slc
logo
Home   |    News
අප්‍රේල් 5, 2023
නවසීලන්ත ක්‍රීඩකයෝ එකට එක කරති

sinhala editor

ත්‍රාසජනක සුපිරි පන්දුවාරයේ ජය වාර්තා කිරීමෙන් පසු ශ්‍රී ලංකාව සහභාගි වුණු දෙවැනි විස්සයි-20 තරගයේදී අවසන් කඩුලු 6 ම ලකුණු 19 ක් ඇතුළත බිඳ වැටීම නිසා නවසීලන්තයට එරෙහිව ඩනෙඩින්හි පැවැති තරගයෙන් කඩුලු 9 ක පරාජයකට මුහුණ දීමට ශ්‍රී ලංකා කණ්ඩායමට අද (05 දා) සිදුවිය. මෙම ජයත් සමඟ තරගාවලිය 1-1 ක් වශයෙන් සම තත්ත්වයට පත් කර ගැනීමට නවසීලන්ත කණ්ඩායම සමත්වූවේය.

අනපේක්ෂිත මෙම කඩුලු බිඳ වැටීම නිසා ශ්‍රී ලංකා ඉනිම පන්දුවාර 20 අවසන් වීමට එක් පන්දුවාරයක් ඉතිරිව තිබියදී ලකුණු 141 කට නිමාවට පත් කිරීමට නවසීලන්ත කණ්ඩායමට හැකියාව ලැබිණ. මෙහිදී ශ්‍රී ලංකා පිලේ දැවී ගිය කඩුලු 10 න් 5 ක්ම තම නම ඉදිරියෙන් සනිටුහන් කර ගැනීමට ඇඩම් මිල්න් සමත්වූවේය.

ඉලක්කය හඹා යෑමේදී ලකුණු 142 ක් යනු නවසීලන්ත පිලට කිසි සේත්ම අභියෝගයක් එල්ල කළ නොහැකි ඉලක්කයක් වුවත්, ඉදිරියට පැමිණි කසුන් රජිත චැඩ් බෝව්ස්ගේ කඩුල්ල දවා ගත්තේය. එහෙත් අනෙක් ආරම්භක පිතිකරුවා වූ ටිම් සීෆර්ට්ව නවතාලීමට කිසිදු පන්දු යවන්නකුට හැකියාවක් නොලැබිණ. හයේ පහර 6 ක් සහ හතරේ පහර 3 ක් ද සමඟින් පන්දු 43 කදී ලකුණු 79 ක් ලබා ගැනීමට සීෆර්ට් සමත් වද්දී අනෙක් අන්තයෙන් පන්දුවට පහර දුන් නායක ටොම් ලේතම් පන්දු 30 කදී ලකුණු 20 ක් ලබා නවසීලන්තය ජයග්‍රහණය කරා රැගෙන ගියහ. 15 වැනි පන්දුවාරයේ සිව්වැනි පන්දුව යැවූ ධනංජය ද සිල්වාට දැවැන්ත හයේ පහරක් එල්ල කළ සීෆර්ට් තරගය නිමා කරන ලද්දේ නවසීලන්තයට කඩුලු 9 ක ජයක් හිමිකර දෙමිනි.

නවසීලන්ත නායකයාගේ ආරාධනයෙන්  පළමුව පන්දුවට පහර දුන් ශ්‍රී ලංකා කණ්ඩායම ආරම්භක පිතිකරුවන් දෙනොම ලකුණු 29 ක් ඇතුළත දැවී ගියද තෙවැනි කඩුල්ලට එක් වුණු කුසල් පෙරේරා සහ ධනංජය ද සිල්වා ශ්‍රී ලංකා පිල ස්ථාවර මට්ටමකට රැගෙන ආහ. 11 වැනි පන්දුවාරය වන විට ශ්‍රී ලංකා පිල කඩුලු 2 කට ලකුණු 91 ක් ලබමින් පහසුවෙන්ම ලකුණු 180 සීමාව  පසුකරන තත්ත්වයක පසුවිය. ඔවුන් දෙදෙනා අතර තෙවැනි කඩුල්ලේ සම්බන්ධතාව පන්දු 46 කදී ලකුණු 62 ක් විය.

