slc
logo
Home   |    News
ජනවාරි 7, 2023
ආසියානු ශූරයින් ‘බී’ කාණ්ඩයට

sinhala editor

ආසියානු කුසලාන ක්‍රිකට් තරගාවලියේ 2023 තරගාවලිය මේ වසරේ සැප්තැම්බර් මසදී පැවැත්වීමට ආසියානු ක්‍රිකට් කවුන්සිලය සැලසුම් කර තිබේ. ඉදිරියේදී පැවැත්වෙන ලෝක කුසලාන තරගාවලිය පන්දුවාර 50 තරගාවලියක් බැවින් එය ඉලක්ක කොට මෙවර ආසියානු කුසලාන තරගාවලිය පන්දුවාර 50 තරගාවලියක් ලෙසින් පැවැත්වෙනු ඇත.

වර්තමාන ආසියානු ශූරයින් බවට පත්ව සිටින ශ්‍රී ලංකා කණ්ඩායම ‘බී’ කාණ්ඩය යටතේ තරග වදින අතර, බංග්ලාදේශය සහ ඇෆ්ගනිස්තනය සෙසු රටවල් බවට පත්ව සිටිති. ආසියානු කුසලාන තරගාවලිය කණ්ඩායම් 6 කගෙන් සමන්විත පැවැත්වෙන අතර ඉන්දියාව, පාකිස්තානය සහ සුදුසුකම් ලැබීමේ තරගාවලියේ ජයග්‍රාහකයින් ‘ඒ’ කාණ්ඩය යටතේ තරග වදිනු ඇත.  

ආසියානු කුසලාන ක්‍රිකට් තරගාවලියේ සත්කාරක අයිතිය පවතින්නේ පාකිස්තානයට වුවත්, එහි ගොස් තරග කිරීම ඉන්දියාව විසින් ප්‍රතික්ෂේප කිරීම නිසා තරගාවලිය පවත්වනු ලබන රට පිළිබඳව තීරණයක් ගැනීමට නොහැකිව ආසියානු ක්‍රිකට් බලධාරීහු අසරණවී සිටිති.

තරගාවලියේ දින වකවානු තින්දු වුවත් පැවැත්වෙන රට තවමත් ආසියානු කවුන්සිලය විසින් ප්‍රකාශයට පත් කර නොමැතිවීම විශේෂත්වයකි. පාකිස්තානයත් ඉන්දියාවත් අතර පවතින කඹ ඇදිල්ල මෙම තත්ත්වයට ආසන්නතම හේතුව වී තිබේ.

මොවුන් දෙපිරිස අතර ආරවුල කෙතරම් දුර දිග ගියේද කිවහොත්, එවකට පාකිස්තානු ක්‍රිකට් ආයතනයේ සභාපතිවරයා වූ රමීස් රාජා විසින් ඉන්දීය ක්‍රිකට් පාලක මණ්ඩලයට විරෝධය පළ කරමින් සඳහන් කර සිටියේ ඉන්දියානු පිල පාකිස්තානයට නොපැමි‌ණෙන්නේ නම් පාකිස්තානු පිලද ලෝක කුසලාන තරගාවලියට ක්‍රීඩා කිරීම සඳහා ඉන්දියාවට නොයන බවයි. එහෙත් මේ වනවිට පාකිස්තානු ක්‍රිකට් ආයතනයේ සභාපතිවරයා ලෙස නජම් සෙති පත්ව සිටින බැවින් එකී තත්ත්වය යම් තරමක් හෝ දුරට සමනය වනු ඇතැයි අපේක්ෂා කෙරේ.

Active filters

Recent Posts

  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]

Pin It on Pinterest

LKR Sri Lankan rupee