slc
logo
Home   |    News
ජූලි 18, 2022
ශ්‍රී ලංකාව ලකුණු 333 ක් ඉදිරියෙන්

sinhala editor

ගාලු ටෙස්ට් තරගයේ තෙවැනි දිනය වූූ අද (18 දා) සමස්ථ දිනයේදීම කඩුලු ආරක්ෂා කර ගත් ශ්‍රී ලංකා පිතිකරුවෝ දෙවැනි ඉනිමට තවත් ලකුණු 293 ක් එක් කරගත්හ. ඒ අතරට ඕෂධ ප්‍රනාන්දු, කුසල් මේඩිස් සහ දිනේෂ් චන්දිමාල් වාර්තා කරන ලද අර්ධ ශතකද අයත් විණ. මෙම තත්ත්වය මත ශ්‍රී ලංකා කණ්ඩායම දිනය අවසනදී කඩුලු 9 කට ලකුණු 329 ක් ලබා සිටින්නේ මුල් ඉනිමේ වාසියත් සමග ලකුණු 333 ක් ඉදිරියට පැමිණෙමිනි.

යළිත් වරක් පිතෙන් සාර්ථක වූ දිනේෂ් චන්දිමාල් ලුණු 86 ක් ද ප්‍රභාත් ජයසූරිය ලකුණු 04 ක්ද ලබා සිව්වැනි දිනය වන හෙට දිනයේදීත් ශ්‍රී ලංකා ලකුණු සංඛ්‍යාව ඉහළ දමා ගැනීමේ අධිෂ්ඨානයෙන් පසුවෙයි. චන්දිමාල් තම ලකුණු 86 සඳහා පන්දු 121 කට මුහුණ දී සිටින අතර ඉන් පහර 2 ක් හයේද පහර 5 ක් හතරේ ඒවා ලෙසින් එල්ල කර තිබුණි.

අද තරගයෙන් පසු පැවැති මාධ්‍ය හමුවට සහභාගිවූ කුසල් මෙන්ඩිස් සදහන් කර සිටියේ තරගයේ තවත් දින 2 ක් ඉතිරිව තිබෙන බැවින් හෙට දිනයේදී පාකිස්තානුවන්ට ‌එරෙහිව ලකුණු 350 ක පමණ ඉලක්කයක් ලබා දීමට හැකියාව ලැබුණුහොත් පාකිස්තානුවන්ට එරෙහිව හොද තරගයක් ලබාදීමේ හැකියාව පවතින බවයි.

පන්දුවට පහර දීම අතිශයින්ම අසීරු ගාල්ල තණතීරුවේදී අධිෂ්ඨානශිලීව පිති හැසිරවූ කුසල් මෙන්ඩිස් සහ ඕෂධ ප්‍රනාන්දු දිවා විවේකය වන තෙක්ම කඩුලු ආරක්ෂා කර ගනිමින් දෙවැනි ඉනිම සඳහා ලකුණු 300 සීමාව ඉක්මවාලීම සඳහා අවශ්‍ය අඩිතාලම එක් කළහ. දිවා විවේකයන් පසු ඕෂධ දැවී යෑමත් සමග තෙවැනි කඩුල්ලේ සාර්ථක සම්බන්ධතාව ලකුණු 91 කදී බැඳ වැටිණ.

පන්දු 125 කට මුහුණ දුන් දකුණත් ආරම්භක පිතිකරුවා රැස් කරන ලද ලකුණු 64 සඳහා හතරේ පහර 7 ක්ද එක් කර තිබිණ. ඉන් එකක් හයේ පහරක් ලෙසින්ද සටහන් විය. කුසල් මෙන්ඩිස් කුණු76 ක් ලබා ගත්තේ පන්දු 126 කට මුහුණ දීමෙනි. වැඩිම කඩුලු සංඛ්‍යාවක් බිඳවැටුණේ දිවා විවේකයත් තේ පානයත් අතර කාලයේදී වන නමුත් ඒ අතරතුරදී ලකුණු 125 ක් රැස් කර ගැනීමට ශ්‍රී ලංකා පිතිකරුවෝ සමත්වූහ.  