පෙර තරගයේ අර්ධ ශතකයක් වාර්තා කළ කුසල් පෙරේරා අද දිනයේදී එතරම් ප්‍රාහාරාත්මක පිතිහරඹය නිරත නොවිණ. ඔහු මුහුණ දුන් පන්දු 32 කදී රැස් කරගෙන සිටියේ ලකුණු 35 ක් පමණි. ඔහුට වඩා වැඩි ප්‍රාහාරාත්මක වේගයක් රදවා ගත් ධනංජය ද සිල්වා මුහුණ දුන් පන්දු 26 න් පන්දු 2 ක් හයේ පහර ‌ලෙසින්ද පන්දු 3 ක් හතරේ පහර ලෙසින්ද ධනංජය හරවා යැවුවේ දැවී යෑමට මත්තෙන් ලකුණු 37 ක් ලබා ගනිමිනි.

මොවුන් දෙදනොම ලකුණු 8 ක් ඇතුළත දැවී යෑමත් සමග ශ්‍රී ලංකා ඉනිම කඩා වැටීම ඇරැඹිණ.  12 වැනි පන්දුවාරයෙන් පසු ශ්‍රී ලංකා පිතිකරුවන් රැස් කර ගැනීමට සමත් වූයේ ලකුණු 50 ක් පමණක් වන අතර ඒ අතර කඩුලු 8 ක් බිද වැටිණ. 12 වැනි පන්දුවාරය අවසානයත් සමඟ ශ්‍රී ලංකා ඉනිම පන්දු 47 කදී අවසන් වීමද විශේෂත්වයකි.

ශ්‍රී ලංකා පිලේ අනපේක්ෂිත කඩා වැටීම පිටුපස වගකිව යුතු ප්‍රධානම පන්දු යවන්නා වූයේ ඇඩම් මිල්න්ය. 19 වැනි පන්දුවාරය යැවීමට ඔහු පැමිණෙන විටෙත් චරිත් අසලංක පන්දු 19 කදී ලකුණු 24 ක් ලබා කඩුල්ලේ රැදී සිටියේය. එහෙත් මුහුණ දුන් දෙවැනි පන්දුවෙන් අසලංක දවා ගත් මිල්න් සිව්වැනි පන්දුවේදී ප්‍රමෝද් මදුශාන් සහ අවසන් පන්දුවේදී ඩිල්ෂාන් මදුශංකව දවා ගනිමින් ශ්‍රී ලංකා ඉනිම නවතා ලීය. තරගය නිමා වන විට මිල්න්ගේ පන්දු යැවීම සටහන් වූයේ පන්දුවාර 4 කදී ලකුනු 26 කට කඩුලු 5 ක් ලෙසිනි.

ශ්‍රී ලංකාව පන්දුවාර 19 කදී සියලු දෙනා දැවී ලකුණු 141 යි – (කුසල් පෙරේරා 35, ධනංජය ද සිල්වා 37, චරිත් අසලංක 24, කුසල් මෙන්ඩිස් 10, පැතුම් නිස්සංක 09, දසුන් ශානක 07, වනිඳු හසරංග 09, මහීෂ් තීක්ෂණ 00, ප්‍රමෝද් මදුශාන් 01, කසුන් රජිත 01*, ඩිල්ෂාන් මදුශංක 00, ඇඩම් මිල්න් 26/5, බෙන් ලිස්ටර් 26/2, හෙන්රි හිප්ලේ 25/1, රෂින් රවීන්ද්‍ර 24/1ථ ජේම්ස් නීෂම් 20/1)

නවසීලන්තය පන්දුවාර 14.4 කදී කඩුල්ලක් දැවී ලකුණු 146 යි – (ටිම් සීෆර්ට් 79, ටොම් ලේතම් 20*, චැඩ් බෝව්ස් 31, කසුන් රිත 25/1)

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

LKR Sri Lankan rupee