slc
logo
Home   |    News
නොවැම්බර් 10, 2022
ශෂිකලා සිරිවර්ධනට අලුත් වගකීමක්

sinhala editor

ඉතිහාසයේ පළමු වතාවට නම් කරන ලද වයස අවුරුදු 19 න් පහළ බාලිකා ක්‍රිකට් කණ්ඩායමේ ප්‍රධාන පුහුණුකාරිණිය ලෙස හිටපු ශ්‍රී ලංකා ක්‍රිකට් නායිකාවක් වන ශෂිකලා සිරිවර්ධනව පත් කිරීමට ශ්‍රී ලංකා ක්‍රිකට් ආයතනය පියවර ගෙන තිබේ.

ශ්‍රී ලංකා යොවුන් කාන්තා කණ්ඩායම නොවැම්බර් 10 වැනිදා පස්වරුවේදී ඉන්දියාව බලා පිටත්ව ගිය අතර, ශෂිකලා සිරිවර්ධනගේ පුහුණුකාරීත්වය යටතේ ජාතික කණ්ඩායමක් අන්තර්ජාතික තරගාවලියකට සහභාගීවන පළමු අවස්ථාව එම තරගාවලිය වශයෙන් සනිටුහන් වේ.

ශ්‍රි ලංකා ක්‍රිකට් කණ්ඩායමේ හිටපු තුන් ඉරියව් දක්ෂතා දැක්වූ ශෂිකලා සිරිවර්ධන 2003 වසරේ සිට 2020 දක්වා ශ්‍රී ලංකා කණ්ඩායමට ක්‍රීඩා කළාය. ඇය අන්තර්ජාතික එක්දින තරග 118කට සහභාගීවී ඇති අතර ලකුණු 2029ක් රැස්කර ගත්තාය. එමෙන්ම විස්සයි 20 අන්තර්ජාතික තරග 81කට ශෂිකලා සිරිවර්ධන සහභාගී වූවාය. එහිදී ලකුණු 1097ක් රැස්කරගත් ඇය අන්තර්ජාතික එක්දින තරගවලදී කඩුලු 124ක් හා විස්සයි 20 අන්තර්ජාතික තරගවලදී කඩුලු 77ක් බිදහෙලා ගැනීමට සමත් වූවාය. වයස අවුරුදු 20දී ඇය ශ්‍රී ලංකා කාන්තා ක්‍රිකට් නායිකාව ලෙස පත්වී අඩුම වයසින් නායිකාවක් බවට පත්වූ ක්‍රීඩිකාව ලෙස වාර්තාවක් ද පිහිටුවා ඇත.

ශෂිකලාගේ පුහුණුකාරීත්වය යටතේ සහභාගීවන ශ්‍රී ලංකා යොවුන් කාන්තා කණ්ඩායම මෙම තරගාවලියේදී ඉන්දියාව නියෝජනය කරමින් ‘ඒ’ සහ ‘බී’ වශයෙන් කණ්ඩායම් දෙකක් සමග හා බටහිර ඉන්දීය කොදෙව් බාලිකා කණ්ඩායම සමග තරගවලට සහභාගී වේ.

ශ්‍රී ලංකා කණ්ඩායමේ පළමු සටන මෙම මස 13 වැනිදා ඉන්දීය ‘බී’ පිලට එරෙහිව විසාග්හි පැවැත්වෙන අතර අවසන් මහ තරගය ලබන 19 වැනිදා පැවැත්වේ. මූලික වටයේ වැඩිම ප්‍රසාද ලකුණු හිමිකර ගනු ලබන කණ්ඩායම් අවසන් මහ තරග වරම දිනා ගනු ඇත.

Active filters

Recent Posts

  • ටියර් ‘බී‘ ශූරතාව එස්. එස්. සී. කණ්ඩායමට
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැති අන්තර් සමාජ ටියර් ‘බී‘ කොටසේ ක්‍රිකට් තරගාවලියේ ශූරතාව දිනා ගැනීමට කොළඹ එස්. එස්. සී. කණ්ඩායම අද (18 දා) සමත්විය. කොළඹ එස්. එස්. සී. ක්‍රීඩා […]
  • විස්සයි-20 තරගාවලියේ ජය බංග්ලාදේශයට
    පන්දුවාර විස්සයි-20 ජාත්‍යන්තර තරග දිවියේ හොඳම දක්ෂතාව දැක්වීමට මෙහෙදි හසන් (11/4)සහ ටැන්සිඩ් හසන් (නොදැවී 73) සමත්වීම නිසා ශ්‍රී ලංකා කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (16 දා) පැවැත්වුණු […]
  • දෙපිළේම වෙනස්කම් දෙකක් – ශ්‍රී ලංකාව පන්දුවට පහර දෙයි
    කොළඹ ආර්. ප්‍රේමදාස ක්‍රීඩාංගණයේදී අද (16 දා) පැවැත්වෙන තෙවැනි පන්දුවාර විස්සයි-20 තරගයේදී කාසියේ වාසිය දිනූ ශ්‍රී ලංකා නායක චරිත් අසලංක පළමුව පන්දුවට පහර දීමට තීරණය කළේය. මෙම තරගය සඳහා […]
  • ශ්‍රී ලංකා ‘ඒ‘ – ඔස්ට්‍රේලියා ‘ඒ‘ සිව්දින තරගය ජය පරාජයෙන් තොරයි
    සංචාරක ශ්‍රී ලංකා ‘ඒ‘ ක්‍රිකට් පිල හා ඔස්ට්‍රේලියා ‘ඒ‘ ක්‍රිකට් පිල අතර, ඔස්ට්‍රේලියාවේ ඩාර්වින් හි මරාරා ඕවල් ක්‍රීඩාංගණයේ අද (16) නිමාවූ පළමු නිල නොවන ටෙස්ට් ක්‍රිකට් තරගය ජය […]
  • ඔස්ට්‍රේලියා ‘ඒ‘ පිල ලකුණු 165ක්  ඉදිරියෙන්
    සංචාරක ශ්‍රී ලංකා ‘ඒ‘ ක්‍රිකට් කණ්ඩායම හා ඔස්ට්‍රේලියා ‘ඒ‘ ක්‍රිකට් පිල අතර, ඔස්ට්‍රේලියාවේ ඩාර්වින් හි මරාරා ඕවල් ක්‍රීඩාංගණයේ පැවැත්වෙන පළමු නිල නොවන ටෙස්ට් ක්‍රිකට් තරගයේ ‍තෙවැනි දිනය නිමාවෙද්දී […]

Pin It on Pinterest

USD United States (US) dollar