slc
logo
Home   |    News
සැප්තැම්බර් 8, 2022
‘බාලිකා යූත් ලීග්’ පළමු අර්ධ ශතකය සංජනා කාවින්දිගෙන්

sinhala editor

ශ්‍රී ලංකා ක්‍රිකට් ආයතනයේ මෙහෙයවීමෙන් රංගිරි දඹුලු ක්‍රීඩාංගණයේ ක්‍රියාත්මක වන වයස අවුරුදු 19 න් පහළ බාලිකා යූත් ලීග් ක්‍රිකට් තරගාවලියේ පළමු අර්ධ ශතකය වාර්තා කිරීමට ගාල්ල කණ්ඩායමේ සංජනා කාවින්දි අද (08 දා) පස්වරුවේ සමත්වූවාය.

දඹුල්ල කණ්ඩායමට එරෙහිව අද රංගිරි දඹුලු පිටියේ පැවැති තරගයේදී පන්දු 63 කට මුහුණ දුන් සංජනා තරගය නිමාවන තෙක් කඩුල්ලේ රැඳී සිටිමින් ලකුණු 54 ක් ලබා ගත්තාය .

පළමුව පන්දුවට පහර දුන් ගාල්ල කණ්ඩායම නියමිත පන්දුවාර 20 අවසනදී කඩුලු 1 ක් පමණක් දැවී ලකුණු 154 ක් ලබා මෙතෙක් තරගාවලියේ වැඩිම ලකුණු වාර්තා කරන ලද කණ්ඩායම බවට පත්වූවේය. සංජනාට අමතරව ලකුණු තඅතරට පිවිසි සුමුදු නිසංසලා පන්දු 57 කදී වේගවත් ලකුණු 70 ක් ලබා ගනු ලැබුවේ එම ඉනිමද නොබිඳිව තබා ගනිමිනි.

සංජනාගේ ඉනිමට හතරේ පහර 4 ක් සහ එක් හයේ පහරක් ඇතුළත් වද්දී සුමුදු තම ඉනිමට හතරේ පහර 10 ක් ඇතුළත් කළාය. පිළිතුරු ඉනිම ක්‍රීඩා කිරීමේදී දඹුල්ල කණ්ඩායමට කඩුලු 6 ක් දැවී රැස් කරගත හැකි වූයේ ලකුණු 59 ක් පමණි. ඒ අනුව ලකුණු 95 ක දැවැන්ත ජයක් වාර්තා කිරීමට ගාල්ල කණ්ඩායමට අවස්ථාව උදාවිය. මෙම තරගයේ දක්ෂතම ක්‍රීඩිකාව ලෙසින් සුමුදු නිසංසලා සම්මාන දිනාගත්තාය.

මෙම තරගයේදී ගාල්ල කණ්ඩායම පන්දුවට පහර දෙන අවස්ථා‌ොව්දී දඹුල්ල පන්දු යවන්නියන් විසින් අතිරේක ලකුණු 30 ක් ලබා දීමද කැපී පෙනිණ. මෙහිදී වයිඩ් පන්දු 20 ක් සහ නිපන්දු 2 ක් පන්දු යැවීමේ අතිරේක ලකුණු ලෙසින්ද ලකුණු 8 ක් පන්දු රැකීමේදී අතිරේක ලකුණු ලෙසින්ද සටහන් විය.

මේ අතර උදෑසන පැවැති ගාල්ල පිටත සහ කොළඹ උතුර අතර තරගයෙන් කඩුලු 6 ක ජයක් වාර්තා කළ කොළඹ උතුරු කණ්ඩායම තවදුරටත් සිය අපරාජිත භාවය රැක ගැනීමට සමත්විය. මෙම තරගයේදී ලකුණු 89 ක ඉලක්කයක් හඹා ගිය කොළම උතුරු කණ්ඩඩායම පන්දුවාර 11.5 ක් පමණක් වැය කර ඉලක්කය සපුරා ගන්නා ලද්දේ කඩුලු 4 ක් පමණක් ප්‍රතිවාදීන් හමුවේ පිරිනමමිනි.

මෙම තරගයේදී කැපී පෙනන පන්දු යැවීමක නිරත වූ උමායා රත්නායක ගාල්ල පිටත පිලේ කඩුලු 4 ක් ලකුණු 09 ක් ඇතුළතදී බිඳ දමමින් තරගයේ දක්ෂතම ක්‍රීඩිකාවට හිමි සම්මානය දිනා ගත්තාය.

දඹුල්ල – ගාල්ල

ගාල්ල පන්දුවාර 20 කදී කඩුලු  ට ලකුණු 154 යි – (සුමුදු නිසංසලා නොදැවී 70, සංජලා කාවින්දි නොදැවී 54)

දඹුල්ල පන්දුවාර 20 කදී කඩුලු 6 ක් දැවී ලකුණු 59 යි – (බුද්ධිනී දිසානායක 27, විහාරා සෙව්වන්දි 09/3)

දක්ෂතම ක්‍රීඩිකාව –

ගාල්ල පිටත – කොළඹ උතුර

කොළඹ උතුරට කඩුලු 6 ක ජයක්

ගාල්ල පිටත පන්දුවාර 18.2 කදී ලකුණු 89 යි – (රශ්මිකා සෙව්වන්දි 41, හිරුෂි ලංකා 11, උමායා රත්නායක 09/4, විදුෂිකා පෙරේරා 09/2)

කොළඹ උතුර පන්දුවාර 11.5 කදී කඩුලු 4 ක් දැවී ලකුණු 90 යි – (හසිනි වෙදසිංහ 23, ඉමල්ෂි යසාරා 19, නිකේෂා වෙදගේ 23)

දක්ෂතම ක්‍රීඩිකාව – උමායා රත්නායක

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

LKR Sri Lankan rupee