slc
logo
Home   |    News
අගෝස්තු 23, 2022
කැන්ඩි පිට පිට දෙවැනි ජයත් ලබයි

sinhala editor

ශ්‍රී ලංකා ක්‍රිකට් ආයතනයේ මෙහෙයවීමෙන් පවත්වනු ලබන වයස අවුරුදු 17 න් පහළ යූත් ලීග් ක්‍රිකට් තරගාවලියේ දෙවැනි දිනය වූ අද (23 දා) පැවැති තරග වලදී ජයග්‍රහණ වාර්තා කිරීමට මහනුවර සහ කොළඹ දකුණ කණ්ඩායම් සමත්වූහ.

තරගාවලිය ආරම්භ කරමින් කොළඹ දකුණු පිලට එරෙහිව ලකුණු 102 ක විශිෂ්ඨ ජයක් අත්කර ගත් කැන්ඩි කණ්ඩායම අද දිනයේදී ගාලු පිලට එරෙහිව ලකුණු 202 ක දැවැන්ත ජයක් වාර්තා කරමින් තරගාවලියේ තවදුරටත් අපරාජිත භාවය රැක ගැනීමට සමත්වූවේය.

රංගිරි දඹුලු ජාත්‍යන්තර ක්‍රීඩාංගණයේ පැවැති මෙම තරගයේදී පළමුව පන්දුවට පහර දුන් මහනුවර කණ්ඩායම නියමිත පන්දුවාර 50 අවසනදී කඩුලු 5 කට ලකුණු 357 ක් රැස් කරන ලදුව ඊට පිළිතුරු ලෙස දඹුල්ල කණ්ඩායමට පන්දුවාර 41.3 කදී සියලු දෙනා දැවී රැස් කර ගත හැකි වූයේ ලකුණු 155 ක් පමණි.

මෙම තරගයේදී පිත්තෙන් දස්කම් දැක්වීමට පුළිඳු පෙරේරා, ලක්වින් අබේසිංහ, තිසරු ඒකනායක සහ ඉසුරු පනාල සමත්වූහ. වේගවත් පිතිහරඹයක නිරත වුණු පුළිඳු ලබා ගත් ලකුණු 82 සදහා පන්දු 33 කට පමණක් මුහුණ දුන්නේය. හයේ පහර 9 ක් සහ හතරේ පහර 6 කින් පුළිඳුගේ ඉනිම වර්ණවත් විය. ඔහුට අමතරව ඉනිමේ වැඩිම ලකුණු ලාභියා වුණු ලක්වින් අබේසිංහ ලබා ගත් ලකුණු 88 සදහා පන්දු 105 කට මුහුණ දුන්නේය.  මොවුන් දෙපළට අමතරව සෙසු අර්ධ ශතක ලාභීන් දෙදෙනා වූ තිසරු ඒකනායක සහ ඉසුරු පනාල ලකුණු 54 බැගින් ලබා ගත්හ.

ගාලු කණ්ඩායම අඩු ලකුණු සංඛ්‍යාවකට සීමා කිරීමේදී මනුල කුලරත්න සහ ශෙෂාන් යෂෝන් කඩුලු 4 බැගින් බිඳ හෙළූහ.

මේ අතර කුරුණෑගල වෙලගෙරද ක්‍රීඩාංගණයේ පැවැති කොළඹ දකුණ සහ ගාල්ල අතර තරගයට වර්ෂාවෙන් බාධා පැමිණුන බැවින් තරගයේ ප්‍රතිඵලය ඩක්වර්ත් ලුවිස් න්‍යාය මත පදනම් විය. ගාල්ල කණ්ඩායම පන්දුවට පහර දෙන අතරතුරදී වර්ෂාවෙන් බාධා පැමිණුණ හෙයින් තරගය එක් ඉනිමක් ප්දුවාර 42 කට සීමා විය. ඒ අනුව පන්දුවාර 39 කදී ගාලු ඉනිම ලකුණු 205 කට සීමා විය.

ඩක්වර්ත් ලුවිස් නය්‍යායට අනුව කොළඹ දකුණු කණ්ඩායම ලකුණු 200 ක ඉලක්කයක් හිමිවනු අතර එය හඹා යෑමේදී පන්දුවාර 27.1 කදී කඩුලු 4 ක් පමණක් දැවී අදාළ ඉලක්කය සපුරා ගැනීමට‌ කොළඹ දකුණ කණ්ඩායම සමත්විය.

පන්දුවට පහර දීමේදී රුසඳු ගමගේ පන්දු 73 කදී නොදැවී ලකුණු 72 ක්ද විශේන් හැළඹගේ පන්දු 19 කදී ලකුණු 45 ක් ලබා ගැනීමට සමත්වූහ.

