slc
logo
Home   |    News
මැයි 3, 2023
දක්ෂතම ක්‍රීඩකයාගේ නිර්දේශිතයන් අතරට ජයසූරියගේ නමත්

sinhala editor

ජාත්‍යන්තර ක්‍රිකට් කවුන්සිලය විසින් අප්‍රේල් මසට අදාළව නම් කරනු ලබන මාසයේ ක්‍රිකට් ක්‍රීඩකයා සම්මානය සදහා නිර්දේශිත නම් අතර ශ්‍රී ලංකා කණ්ඩායමේ වමත් දඟ පන්දු යවන ප්‍රභාත් ජයසූරියගේ නමද ඇතුළත්ව තිබේ.

අන්තර්ජාතික තරග වලදී විශේෂ දක්ෂතා දක්වනු ලබන ක්‍රීඩකයින් වෙනුවෙන් සෑම මාසයකදීම ජාත්‍යන්තර ක්‍රිකට් කවුන්සිලය විසින් පිරිනමනු ලබන මාසයේ දක්ෂතම ක්‍රීඩකයා සම්මානය සඳහා ජයසූරියට අමතරව පාකිස්තානු පිතිකරු ෆකාර් සමාන් සහ නවසීලන්ත පිතිකරු මාක් කැම්ප්මන් ද ඇතුළත්ව සිටිති.

නිමාවට පත් වුණු අප්‍රේල් මාසයේදී අයර්ලන්ත පිලට එරෙහිව පැවැති තරග 2 කින් සමන්විත ටෙස්ට් තරගාවලියේ තරග 2 ටම ක්‍රීඩා කළ ජයසූරිය කඩුලු 17 ක් බිඳ හෙළමින් තරගාවලියේ වැඩිම කඩුලු ලාභියා බවට පත්වූවේය. දෙවැනි ටෙස්ට් තරගයේ වීරයා සම්මානයෙන්ද පිදුම් ලද වමත් දඟ පන්දු යවන්නා එම තරගයේදී ලෝක වාර්තාවකටද හිමිකම් කීය.

අයර්ලන්ත පිලේ උප නායක පෝල් ස්ටර්ලිංග්ගේ කඩුල්ල දවා ගත් ජයසූරිය, අඩුම ටෙස්ට් තරග සංඛ්‍යාවාකදී කඩුලු 50 සීමාව වේගයෙන්ම ඉක්මවාලූ දඟ පන්දු යවන්නාගේ ලෝක වාර්තාවද සියතට ගැනීමට සමත්විය. ඔහු එම දක්ෂතාව දක්වන ලද්දේ තමන් ක්‍රීඩා කරන ලද 7 වැනි ටෙස්ට් තරගයේදීය. ඊට අමතරව ඔහු ලොව දෙවැනියට වේගයෙන්ම ටෙස්ට් කඩුලු 50 ක් දවා ගත් පන්දු යවන්නන් වන වර්නන් පිලෙන්දර් සහ ටොම් රිචර්ඩ්සන් සමඟ ද සම තැන් ගත්තේ ශ්‍රී ලංකාවේ එවැනි දස්කමක් දක්වන වේගත්ම පන්දු යවන්නා බවටද පත් වෙමිනි.

ප්‍රභාත් අදාළ සම්මානය සඳහා නිර්දේශ වූ පළමු අවස්ථාව මෙය නොවන අතර මීට පෙර එනම් 2022 වසරේදී ඔස්ට්‍රේලියාවට සහ පාකිස්තානයට එරෙහිව පැවැති තරග වලදී දක්වන ලද දක්ෂතා මත ජූලි මාසයේ දක්ෂතම ක්‍රිකට් ක්‍රීඩකයාට හිමි සම්මානය දිනා ගැනීමටද සමත්විය. එම මසදී ඔහු ටෙස්ට් තරග 3 කදී කඩුලු 29 ක් දවා ගනිමින් ශ්‍රී ලංකා ජයග්‍රහණය සඳහා කැපී පෙනෙන දායකත්වයක් දැක්වූවේය.

Active filters

Recent Posts

  • ශ්‍රී ලංකා – බංග්ලාදේශ විස්සයි 20 තරග සඳුදා සිට
    ශ්‍රී ලංකා විස්සයි 20 ක්‍රිකට් කණ්ඩායමේ මෙවර බංග්ලාදේශ ක්‍රිකට් සංචාරයේ ප්‍රථම තරගය සඳුදා (04) සවස 5.30ට බංග්ලාදේශයේ සිල්හට් ජාත්‍යන්තර ක්‍රිකට් ක්‍රීඩාංගණයේදී ඇරැඹේ. මේ කණ්ඩායම් දෙකේම පසුගිය මාස කිහිපයේදී […]
  • මහනුවරට හා ගාල්ලට ජය | මිනෝද් භානුකගෙන් ශතකයක්
    මහනුවරට හා ගාල්ලට ජය මිනෝද් භානුකගෙන් ශතකයක් ශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය එක්දින ක්‍රිකට් තරගාවලිය වන නැෂනල් සුපර් ලීග් (NSL) තරගාවලියේ අද පැවැති කොළඹ […]
  • සුපර් ලීග් එක්දින තරග දෙකකදී ලකුණු 1243ක්
    ශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය එක්දින ක්‍රිකට් තරගාවලිය වන නැෂනල් සුපර් ලීග් (NSL) තරගාවලියේ ඊයේ පැවැති යාපනය හා මහනුවර පළාත් කණ්ඩායම් අතර තරගයෙන් කඩුලු […]
  • සුපර් ලීග් එක්දින තරගාවලියේ මහනුවරට හා කොළඹට ජය
    Iශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය එක්දින ක්‍රිකට් තරගාවලිය වන නැෂනල් සුපර් ලීග් (NSL) තරගාවලියේ අද පැවැති තරග දෙකේ ජය මහනුවර හා කොළඹ පළාත් කණ්ඩායම් […]
  • ඇෆ්ගනිස්තානයට සැනසිලි දායක තියුණු ජයක්
    තරග ජයග්‍රහණය කණ්ඩායම් දෙකටම දෝලනය වෙමින් පැවැති ශ්‍රී ලංකා – ඇෆ්ගනිස්තානය තෙවන සහ අවසාන විස්සයි 20 තරගයේ අවසාන ඕවරයේදී ලංකා කණ්ඩායමට ජයග්‍රහණයට ලකුණු 19ක් අවශ්‍ය තිබුණත් උණුසුම් මුහුණුවරකින් […]
LKR Sri Lankan rupee

Pin It on Pinterest