slc
Home   |    News
දෙසැම්බර් 7, 2022
සධීර සහ අවිශ්ක ජැෆ්නා ජයග්‍රහණයට පාර කපති

sinhala editor

Chamila Karawita reporting from Hambantota

පළමු කඩුල්ල වෙනුවෙන් ලකුණු 118 ක සම්බන්ධතාවක් පැවැත්වීමට සදීර සමරවික්‍රම සහ අවිශ්ක ප්‍රනාන්දු සමත්වීම නිසා දඹුල්ල අවුරා පිලට එරෙහිව අද (07 දා) පස්වරුවේ පැවැති තරගයෙන් කඩුලු 9 ක ජයක් වාර්තා කිරීමට තිසර පෙරේරාගේ නායකත්වයෙන් යුතු ජැෆ්නා කිංග්ස් කණ්ඩායම සමත්විය. මෙය ජැෆ්නා පිල පිට පිට තරග 2 කදී ලද දෙවැනි ජයග්‍රහණය ලෙසින් සටහන් විය.

කාසියේ වාසියත් සමග පළමුව පන්දුවට පහර දුන්නද දසුන් ශානකගේ නායක්තවයෙන් යුතු දඹුල්ල අවුරා පිලට නියමිත පන්දුවාර 20 අවසනදී රැස් කරගත හැකි වූයේ කඩුලු 9 කට ලකුණු 121 කි. නොසිතූ ලෙස තණතීරුව මන්දගාමී ලෙසින් හැසුරුණද රාත්‍රි කාලයේදී එය පිතිකරුවන්ට වාසි දායක ලෙසින් හැසිරීම, ජැෆ්නා පිතිකරුවන්ට පහසු කරවන්නක් විය.

පන්දු 93 ක් වැය වුණු ආර්භක කඩුල්ලේ සම්බන්ධතාව සමඟ සාර්ථක හඹා යෑමක නිරත වුණු ජැෆ්නා පිතිකරුවෝ 16 වැනි පන්දුවාරයේ සිව්වැනි පන්දුවේදී ඉලක්කය සපුරා ගත්හ. ජයග්‍රහණයට ලකුණු 4 ක් තිබියදී අවිෂ්ක ප්‍රනාන්දු දැවී ගිය නමුත් ඊට පසු පන්දුවට පහර දීමට පැමිණි අශාන් රන්දික මුහුණ දුන් පළමු පන්දුවම හතරේ සීමාවට යවමින් තරගය හමාර කළේය.

ඒ වන විටත් අනෙක් අන්තයේ පන්දවට පහර දෙමින් සිටි සධීර සමරවික්‍රම පන්දු 44 කට මුහුණ දෙමින් ලකුණු 62 ක් ලබා සිටියේය. රාමනුල්ලා ගුර්බාස් ආබාධයකට ලක්වීම නිසා කණ්ඩායමට පැමිණීමට අවස්ථාව ලද සධීර සමරවික්‍රම හයේ පහරක් සහ හතරේ පහර 7 ක් ඇතුළත් කරගත්තේ තව දුරටත් තමා බංකුවේ සිටිය යුතු ක්‍රීඩකයකු නොවන බවට කණ්ඩායම් කලමනාකාරීත්වයට ඒත්තු ගන්වමිනි.

දණහිසේ ආබාධයක් නිසා පසුගිය කාලයේදීම තරග කිරීමෙන් ඉවත්ව සිටි අවිශ්ක ප්‍රනාන්දු අද දිනයේදී යළිත් සිය සුපුරුදු රිද්මය සොයා ගියේ මුහුණ දුන් 47 වැනි පන්දුවේදී අර්ධ ශතකය වාර්තා කර ගනිමිනි. ජයග්‍රහණයට ලකුණු 4 ක් තිබියදී නූර් අහමඩ්ගේ පන්දුවකට ස්ටම්ප් කිරීම නිසා අවිශ්ක පිටියෙන් ඉවත් වන විට පන්දු 49 කදී ලකුණු 51 ක් ලබා සිටියේ හතරේ පහර 4 ක් සහ හයේ පහරකින්ද සිය ඉනිම සරසා ගනිමිනි.

පළමු වතාවට එල්.පී.එල්. වරම් ලද අෂේන් ඩැනියල් සහ ජෝර්ඩ්න් කොක්ස් පළමු කඩුල්ල වෙනුවෙන් පන්දු 46 කදී වේගවත් ලකුණු 63 ක් එක් කිරීමට සමත්වූහ. පවර්ප්ලේ අවස්ථාවට හිමි පන්දුවාර 6 දී ලකුනු 50 ක් රැස් කිරීමට සමත් වූ දකුණත් සහ වමත් පිතිකරුවන් දෙදෙනා දැවී යෑමත් සමඟ දඹුල්ල ඉනිම කඩා වැටීම ඇරඹිණ.