මහනුවර – දඹුල්ල

මහනුවරට ලකුණු 202 ක ජයක්

මහනුවර පන්දුවාර 50 කදී කඩුලු 5 ට ලකුණු 357 යි – (පුළිඳු පෙරේරා 82, ලක්වින් අබේසිංහ 88, ඉසුරු පනාල 54, තිසරු ඒකනායක 20*, ජයවි ලියනගම 54*, වතිල උදාර 26)

දඹුල්ල පන්දුවාර 41.3 කදී සියලු දෙනා දැවී ලකුණු 155 යි – (ගයාන් වීරසිංහ 33, කනිෂ්ක ලක්ෂාන් 30, විශ්ව රාජපක්ෂ 26, ජිනජිත් දිලුම්ක 15, මනුල කුළරත්න 23/4, ශෙෂාන් යෂෝන් 33/4)

ගාල්ල – කොළඹ දකුණ

කොළඹ දකුණට කඩුලු 6 ක ජයක් (ඩක්වර්ත් ලුවිස්)

ගාල්ල පන්දුවාර 39 කදී ලකුණු 205 යි – (චමරිඳු නෙත්සර 44, තමිදු ප්‍රදීප්ති 35, දිනුර අබේවික්‍රම 27, රෙෂාන් දිල්හාර 19, චාර්ය පරණවිතාන 15, රදීෂ බණ්ඩාරනායක 20/4, රයන් දිසානායක 33/2, අක්මාල් ෆස්ලි 43/2)

කොළඹ දකුණ පන්දුවාර 27.1 කදී කඩුලු 4 ට ලකුණු 200 යි – (රුසඳු ගමගේ 72*, විශේන් හැළඹගේ 45, සිනෙත් ජයවර්ධන 38, රිවිත ජයසූරිය 21, එස්. කබිලේෂ්වරන් 66/3)

Active filters

Recent Posts

  • අතරගල්ල දඹුල්ලේ පෙරමුණ පෙරළයි
    කොළඹ එස්.එස්.සි. ක්‍රීඩාංගණයේ පැවැත්වෙන නැෂනල් සුපර් ලීග් සිව්දින ක්‍රිකට් අවසන් මහ තරගයේ දෙවැනි දිනට ක්‍රීඩාව නතර කර දමනා විට ගෝල් කණ්ඩායම පළමු ඉනිම වෙනුවෙන් ලබා දුන් ලකුණු 371 ක […]
  • බංග්ලාදේශ යොවුන් ක්‍රීඩකයෝ එකට එක කරයි
    බංග්ලාදේශ යොවුන් කණ්ඩායමේ ශ්‍රී ලංකා තරග සංචාරයේ යටතේ අද (28 දා) කොළඹ සී. සී. සී. ක්‍රීඩාංගණයේ පැවැති දෙවැනි නිල නොවන යොවුන් එක්දින තරගයේදී ශ්‍රී ලංකා යොවුන් පිල පරදා කඩුලු 9 […]
  • දඹුලු  පන්දු යවන්නෝ ගාලු ඉදිරි පෙළ මෙල්ල කරති
    ශ්‍රී ලංකා ක්‍රිකට් ආයතනයේ සංවිධානයෙන් පැවැත්වෙන නැෂනල් සුපර් ලීග් සිව්දින ක්‍රිකට් තරගාවලියේ අවසන් මහ තරගයේ පළමු දිනය බවට පත්වූ අද (27 දා) දිනයේදී තරගය නිමා කරන විට පළමුව […]
  • පිතිකරණයේ දුර්වලතාවයෙන් පළමු ජය ශ්‍රී ලංකාවට අහිමි වෙයි
    කඩුලු අතර ශක්තිමත් සම්බන්ධතාවන් ගොඩ නඟා ගැනීමට අපොහොස්ත්වීම ප්‍රධාන කොට සර්වෝ කුසලාන කාන්තා තුන්කොන් එක්දින ක්‍රිකට් තරගාවලිය ආරම්භ කරමින් කොළඹ ආර්. ප්‍රේමදාස ක්‍රීඩාංගණයේ අද (27 දා) පැවැති පළමු […]
  • විශ්මිගේ තැන හසිනිට
    සර්වෝ කුසලාන කාන්තා තුන්කොන් එක්දින ක්‍රිකට් තරගාවලිය ආරම්භ කරමින් පැවැත්වීමට නියමිතව තිබූ ශ්‍රී ලංකාව සහ ඉන්දීය කාන්තා කණ්ඩායම් අතර තරගයට වර්ෂාවෙන් බාධා ඇතිවීම නිසා තරගය නියමිත වේලාවට ආරම්භ කිරීමට […]

Pin It on Pinterest

LKR Sri Lankan rupee