slc
logo
Home   |    News
මැයි 24, 2022
ශ්‍රී ලංකා කාන්තාවන්ට පළමු තරගයෙන් කඩුලු 6 ක පරාජයක්

sinhala editor

සංචාරක ශ්‍රී ලංකා කාන්තා ක්‍රිකට් කණ්ඩායම සහ පාකිස්තානය අතර පැවැත්වෙන තරග 3 කින් සමන්විත විස්සයි-20 තරගාවලිය ආරම්භ කරමින් කරච්චිහිදී අද (24 දා) අවසන් වුණු පළමු තරගයෙන් කඩුලු 6 ක පහසු ජයක් අත්කර ගැනීමට පාකිස්තානු කාන්තාවෝ සමත්වූහ.

පළමුව පන්දුවට පහර දුන් ශ්‍රී ලංකා කණ්ඩායම නියමිත පන්දුවාර 20 අවසනදී කඩුලු 8 ක් දැවී ලකුණු 106 ක් පමණක් ලබා ගනිද්දී ඒය හඹා ගිය පාකිස්තානු පිතිකාරිණියෝ පන්දු 10 ක් සහ කඩුලු 6 ක් ඉතිරිව තිබියදී ඉලක්කය සුපුරාගත්හ.

ශ්‍රී ලංකා පිල අඩු ලකුණු සංඛ්‍යාවකට රඳවා ගැනීමේදී පා දඟ පන්දු යවන ටුබා හසන්ගේ පන්දු යැවීම කැපී පෙනෙණ. 10 වැනි පන්දුවාරයේ සිට පන්දු යැවීමට පැමිණි ටූබා සිය පන්දුවාර 4 නිලකුණු පන්දුවාරයක්ද සමඟ ලකුණු 08 කට සීමා කොට කඩුලු 3 ක් දවා ගැනීමට සමත්වූවාය. ඇයගේ පන්දු යැවීම නිසා ශ්‍රී ලංකා පිලේ මැද පෙළ සම්පූර්ණයෙන්ම අසරණත්වයට පත්වූවා පමණක් නොව තරගයේ වීරවරිය සම්මානයටද පාත්‍ර වූවාය.

ඉලක්කය හඹා යෑමේදී පාකිස්තානයද මන්දගාමී ආරම්භයක් ලබා ගත් අතර ශ්‍රී ලංකා පන්දු යවන්නියන් කළින්ම කඩුලු 3 ක් දවා ගැනීමට සමත්විය. කෙසේ වෙතත් නිදා දර් සහ බිස්මා මරූෆ් ලකුණු 51 ක සම්බන්ධතාවක් පවත්වමින් පාකිස්තානු පිල ජය කණුව කරා රැගෙන ගියහ. ඒහිදී දර් පන්දු 27 කදී ලකුණු 36 ක්ද බිස්මා මරූෆ් ලකණු 28 ක්ද ලබා ගත්හ. පන්දු යැවීමේදී ඕෂධී රණසිංහ ලකුණු 20 කට කඩුලු 2 ක් දවා ගත්තාය.

කාසියේ වාසියත් සමඟ පන්දුවට පහර දුන් ශ්‍රී ලංකා කණ්ඩායමේ බලාපොරොත්තු වැඩිම පිතිකාරිණිය වූ නායිකා චමරි අතපත්තු අනබ් අමීන්ගේ පන්දුවක් හමුවේ දැවී යෑම ශ්‍රී ලංකාවට දැඩි පාඩුවක් ගෙන දෙන්නක් විය.

ශ්‍රී ලංකා කාන්තා පිල පන්දුවාර 20 කදී කඩුලු 8 ට ලකුණු 106 යි – (හසිනි පෙරේරා 04, චමරි අතපත්ත 06, හර්ෂිතා මාධවී 25, අනුශ්කා සංජීවනී 16, නිලක්ෂි ද සිල්වා 25, කවීෂා දිල්හාරි 01, ඕෂධී රණසංහ 04, අමා කාංචනා 12, සුගන්ධිකා කුමාරි 06, ඉනෝකා රණවීර 02, අනම් අමීන් 21/3, අයිමන් අන්වර් 32/2, ටුබා හසන් 08/3)

පාකිස්තානු කාන්තා පිල පන්දුවාර 18.2 කදී කඩුලු 4 ක් දැවී ලකුණු 107 යි – (නිදා දර් 36*, බිස්මා මරූෆ් 28, ඉරාම් ජාවෙඩ් 18, මුනීබා අලී 18, ඕෂධී රණසිංහ 20/2, සුගන්ධිකා කුමාරි 21/1, කවීෂා දිල්හාරි 15/1)

Active filters

Recent Posts

  • පානදුර⁣ට ලකුණු පහක තියුණු ජයක්
    ශ්‍රී ලංකා ක්‍රිකට් ආයතනය මෙහෙය වන මේජර් අන්තර් සමාජ විස්සයි 20 ක්‍රිකට් තරගාවලියේ අද (18) පැවැති තරග දෙකකදී තියුණු තරගයකින් පසුව පාණදුර කණ්ඩායම ලකුණු පහකින් ප්‍රබල කෝල්ට්ස් කණ්ඩායම […]
  • චිලව් මේරියන්ස් – මුවර්ස් ජය ලබති
     අන්තර් සමාජ මේජර් විස්සයි 20 ක්‍රිකට් තරගාවලියේ අද (17) පැවැති තරග අතුරින් චිලව් මේරියන්ස් සහ මුවර්ස් කණ්ඩායම් ජයග්‍රහණ අත්කර ගත්හ.  චිලව් මේරියන්ස් කඩුලු හතරකින් බදුරලිය පරාජය කළ අතර […]
  • අවුරු. 23 න් පහළ කාන්තා ක්‍රිකට් දෙවැනි දිනය වැස්සට සේදෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 23 න් පහළ කාන්තා පන්දුවාර විස්සයි-20 ක්‍රිකට් තරගාවලිය යටතේ අද (17 දා) පස්වරුවේ පැවැත්වීමට නියමිතව තිබූ තරග 2 ම අයහපත් කාලගුණය […]
  • ක්‍රීඩකයින් 420 ක් LPL වෙන්දේසියට සුදුසුකම් ලබති
    මෙරට පැවැත්වෙන මහා ක්‍රිකට් සැණකෙළිය හේවත් ලංකා ප්‍රිමියර් ලීග් (LPL) පන්දුවාර විස්සයි-20 ක්‍රිකට් තරගාවලියේ ක්‍රීඩක වෙන්දේසිය එළැඹෙන මැයි 21 වැනිදා ප.ව. 12.00 සිට කොළඹ හිල්ටන් හෝටල් පරිශ්‍රෙය්දී පැවැත්වෙන අතර […]
  • පුහුණු තරගවලට පෙර කුසල්ට කණ්ඩායම සමඟ එකතුවේවි – ඈෂ්ලී ද සිල්වා
    ලෝක කුසලාන ක්‍රිකට් තරගාවලියට සහභාගිවීම සඳහා ඇමරිකා එක්සත් ජනපදය වෙත යෑමට වීසා ඇයැදුම් කර ඇති ශ්‍රී ලංකා ක්‍රිකට් කණ්ඩායමේ ඉදිරි පෙළ පිතිකරු කුසල් මෙන්ඩිස්ගේ වීසා බලපත්‍රය එම තානාපති කාර්යාලය […]

Pin It on Pinterest

LKR Sri Lankan rupee