තමන්ගේ වගකීම කුමක්ද යන්න යළිත් හරි හැටි වටහා නොගත් නිරෝෂන් දික්වැල්ල ලකුණු 12 කදී ඉනිම හමාර කර ගත්තද පළමු ඉනිමේ පරිදිම චන්දිමාල්ට සහාය දැක්වූ රමේෂ් මෙන්ඩිස් සහ මහීෂ් තීක්ෂණ 8 වැනි සහ නව වැනි කඩුලු වෙනුවෙන් පිළිවෙළින් ලකුණු 32 ක් සහ 41 ක් වශයෙන් රැස් කිරීමට දායකත්වය දැක්වූහ. ඉනිමේ අවසන් පිතිකරුවා වන ප්‍රභාත් ජයසූරිය සමඟ චන්දිමාල් ගොඩ නගා තිබෙන නොබිඳුණු සම්බන්ධතාව ලකුණු 21 කි.

ශ්‍රී ලංකා පිලේ දැවී ගිය කඩුලු 9 න් 5 ක් වමතින් දඟ පන්දු යවන මොමොහඩ් නවාස් දවා ගත්තේය. තම ටෙස්ට් දිවියේ කඩුලු 5 ක් දවා ගත් පළමු අවස්ථාව ලෙසින්ද නවාස්ගේ පන්දු යැවීම සටහන් විය.

ශ්‍රී ලංකාව පළමු ඉනිම පන්දුවාර 66.1 කදී සියලු දෙනා දැවී ලකුණු 222 යි – (ඕෂධ ප්‍රනාන්දු 35, දිමුත් කරුණාරත්න 01, කුසල් මෙන්ඩිස් 21, ඇන්ජලෝ මැතිව්ස් 00, දිනේෂ් චන්දිමාල් 76, ධනංජය ද සිල්වා 11, නිරෝෂන් දික්වැල්ල 04, රමේෂ් මෙන්ඩිස් 11, ප්‍රභාත් ජයසූරිය 03, මහීෂ් තීක්ෂණ 38, කසුන් රජිත (නොදැවී) 12, ශහීන් අෆ්රිඩි 58/4, යසීර් ෂා 66/2, හසන් අලී 23/2)

පාකිස්තානය පන්දුවාර 90.5 කදී සියලුදෙනා දැවී ලකුණු 216 යි – (අබ්දුල්ලා ශෆීක් 13, ඉමාම් උල් හක් 02, අසාර් අලී  03, බාබර් අසාම් 119, මොහොමඩ් රිස්වාන් 19, අඝා සල්මාන් 05, මොහොමඩ් නවාස් 05, ශහීන් අෆ්රිඩි 00, යසීර් ෂා 18, හසන් අලී 17, නසීම් ෂා 05, කසුන් රජිත 42/1, මහීෂ් තීක්ෂණ 68/2, ප්‍රභාත් ජයසූරිය 82/5, රමේෂ් මෙන්ඩිස් 18/2)

ශ්‍රී ලංකාව දෙවැනි ඉනිම පන්දුවාර 96 කදී කඩුලු 9 ට ලකුණු 329 යි – ඔ්ෂධ ප්‍රනාන්දු 64, දිමුත් කරුණරත්න 16, කසුන් රජිත 07, කුසල් මෙන්ඩිස් 76, ඇන්ජලෝ මැතිව්ස් 09, දිනේෂ් චන්දිමාල් (නොදැවී) 86, ධනංජය ද සිල්වා 20, නිරෝෂන් දික්වැල්ල 12, රමේෂ් මෙන්ඩිස් 22, මහීෂ් තීක්ෂණ 11, ප්‍රභාත් ජයසූරිය (නොදැවී 04, මොහොමඩ් නවාස් 88/5, යසීර් ෂා 122/3, හසන් අලී 15/1)

Active filters

Recent Posts

  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]
  • පළමු ශතකය නිශාන් මධුශ්කගෙන්
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ පළමු තරගයෙන් ලකුණු 137ක දැවැන්ත ජයක් වාර්තා කිරීමට බඳුරලිය ක්‍රීඩා සමාජය සමත් වෙයි. කුරුණෑගල යොවුන් ක්‍රිකට් […]
  • කාන්තා ක්‍රිකට් දියුණු වෙන්නේ ක්‍රීඩිකාවන්ගේ කැපවීම නිසයි – චමරි අතපත්තු
    කාන්තා ක්‍රිකට් ක්‍රීඩාව ක්‍රමයෙන් දියුණු තත්ත්වයකට ගෙන ඒමට හැකි වූයේ සියලු දෙනාගේ කැපවීම හේතුවෙන් බව ශ්‍රී ලංකා ක්‍රිකට් නායිකා චමරි අතපත්තු පැවැසූවාය. පසුගිය වසර එකහමාරක කාලය තුලදී ප්‍රබල […]

Pin It on Pinterest

LKR Sri Lankan rupee