slc
Home   |    News
ජනවාරි 12, 2023
දෙව්මි විහංගාගෙන් කඩුලු ත්‍රිත්වයක්

sinhala editor

වයස අවුරුදු 19 න් පහළ බාලිකා ලෝක කුසලාන ක්‍රිකට් තරගාවලිය ආරම්භයට පෙර ශ්‍රී ලංකා පිලට හිමි දෙවැනි පුහුණු තරගය වූ ස්කොට්ලන්තයට එරෙහි තරගයෙන්ද කඩුලු 7 ක ජයක් වාර්තා කළ ශ්‍රී ලංකා බාලිකා කණ්ඩායම ප්‍රධාන තරගාවලියට අපරාජිතව අවතීර්ණ වීමට ජනවාරි 11 වැනිදා රාත්‍රියේ සමත්වූවේය.

තරගයේ පළමුව පන්දුවට පහර දුන් ස්කොට්ලන්ත කණ්ඩායම පන්දුවාර 16.3 කදී ලකුණු 87 කට සීමා කිරීමට ශ්‍රී ලකා පන්දු යවන්නනියෝ සමත්වූහ. එහිදී කැපී පෙනුණු දෙව්මි විහංගා කඩුලු ත්‍රිත්වයක් වාර්තා කිරීමට සමත්වීම කැපී පෙනිණ

තරගයේ 10 වැනි පන්දුවාරය යැවූ දෙව්මි තෙවැනි පන්දුවේදී කේ. ෆ්‍රෙසර් ද, සිව්වැනි පන්දුවේදී එම්. පටන් ද සහ පස්වැනි පන්දුවේදී ඊ. ටකර්වද දවා ගනිමින් කඩුලු ත්‍රිත්වයට හිමිකම් කීවාය. ගම්පහ රත්නාවලී බාලිකා විදුහල නියෝජනය කරමින් ජාතික කණ්ඩායමට පැමිණ සිටින පිට දග පන්දු යවන දෙව්මිගේ දක්ෂතාව ප්‍රධාන කොට පන්දුවාර 4 දී ලකුණු 17 ක් පමණක් ලබා දී කඩුලු 4 ක් බිද හෙළීමටද ඈ සමත්වූවාය. ඊට අමතරව විදුෂිකා පෙරේරා කඩුලු 4 ක් සහ විහාරා සෙව්වන්දි කඩුලු 2 ක් දවා ගත්හ.

ලකුණු හඹා යෑමේදී පෙරමුණ ගත් නායිකා විශ්මි ගුණරත්න පන්දු 54 කදී ලකුණු 39 ක් ලබා ජයග්‍රහණය සනාථ වන තෙක්ම කඩුල්ලේ රැදී සිටියාය. ඇයගේ ඉනිම හතරේ පහර 3 කින් පමණක් සමන්විත විය. ඇයට අමතරව මනුදි නානායක්කාර පන්දු 34 කදී ලකුණු 17 ක් ලබා තරගය ජය ගැනීම සදහා නායිකාවට සහාය දැක්වූවාය.

මෙම තරගයට පෙර ශ්‍රී ලංකාවට හිමි පළමු පුහුණු තරගය වූ එක්සත් අරාබි එමීර් පිලට එරෙහි තරගයෙන්ද ලකුණු 52 ක ජයක් වාර්තා කළ අතර එම තරගයේදීද දෙව්මි විහංගා ලකුණු 04 කට කඩුලු 3 ක් බිඳ හෙළීමට සමත්වූවාය.

ස්කොට්ලන්තය පන්දුවාර 16.3 කදී ලකුණු 87 යි – (ඩී. කාටර් 16, එම්. ෆයිසාල් 13, දෙව්මි විහංගා 17/4, විදුශිකා පෙරේරා 18/3, විහාරා සෙව්වන්දි 11/2)

ශ්‍රී ලංකාව පන්දුවාර 18.1 කදී කඩුලු 3 ක් දැවී ලකුණු 91 යි – (විශ්මි ගුණරත්න 38*, මනුදි නානායක්කාර 17*)

Recent Posts

  • අවසන් සටනේ මුල් දිනයේ රාගම කඩුලු 8කට ලකුණු 258යි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ වයස අවුරුදු 23 න් පහළ ප්‍රධානතම ලීග් ක්‍රිකට් තරගාවලියේ අවසන් මහා තරගයේ මුලින් පන්දුවට පහරදෙන රාගම ක්‍රිකට් සමාජය පළමු දිනයේ […]
  • දිමුත් සහ චන්දිමාල් ‘විස්ඩන්’ ලෝක කණ්ඩායමට
    ක්‍රිකට් ක්‍රීඩාවේ බයිබලය ලෙසින් සැලකෙන ප්‍රකට විස්ඩන් (Wisden) සඟරාව විසින් තෝරනු ලබන ටෙස්ට් ලෝක ශූරතා තරගාවලිය සඳහා ක්‍රීඩා කරන ලද ලොව හොඳම ක්‍රීඩකයින් 11 දෙනා අතරට ශ්‍රී ලංකාවේ […]
  • පළමු තරගයෙන්ම ශ්‍රී ලංකා යොවුන් පිලට පහසු ජයක්
    අබුඩාබි නුවර ආරම්භ වුණු වයස අවුරුදු 19 න් පහළ යොවුන් ක්‍රිකට් තරගාවලියේ සමාරම්භක තරගයේදීම බංග්ලාදේශ යොවුන් පිලට එරෙහිව කඩුලු 5 ක විශිෂ්ඨ ජයක් වාර්තා කරමින් තරගාවලියට සාර්ථක ප්‍රවේශයක් […]
  • ළහිරුගේ නායකත්වයේ ඉනිම කැන්ඩිට පළමු ජය ගෙනෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී නායකත්වයේ ඉනිමක් ක්‍රීඩා කළ කැන්ඩි පිලේ ළහිරු උදාර වාර්තා කළ ලකුණු 109 සමග කැන්ඩි පිල ලකුණු 8ක […]
  • ජැෆ්නා – කළම්බු තරගයට වැස්සෙන් බාධා
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේ ජැෆ්නා හා කළම්බු අතර තරගයේ මුලින් පන්දුවට පහරදුන් කළම්බු පිල ඕවර් 46.3ක් තුලදී කඩුලු 9ක් දැවී ලකුණු […]
LKR Sri Lankan rupee

Pin It on Pinterest