවෙන් ටමීම් ඊයේ දිනයේදී පන්දුවට පහරදීම පසෙක තබා විවේකය ලබා ගත්තේය. ඒ වන විටත් බංග්ලාදේශය වෙනුවෙන් ලකුණු 5000 සීමාව පසුකරන ලද පළමු පිතිකරුවා බවට පත්වීමට ටමීම්ට අවශ්‍යව තිබුණේ ලකුණු 19 ක් පමණි. ටමීම්ගේ ආබාධයේ වාසිය මුෂ්ෆිකර් රහීම් සතු විය. රහීම් මෙම දස්කම දක්වන ලද්දේ සිය 81 වැනි ටෙස්ට් තරගයේදීය.  

රහීම් අද දිනයේදී රැස් කරන ලද්දේ සිය 8 වැනි ටෙස්ට් ශතකය විය. අසිත ප්‍රනාන්දුගේ පන්දුවකට හතරේ පහරක් ඒල්ල කරමින් සිය ශතකය සපුරා ගත් රහීම් ලසිත් ඇඹුල්දෙණියගේ පන්දුවක් කඩුල්ලේ වැදීම නිසා පිටියෙන් ඉවත්ගියේය. ඒ වන විට පන්දු 282 කට මුහුණ දී සිටි රහීම් ලකුණු 105 ක් රැස් කරගෙන සිටියේය. හතරේ පහර ල්ල කරනවාට වඩා කඩුලු අතර දිව යමින් ලකුණු රැස් කිරීමට රුචිකත්වයක් දැක්වූ හිටපු නායකයා දැවී යන විටත් තම ඉනිමට ඇතුළත් කර තිබුණේ හතරේ පහර 4 ක් පමණි. දිවා ආහාරයෙන් පසු යවන ලද පළමු පන්දු කෙදේමීම පිට පිට කඩුල දෙකක් දවා ගැනීමට කසුන් රාජිත සමත්වූවේය. විශ්ව ප්‍රනාන්දු වෙනුවට කම්පන ආදේශක ක්‍රීඩකයා ලෙසින් කණ්ඩායමට එකතු වූ කසුන් කඩුලු ත්‍රිත්වයක් දවා ගැනීමේ අභිමුවට පැමිණියද ඊළඟ පන්දුවට පහර දුන් ශකීබ් අල් හසන් කඩුලු ත්‍රිත්වයේ අවස්ථාව ඔහුට අහිමි කළේය. කෙසේ වෙතත් ලකුණු 60 ක් ඇතුළත කඩුලු 4 ක් දවා ගත් කසුන් අද දිනයේ සිය හොඳම ටෙස්ට් පන්දු යැවීම සටහන් කර ගත්තේය. 10 වැනි ටෙස්ට් තරගයට ක්‍රීඩා කරන දකුණත් වේග පන්දු යවන්නාගේ මීට පෙර හොඳම පන්දු යැවීම ලෙස බටහිර ඉන්දීය කොදෙව් පිලට එරෙහිව බ්‍රිජ්ටවන්හි ලකුණු 20 ට දවා ගන්නා ලද කඩුලු 3 සටහන් විය.

Active filters

Recent Posts

  • නිමේෂ් විමුක්තිට ‘ඒ’ කණ්ඩායමේ දොරටු විවර වෙයි
    දකුණු අප්‍රිකානු ‘ඒ’ කණ්ඩායමේ ශ්‍රී ලංකා තරග සංචාරය යටතේ හෙට (03 දා) ආරම්භ වන තරග 3 කින් සමන්විත නිල නොවන එක්දින තරගාවලිය සඳහා නම් කරන ලද ශ්‍රී ලංකා […]
  • පළමු ශතකය උපුල් තරංගගෙන්
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ ප්‍රධානතම විස්සයි-20 ක්‍රිකට් තරගාවලිය යටතේ ප්‍රථම ශතක ලාභියා බවට පත්වීමට  එන්. සී. සී. කණ්ඩායමේ උපුල් තරංග අද (02 දා) සමත්වූවේය. […]
  • ඇෆ්ගනිස්තානය එක්දින තරගාවලියේ පෙරමුණට
    පසුගිය වසර කීපය පුරාවටම පිතිකරුවන් දක්වන ලද අසාර්ථක භාවය අද (02) දිනයේදිත් පෙන්නුම් කිරීම නිසා හම්බන්තොට මහින්ද රාජපක්ෂ ක්‍රීඩාංගණයේ පැවැති පළමු එක්දින තරගයෙන් ඇෆ්ගනිස්තානය හමුවේ ශ්‍රී ලංකා කණ්ඩායම […]
  • ශ්‍රී ලංකාවෙන් ලකුණු 269 ක ඉලක්කයක්
    මුල් පෙළ පිතිකරුවන් අසාර්ථක්තවයට පත් වුවද පස්වැනි කඩුල්ලට එක් වුණු චරිත් අසලංක සහ ධනංජය ද සිල්වා ගොඩනංවන ලද ලකුණු 99 ක සම්බන්ධතාව පෙරමුණු කොට ඇෆ්ගනිස්තානයට එරෙහිව හම්බන්තොට මහින්ද […]
  • දුශාන් සහ මතීෂට එක්දින වරම්!
    By Chamila Karawita ශ්‍රී ලංකාව සහ ඇෆ්ගනිස්තානය අතර හෙට (02 දා) ආරම්භ වන එක්දින තරගාවලිය එක්දින ලෝක ශූරතාවට අයත් නොවන්නකි. එහෙත් මෙම තරගාවලියේදී ඇෆ්ගනිස්තානට කෙසේ වෙතත්ට ශ්‍රී ලංකාවට […]
USD United States (US) dollar

Pin It on Pinterest