එම කඩා දැමීමේ පුරෝගාමියා වූයේ තවමත් 21 වැනි වියේ පසුවන විජයකාන්තා වියස්කාන්ත්ය. යාපනය මධ්‍ය මහ විදුහලින් ක්‍රිකට් ක්‍රීඩාවට අවතීර්ණව සිටින දකුණත් පා දඟ පන්දු යවන්නා, එතෙක් වේලා පිටිය සිසරා පහර එල්ල කළ ජෝර්ඩ්න් කොක්ස් දවා ගත්තේය. ඒ වන විටත් සිය ඉනිමට හයේ පහර 4 ක් සහ හතරේ පහර 3 ක් ද සමඟ පන්දු 22 කදී ලකුණු 43 ක් රැස් කර ගැනීමට කොක්ස් සමත්ව සිටියේය. ඉන් නොනැවතුණු දකුණත් පා දඟ පන්දු යවන්නා අනතුරුව භානුක රාජජපක්ෂව දවා ගත්තේ මුලු ලකුණු සංඛ්‍යාව 96 ක් ව සටහන් ව තිබියදීය. ඉනිම මැද භාගයේදී පන්දු යවන්නන් යළිත් දක්ෂතා අතරට පැමිණිමට සමත්වීම නිසා අවසන් කඩුලු 9 ම ලකුණු 58 කදී දවා ගැනීමට ඔවුහු සමත් වූහ. මෙහිදී වියස්කාන්ත් සහ මහීස් තීක්ෂණ දැවී ගිය කඩුලු 9 න් 6 කට හිමිකම් කීහ.

Active filters

Recent Posts

  • යුද හමුදාවේ අසේල ගුණරත්න නැවත ලකුණු අතරට
     ශ්‍රී ලංකා ක්‍රිකට් ආයතනය මෙහෙයවන මේජර් අන්තර් සමාජ විස්සයි 20 ක්‍රිකට් තරගාවලියේ අද (31) පැවැති යුද හමුදාව සහ පොලීසිය අතර තරගයේදී යුද හමුදාව නියෝජනය කරන හිටපු ශ්‍රී ලංකා […]
  • ඉසුරු උදානගේ ප්‍රහාරයෙන් ටැමිල් යුනියන්ට ජය
    ටැමිල් යුනියන් සහ එස්.එස්.සී. අතර අද (30) එන්.සී.සී. ක්‍රීඩාංගණයේ පැවැති ‘සී‘ කොටසේ තියුණුම මුහුණුවරක් ගත් තරගයේ අවසාන පන්දුවාරයේ පන්දුවක් ඉතිරිව තිබියදීම කඩුලු 4 ක ජයක් වාර්තා කර ගැනීමට […]
  • දිමුත් කරුණාරත්න යළිත් එක්දින පිලට
    ඇෆ්ගනිස්තානු පිලට එරෙහිව පැවැත්වෙන තරග 3 කින් සමන්විත එක්දින තරගාවලියේ පළමු තරග 2 සඳහා වන ශ්‍රී ලංකා කණ්ඩායමට දිමුත් කරුණනාරත්නව එක් කිරීමට තේරීම් කමිටුව පියවර ගෙන තිබේ. ක්‍රීඩකයින් […]
  • ලෝක ටෙස්ට් ශූරතාවලියෙන් ශ්‍රී ලංකා පිලට කෝටි 6ක තෑග්ගක්
    ජාත්‍යන්තර ක්‍රිකට් කවුන්සිලය මෙහයවූ ලෝක ටෙස්ට් ශූරතාවලියේ පස්වැනි ස්ථානයට පත් වූ දිමුත් කරුණාරත්න ප්‍රමුඛ ශ්‍රී ලංකා ටෙස්ට් කණ්ඩායමට ත්‍යාග මුදල ලෙස ඇමෙරිකානු ඩොලර් 200,000 ක් පිරිනැමීමට ජාත්‍යන්තර ක්‍රිකට් […]
  • පළමු කඩුලු 5 චමෝද්ගෙන්
    එන්.සී.සී. ආරම්භක පිතිකරු නිරෝෂන් දික්වැල්ල යුද හමුදාව සමඟ අද (29) පැවැති අන්තර් සමාජ විස්සයි 20 තරගයේදී පන්දු 11කදී හයේ පහර තුනක් හතරේ පහර තුනක් සමඟ ලකුණු 34ක් රැස් […]
USD United States (US) dollar

Pin It on Pinterest