slc
logo
Home   |    News
පෙබරවාරි 16, 2023
දඹුල්ලෙන් සාර්ථක ආරම්භයක්

sinhala editor

දඹුල්ල පිල වෙනුවෙන් පන්දු 167කදී හතරේ පහර 9ක් සමග නොදැවී ලකුණු  100ක් ලබා සංයමයෙන් යුතු සටනක් දියත් කළ අශාන් ප්‍රියංජන් නැෂනල් සුපර් ලීග් ක්‍රිකට් තරගාවලියේ පස්වැනි සතියේ ඇරැඹි තරගයේ පළමු දිනය නිමාවේද්දී සිය කණ්ඩායම පළමු ඉනිමට කඩුලු 6ක් දැවී ලකුණු 297ක් දක්වා ඉහළට එසැවීය. පළමු දිනයේ තරගය නතර කරද්දී අශාන් ප්‍රියංජනට අනගි සහයක් ලබාදෙමින් චමිඳු විජේසිංහ නොදැවී ලකුණු 27ක් ලබා සිටියේය.

ශ්‍රී ලංකා ක්‍රිකට් ආයතනය දෙවැනි වතාවටත් පවත්වනු ලබන නැෂනල් සුපර් ලීග් සිව්දින ක්‍රිකට් තරගාවලියේ දඹුල්ල හා කළම්බු අතර හම්බන්තොට මහින්ද රාජපක්ෂ ක්‍රීඩාංගණයේ පැවැති තරගයේදී අශාන් ප්‍රියංජන ශතකය වාර්තා කරද්දී නායක මිනෝද් භානුක පන්දු 123කදී හතරේ පහර 11ක් සමග ලකුණු 73ක් තම පිලට එක් කළේය.

කාසියේ වාසිය කළම්බු පිලට හිමිවූ අතර ඔවුන්ගේ ආරාධනාවෙන් දඹුල්ල පිල මුලින් පන්දුවට පහරදීමට පිටියට පිවිසියේය. දඹුල්ල පිලේ පළමු කඩුලු තුනම වේග පන්දු යවන හිමේෂ් රාමනායක දවාගත් අතර, නිමේෂ් ගුණසිංහ ලකුණු 19කට ලියෝ ෆ්‍රැන්සිස්කෝ ලකුණු 26කට හා දිලාන් ජයලත් ලකුණු නොලබාම දවා ගැනීමට සමත් විය. එම කඩුලු තුන දැවීයද්දී දඹුලු පිලේ ලකුණු පුවරුව ලකුණු 48ක්ව තිබිණි.

අනතුරුව සනෝජ් දර්ශික හා මිනෝද් භානුක එක්ව සිවුවැනි කඩුල්ලට ලකුණු 77ක සම්බන්ධතාවක් ගොඩනැගූ අතර, සනෝජ් දර්ශික ලකුණු 43කට දැවී ගියේය.

කළම්බු පිලේ පන්දු යවන්නන් අතුරින් වඩාත් සංර්ථක පන්දු යවන්නා බවට පත්වූ හිමේෂ් රාමනායක ලකුණු 51කට කඩුලු 3ක් දවාගත් අතර, නුවන් ප්‍රදීප් කඩුලු 2ක් හා තරිදු රත්නායක කඩුල්ලකන් දවා ගත්තේය.

දඹුල්ල – පළමු ඉනිමට කඩුලු 6ක් දැවී ලකුණු 297යි (ඕවර් 90) – නිමේෂ් ගුණසිංහ 19, ලියෝ ෆ්‍රැන්සිස්කෝ 26, සනෝජ් දර්ශික 43, මිනෝද් භානුක 73, අශාන් ප්‍රියංජන නොදැවී 100, චමිඳු විජේසිංහ නොදැවී 27 ( හිමේෂ් රාමනායක 51/3, නුවන් ප්‍රදීප් 59/2, තරිදු රත්නායක 60/1)

Active filters

Recent Posts

  • දඹුල්ල පිලේ රනේෂ් සිල්වාගෙන් ශතකයක්
    ශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය ක්‍රිකට් තරගාවලිය වන නැෂනල් සුපර් ලීග් (NSL) සිවුදින තරගාවලියේ ඊයේ (23) ආරම්භ වූ තරගයකදී දඹුල්ල කණ්ඩායම නියෝජනය කරන රනේෂ් […]
  • ශ්‍රී ලංකා කාන්තා කණ්ඩායමේ ලෝක කුසලාන සුදුසුකම් ලැබීමේ තරග
    බංග්ලාදේශයේ පැවැත්වෙන මීළඟ කාන්තා ලෝක කුසලාන කාන්තා විස්සයි 20 තරගාවලියට සුදුසුකම් ලැබීමේ තරගාවලියට සහභාගි වන ශ්‍රී ලංකා කාන්තා ක්‍රිකට් කණ්ඩායම එක්සත් අරාබි එමීර් රාජ්‍යයේ අබුඩාබි නගරයේදී බ්‍රහස්පතින්දා (25) […]
  • චමරි අතපත්තු ලොව අංක 1ට ශ්‍රේණිගත වේ
    ජාත්‍යන්තර ක්‍රිකට් සමුළුවේ ක්‍රිකට් ක්‍රීඩක ක්‍රීඩිකාවන්ගේ නවතම ශ්‍රේණිගත කිරීම් අනුව එක්දින තරග පිතිකාරිණියන් අතුරින් ශ්‍රී ලංකාවේ චමරි අතපත්තු ප්‍රථම ස්ථානයට පත්ව සිටී. ශ්‍රී ලංකා පිතිකාරිණියක ක්‍රිකට් ශ්‍රේණිගත කිරීමේදී […]
  • චමරිගෙන් විශිෂ්ට ලකුණු 195ක්. අවසාන තරගය ශ්‍රී ලංකාව පහසුවෙන් ජය ගනී
    දකුණු අප්‍රිකාවේ ක්‍රිකට් සංචාරයක යෙදෙන ශ්‍රී ලංකා කාන්තා ක්‍රිකට් කණ්ඩායමේ නායිකාව චමරි අතපත්තු එහි පැවැති තෙවැනි හා අවසාන එක්දින තරගයේදී විශිෂ්ට පිතිහරඹයක නියැළෙමින් නොදැවී රැස් කළ ලකුණු 195ක […]
  • දකුණු අප්‍රිකා කාන්තා කණ්ඩායම කඩුලු හතකින් ජය ගනී
    දකුණු අප්‍රිකාවේ ක්‍රිකට් සංචාරයක යෙදෙන ශ්‍රී ලංකා කාන්තා ක්‍රිකට් කණ්ඩායම සෙනසුරාදා (13) කිම්බර්ලි නගරයේ ඩයමන්ඩ් ඕවල් ක්‍රීඩාංගණයේදී දකුණු අප්‍රිකා කාන්තා කණ්ඩායම සමඟ පැවැති දෙවැනි එක්දින තරගයේදී සත්කාරක දකුණු […]

Pin It on Pinterest

LKR Sri Lankan rupee