slc
logo
Home   |    News
මැයි 11, 2023
අවුරුදු 23 න් පහළ කාන්තා ක්‍රිකට් – වැඩිම ලකුණු මහනුවර පිලේ සංසලාගෙන්

sinhala editor

ශ්‍රී ලංකා ක්‍රිකට් ආයතනයේ මෙහෙයවීමෙන් ක්‍රියාත්මක කාන්තා වසස අවුරුදු 23 න් පහළ ක්‍රිකට් තරගාවලියේ අද (11 දා) පැවැති තරග වලදී මහනුවර කණ්ඩායම විසින් ත්‍රිකුණාමල කණ්ඩායමට එරෙහිව ලකුණු 82 ක දැවැන්ත තරග ජයක් වාර්තා කළේය. මෙම ජයග්‍රහණය මහනුවර කණ්ඩායම මෙවර තරග වාරයේදී පිට පිටම වාර්තා කරන ලද තෙවැනි ජයග්‍රහණය ලෙසින් සනිටුහන් වෙමින් එම කාණ්ඩ‌යේ පෙරමුණ ගෙන සිටියි.

පල්ලකැලේ බන්ධනාගාර ක්‍රීඩාංගණයේ පැවැති මෙම තරගයේදී මහනුවර කණ්ඩායමේ සංසලා වනිගසේකර පන්දු 61 කදී හතරේ පහර 6 ක් ද සමඟින් නොදැවී ලකුණු 72 ක් ලබා ගැනීමත් සමඟ එය මෙම තරග වාරයේ පිතිකාරිණියක් රැස් කරන ලද ඉහළම පෞද්ගලික ලකුණු සංඛ්‍යාව ලෙසින් සටහන් විය. මීට පෙර ඉනිමක වැඩිම ලකුණු ලාභීණිය බවට පත්වූයේ ගාල්ල කණ්ඩායමේ සංජනා කාවින්දි රැස් කරන ලද ලකුණු 52 විය.

පන්දුවට පහර දීමේදී මහනුවර කණ්ඩාමේ ආරම්භක පිතිකාරිණියන් දෙදෙනාම මුලු ලකුණු සංඛ්‍යාව 29 ක් තිබියදී දැවී ගිය අතර අනතුරුව පිටියට එක් වුණු සංසලා වනිගසේකර සහ තරූෂා තත්සරණි (26) තෙවැනි කඩුල්ල වෙනුවෙන් පන්දු 107 කදී නොබිඳුණු ලකුණු 101 ක සම්බන්ධතාවක් පවත්වමින් කැන්ඩි පිල ජය මාවත වෙත රැගෙන යෑමට මුල් වූහ.

පිතෙන් එසේ දස්කම් දක්වද්දී පන්දු යැවීමෙන් කැපී පෙනුණු නිමේෂිකා සෙනෙවිරත්න ලකුණු 11 ක් ඇතුළත කඩුලු 5 ක් දවා ගත්තාය. ඇයගේ පන්දු යැවීම මෙවර තරග වාරයේ තෙවැනි හොදම පන්දු යැවීම ලෙසින් සටහන් විය. පන්දුවාර 3.1 ක් යැවූ නිමේෂිකා ලකුණු 11 කට කඩුලු 5 ක් දවා ගත්තාය.

ඒ හැරුණු විට අද පෑවති සෙසු තරග වලදී කලුතර කණ්ඩායමට එරෙහිව කොළම දකුණු කණ්ඩායම කඩුලු 6 ක ජයක් වාර්තා කරද්දී කොළඹ උතුරු සහ ගම්පහ අතර තරගය වර්ෂාව හේතුවෙන් ප්‍රතිඵල රහිත විය.

මහනුවර පිලට ලකුණු 82 ක ජයක්

මහනුවර කාන්තා කණ්ඩායම පන්දුවාර 20 කදී කඩුලු 2 ට ලකුණු 130 යි – (සංසලා වනිගසේකර 72, තරුෂි තත්සරණි 26)

ත්‍රිකුණාමල කාන්තා කණ්ඩායම පන්දුවාර 14.1 කදී සියලු දෙනා දැවී ලකුණු 48 යි – (මිතලි අයෝද්‍යා 12, නිමේෂිකා සෙනෙවිරත්න 11/5, ශනිල්කා සත්‍යාංගනී 17/2)

 

කොළඹ දකුණට කඩුලු 6 ක ජයක්

කලුතර කාන්තා කණ්ඩායම පන්දුවාර 18 කදී කඩුලු 6 ට ලකුණු 98 යි – (ජනදි අනාලි 16, නවෝද්‍යා නෙත්මිනී 12, නිලූෂා ප්‍රනාන්දු 16, රෂිනි පෙරේරා 31, ඉමල්ෂි යසාරා 15/3)

කොළඹ දකුණ කාන්තා කණ්ඩායම පන්දුවාර 16 කදී කඩුලු 4 ට ලකුණ් 99 යි – (ශිකාරි ද සිල්වා 35, දෙව්නි ජයසිංහ 16, චුෂාදි කෞෂල්‍යා 29)

 

කොළඹ උතුර – ගම්පහ අතර තරගය ප්‍රතිඵල රහිතයි

කොළඹ උතුර කාන්තා පිල පන්දුවාර 20 කදී කඩුලු 6 ට ලකුණු 100 යි – (මනුදි නානායක්කාර 47, ශෂිනි අයේෂිකා 24, නිකේෂා විජේසේකර 06/3)

ගම්පහ කාන්තා පිල පන්දුවාර 1 ක් අවසනදී කිසිවකු නොදැවී ලකුණු 02 යි

 

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

LKR Sri Lankan rupee