slc
logo
Home   |    News
මාර්තු 4, 2023
ශ්‍රී ලංකා පිතිකරුවෝ සාර්ථක පිතිහරඹයක

sinhala editor

නවසීලන්තයට එරෙහිව පැවැත්වෙන තීරණාත්මක ටෙස්ට් තරග සංචාරයට පෙර ශ්‍රී ලංකා කණ්ඩායම සහභාගිවන දෙදින  පුහුණු තරගයේ පළමු දිනයේදී සාර්ථක පිතිහරඹ පුහුණුවක් ලබා ගැනීමට ශ්‍රී ලංකා පිතිකරුවෝ සමත්වූහ. ලින්කොන්හි පැවැත්වෙන මෙම තරග‌යේ පළමුව පන්දුවට පහර දුන් ශ්‍රී ලංකා කණ්ඩායම කඩුලු 4 කට ලකුණු 276 ක් ලබා ගැනීමෙන් අනතුරුව ඉනිම අත්හිටුවා පන්දුවට පහර දීමේ අවස්ථාව නවසීලන්ත XI පිලට ලබා දුන්නේය.

නවසීලන්ත තණතීරුවලදී පන්දු යැවිය යුතු ආකාරය පිළිබඳව ශ්‍රී ලංකා පන්දු යවන්නන්ට හරි හැටි අවබෝධයක් ලබා ගැනීමේ අදහස පෙරදැරිව ඉනිම අතර මඟ අත්හිටුවීමට තීරණය වී තිබේ. කෙසේ වෙතත් සිය පළමු ඉනිම ක්‍රියාත්මක වෙමින් පවතින නවසීලන්ත XI  පිල දිනය අවසන් වන විට එක් කඩුල්ලක් දැවී ලකුණු 141 ක් ලබා ගැනීමට සමත්ව සිටියේය.

කාලගුණ අනාවැකිවලට අනුව හෙට (05 දා) දිනය වර්ෂාව සහිත දිනයක් වන බවට පත්ව තිබීම නිසා අද තරගය තරමක් වේලාසනින් ආරම්භ කිරීමට පියවර ගෙන තිබේ. ඒ අනුව පළමු සැසිය මිනිත්තු 135 කුත්, දෙවැනි සැසිය මිනිත්තු 135 කුත් සහ අවසන් සැසිය මිනිත්තු 120 ක් වන සේ පැවැත්වීමට සැලසුම් කර ඇති නමුත් ශ්‍රී ලංකා ඉනිම ක්‍රියාත්මක වෙමින් තිබෙන අතතුරදී වර්ෂාව ඇද හැළෙන සේයාවක් දැක ගැනීමට හැකිවීම නිසා ඉනිම අත්හිටුවා පන්දු යවන්නන්ට අවස්ථාව ලබා දීමට තීරණය කර තිබේ.

ශ්‍රී ලංකා පිලට නොදෙවැනි සාර්ථක පිහිහරඹයක නියැළුණු නවසීලන්ත XI පිල වෙනුවෙන් ආරම්භක පිතිකරු ‌බොයිල් ලකුණු 73 ක්සහ බූලා ලකුනු 37 ක් ලබා කඩුල්ලේ රැදී සිටිති. දැවී ගිය කඩුල්ල ළහීරු කුමාර විසින් දවා ගන්නා ලදී.

ශ්‍රී ලංකා පිල වෙනුවෙන් සාර්ථකම පිතිකරුවන් බවට පත්වීමට ඔෂධ ප්‍රනාන්දු සහ කුසල් මෙන්ඩිස් දෙදෙනා සමත්වූහ. නායක දිමුත් කරුණාරත්න ලකුණු 21 ක් ලබා සිටියදී දැවී යෑමෙන් අනතුරුව ඔෂධට එක් වූ කුසල් මෙන්ඩිස් දෙවැනි කඩුල්ල වෙනුවෙන් ලකුණු 162 ක සාර්ථක සම්බන්ධතාවක් එක් කළහ. එම කඩුල්ලේ සම්බන්ධතාව ලකුණු 199 කදී බිඳ දැමීමට නවසීලන්ත XI පන්දු යවන්නන් සමත් වද්දී සෙසු පිතිකරුවන්ට පන්දුවට පහර දීමේ අවස්ථාව සලසා දෙමින් ඔෂධ මුලු ලකුණු සංඛ්‍යාව 205 ක්ව තිබියදී ඉනිම අත්හිටුවා පිටියෙන් ඉවත්විය. ඒ වන විටත් පන්දු 111 කට මුහුණ දී සිටි දකුණත් ආරම්භක පිතිකරුවා හයේ පහරක් සහ හතරේ පහර 11 ක් සමගින් ලකුනු 78 ක් ලබා සිටියේය.

ආරම්භයේ සිටම ප්‍රවේගකාරී පිතිහරඹයක නියැළි කුසල් මෙන්ඩිස් හයේ පහර 2 ක් සහ හතරේ පහර 16 ක් සමඟින් ලබා ගත් ලකුණු 95 සදහා පන්දු 87 ක් පමණක් වැය කළේය. ඔහුට අමතරව ඇන්ජලෝ මැතිව්ස් සහ දිනේෂ් චන්දිමාල් ලකුණු 38 සහ 35 බැගින් ලබා ගත්හ.

හෙට තරගයේ දෙවැනි දිනයයි.

ශ්‍රී ලංකාව පළමු ඉනිම පන්දුවාර 57.3 කදී කඩුලු 4 කට ලකුනු 276 යි – (ඔෂධ ප්‍රනාන්දු 78, දිමුත් කරුනාරත්න 21, කුසල් මෙන්ඩිස්, 95, ඇන්ජලෝ මැතිව්ස් 38, දිනේෂ් චන්දිමාල් 35)

නවසීලන්තය XI පළමු ඉනිම පන්දුවාර 38 කදී කඩුල්ලක් දැවී ලකුණු 141 යි – (බොයිල් 73*, කමිංග් 27, බූලා 37*,ළහිරු කුමාර 16/1)

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar