slc
logo
Home   |    News
ජනවාරි 22, 2023
බාලිකාවෝ ඉන්දියාව හමුවේ කඩුලු 7 ක පරාජයක් ලබති

sinhala editor

අන්තර්ජාතික ක්‍රිකට් සභාව විසින් ප්‍රථම වතාවට පවත්වනු ලබන වයස අවුරුදු 19 න් පහළ බාළිකා ලෝක කුසලාන ක්‍රිකට් තරගාවලියේ සුපිරි කණ්ඩායම් අතර තරග වටය යටතේ ශ්‍රී ලංකා කණ්ඩායම සහභාගි වුණු පළමු තරගයෙන් ඉන්දියාව හමුවේ කඩුලු 7 ක පරාජයකට අද (22 දා) මුහුණ දුන්නේය.

තරගයේ පළමුව පන්දුවට පහර දුන් ශ්‍රී ලංකා ක්‍රීඩිකාවන් පන්දුවාර 20 අවසනදී කඩුලු 9 ක් දැවී රැස් කර ගැනීමට සමත් වූයේ ලකුණු 59 ක් පමණක් වන අතර එය හඹා ගිය ඉන්දීය ක්‍රීඩිකාවෝ ඒ සඳහා පන්දුවාර 7.2 ක් වැය කරන ලද්දේ කඩුලු 3 ක් පමණක් ශ්‍රී ලංකා පන්දු යවන්නියන් හමුවේ ලබා දෙමිනි.

වේගවත් පිතිහරඹයක නිරත වුණු නායිකා සෞම්‍යා තිවාරි පන්දු 15 කදී හතරේ පහර 5 ක් සමඟ නොදැවී ලකුණු 28 ක් රැස් කර ගත්තාය. පන්දු යැවීමේදී ඉන්දීය පිලේ දැවී ගිය කඩුලු 3ම දෙව්මි විහංගා විසින් දවා ගත්තාය.

පළමුව පන්දුවට පහර දුන් ශ්‍රී ලංකා ක්‍රීඩිකාවන්ට ප්‍රභලම අභියෝගය ලබා දුන්නේ පාර්ශ්වී චොප්රාය. ඇය ලකුණු 05 ක් පමණක් ලබා දී කඩුලු 4 ක් දවා ගනිද්දී මනත් කාශ්‍යප් ලකුණු 16 කට කඩුලු 2 ක් දවා ගත්තාය.

ශ්‍රී ලංකා කණ්ඩායම වෙනුවෙන් වැඩිම ලකුණු ලාභිණිය වූයේ නායිකා විශ්මි ගුණරත්න වන අතර ඇය පන්දු 28 කදී හතරේ පහර 2 ක් ද සමඟ ලකුණු 25 ක් රැස් කළාය.  ශ්‍රී ලංකා ඉනිමේ පිතිකාරිණියන් 8 දෙනෙකුම ලකුණු 10 ට අඩුවෙන් දවා ගැනීමට ඉන්දීය පන්දු යවන්නියෝ සමත්වූහ.

ශ්‍රී ලංකා කණ්ඩායම පන්දුවාර 20 කදී කඩුලු 9ට ලකුණු 59 යි – (විශ්මි ගුණරත්න 25, උමායා රත්නායක 13, පාර්ශ්වී චොප්රා 05/4, මනත් කාශ්‍යප් 16/2)

ඉන්දීය කණ්ඩායම පන්දුවාර 7.2 කදී කඩුලු 3 ට ලකුණු 60 යි (ශෆාලි වර්මා 15, ශ්වේතා ශෙරාවත් 13, සෞම්‍යා තිවාරි 28*, දෙව්මි විහංගා 34/3)

Active filters

Recent Posts

  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]
  • හයේ වරුසාවක් සමඟින් ජැෆ්නා ක්‍රීඩකයෝ 5 වැනි ජය ලබති
    Chamila Karawita ලංකා ප්‍රිමියර් ලීග් ක්‍රිකට් තරගාවලියේ දෙවැනි අදියර හෙවත් කොළඹ අදියර ආරම්භ කරමින් පැවැති පළමු තරගයේදීම කැන්ඩි ෆෝල්කන්ස් කණ්ඩායම විසින් ලබා දුන් ලකුණු 79 ක ඉලක්කය හඹා […]

Pin It on Pinterest

LKR Sri Lankan rupee
logo