slc
Home   |    News
අගෝස්තු 29, 2022
එංගලන්ත යොවුන් පිලෙන් සාර්ථක ආරම්භයක්

sinhala editor

සංචාරක ශ්‍රී ලංකා වයස අවුරුදු 19 න් පහළ පිලට එරෙහිව පැවැත්වෙන දෙවැනි සිව්දින තරගයේ පළමු දිනට තරගය අවසන් කරන විට සිය පළමු ඉනිම ක්‍රීඩා කරමින් සිටින එංගලන්ත වයස අවුරුදු 19 න් පහළ කණ්ඩායම කඩුලු 4 කට ලකුණු 268 ක් ලබා සිටියි.

ඩර්බිහි පැවැත්වෙන මෙම තරගයේදී කාසියේ වාසිය දිනා ගත් එංගලන්ත කණ්ඩායම පළමුව පන්දුවට පහර දීමට තීරණය කළේය. එංගලන්ත ඉනිම වෙනුවෙන් මැතිව් හර්ස්ට ලකුණු 116 ක්ද ආරම්භක පිතකිරු හැරී සිං ලකුණු 98 ක්ද ලබා ගත්හ.

දිනය ආරම්භයේ සිටම සිය ඉනිම ආරක්ෂා කරගත් ආරම්භක පිතිකරුවා පන්දු 283 කට මුහුණ දී තිබුණි. ඉතාමත් වෙහෙසකර ඉනිමක නිරත වූ සිං තම ඉනිමට හතරේ පහර 6 ක් පමණක් එල්ල කර තිබුණි.

පළමු කඩුලු 3ම ලකුණු 60 ක් ඇතුළතදී බිඳ දැමීමට ශ්‍රී ලංකා පන්දු යවන්නන් සමත් වුවත් සිව්වැනි කඩුල්ලට එක් වූ සිං සහ හර්ස්ට ලකුණු 202 ක සම්බන්ධතාවක් පැවැත්වීහ. සහන් මිහිරගේ පන්දුවක් හමුවේ හර්ස්ට්ගේ ඉනිම නිමාවට පත් වූයේ දිනය අවසන් වීමට පන්දුවාර 2 කුත් පන්දු 2 ක් ඉතිරිව තිබියදී. පන්දු යැවීමේදී වනුජ සහන් ලකුණු 48 කට කඩුලු 2 ක් බිඳ දමමින් කැපී පෙනුනි.

එංගලන්ත යොවුන් කණ්ඩායම පන්දුවාර 90 දී කඩුලු 4 ට ලකුණු 268 යි – (මැතිව්ස් හර්ස්ට් 116, හැරී සිං නොදැවී 98, වනුජ සහන් 48/2)

Recent Posts

  • අවධානම අඩු කර ගැනීමේ පළමු සටනට ශ්‍රී ලංකා පිල සූදානම් – දසුන්
    BY CHAMILA KARAWITA ලෝක කුසලාන ක්‍රිකට් තරගාවලියට සුදුසුකම් ලබා ගැනීම වෙනුවෙන් පැවැත්වෙන සුපිරි ලීග් තරගාවලිය යටතේ ශ්‍රී ලංකා කණ්ඩායම සහභාගිවන අවසන් එක්දින තරගාවලිය නවසීලන්ත කණ්ඩායමට එරෙහිව හෙට (25 […]
  • දඹුල්ල සිව්වැනි ජයත් සමඟින් අපරාජිතව ඉදිරියට
    නැෂනල් සුපර් ලීග් එක්දින සීමිත පන්දුවාර ක්‍රිකට් තරගාවලියේ අද (23 දා) රංගිරි දඹුලු ජාත්‍යන්තර ක්‍රීඩාංගණයේ පැවැති තරගයේදී ජැෆ්නා කණ්ඩායම ලකුණු 76 ක පරාජයකට ඇද දැමූ දඹුල්ල කණ්ඩායම පිට […]
  • කෲස්පුල්ලේගෙන් අනුකම්පා විරහිත පිතිහරඹයක්
    ශ්‍රී ලංකා ක්‍රිකට් ආයතනය විසින් මෙහෙයවනු ලබන නැෂනල් සුපර් ලීග් සීමිත පන්දුවාර ක්‍රිකට් තරගාවලියේ මූලික තරග වටය යටතේ අද (23 දා) පල්ලකැලේ ජාත්‍යන්තර ක්‍රීඩාංගණයේ පැවැති තරගයේදී ලකුණු 167 […]
  • යාපනයේ ක්‍රිකට් ගැන විතූෂාන් කතා කරයි
    යාපනයේ සිට පැමිණි තරුණි තරුණ ක්‍රිකට් ක්‍රීඩකයන් පස්දෙනෙකුම මේ වන විට අන්තර් සමාජ නියෝජනය කරමින් ජාතික මට්ටමෙන් තරග කරන අතර ඔවුනගේ අපේක්ෂාව වන්නේ ජාතික කණ්ඩායමට ඇතුළත්ව මව්බිමට කීර්තියක් […]
  • ශ්‍රී ලංකා යොවුන් පිලට ලකුණු 62 ක පරාජයක්
    අබුඩාබිහි පැවැත්වෙන තුන්කොන් ක්‍රිකට් තරගාවලියේ ශ්‍රී ලංකා වයස අවුරුදු 19 න් පහළ කණ්ඩායම තරග වැදි දෙවැනි එක්දින තරගයේදී ඇෆ්ගනිස්තානු පිළ හමුවේ ලකුණු 62 ක පරාජයක් ලැබීය. මෙම ජයත් […]
LKR Sri Lankan rupee

Pin It on Pinterest