slc
logo
Home   |    News
මැයි 28, 2023
මහනුවර 2, පුත්තලම සහ කුරුණෑගල විශිෂ්ඨ ජයග්‍රහණ වාර්තා කරති

sinhala editor

වයස අවුරුදු 19 න් පහළ අන්තර් දිස්ත්‍රික් ක්‍රිකට් තරගාවලියේ අද (28 වැනිදා)පැවැති තරග වලදී පුත්තලම සහ මහනුවර කලාප 2 කණ්ඩායම් කුණු 200 කට වැඩි පරතරයකින් යුක්තව ජයග්‍රහණය කිරීමට සමත්වූහ.මෙහිදී අනුරාධපුරට එරෙහිව පැවැති තරගයේදී පුත්තලම් කණ්ඩායම ලකුණු 264 ක ජයක් ද කෑගල්ල පිලට එරෙහිව මහනුවර කලාප 2 කණ්ඩායම ලකුණු 229 ක ජයක්ද වාර්තා කළහ. මීට අමතරව අද පැවැති අනෙක් තරගය වූ පොලොන්නරු පිලට එරෙහිව පැවැති තරගයෙන් කඩුලු 9 ක විශිෂ්ඨ ජයක් වාර්තා කිරීමට  කුරුණෑගල කලාප 2 කණ්ඩායම සමත්විය.

පෞද්ගලික දක්ෂතා අතර පුත්තලම් කණ්ඩාමේ විශ්ව රාජපක්ෂ ශතකයක් (138) ක් වාර්තා කරද්දී කුරුණෑගල කණ්ඩායමේ පසිඳු මේනක (74) සහ අමේෂ් තෙන්නකෝන් (77) ඉනිම අත්හිටුවා සෙසු පිතිකරුවන්ට පන්දුවට පහර දීමට අවස්ථාව ලබා දෙමින් පිටියෙන් ඉවත්වූහ.

ශතක ලාභී විශ්ව රාජපක්ෂ පන්දු 87 කට මුහුණ දෙමින් ඊට හයේ පහර 9 ක් සහ හතරේ පහර 11 ක් එල්ල කළේය. මීට අමතරව පසු පෙළින් පැමිණි මෙනූෂ පෙරේරා පන්දු 29 කදී හයේ පහර 2 ක් සහ හතරේ පහර 6 ක් සමග ලලකුණු 58 ක් රැස් කරමින් කණ්ඩායමේ ලකුණු ලබා ගැනීමේ වේගවත් ‌කළේය. මෙම දක්ෂතා ප්‍රධාන කොට පන්දුවාර 49.4 කදී ලකුණු 368 ක දැවැන්ත ලකුණු සංඛ්‍යාවක් රැස් කිරීමට පුත්තලම් කණ්ඩායමට හැකියාව ලැබිණ.

මේ අතර මහනුවර කලාප 2 කණ්ඩායම රැස් කරන ලද ලකුණු 304 න් ලකුණු 41 ක්ම ප්‍රතිවාදී කෑගල්ල කණ්ඩායමෙන් ලැබුණු අතිරේක ලකුණු විය. එහිදී කඩුලු රකින්නා අතින් ලකුණු 15 ක් ගිලිහෙද්දී වයිඩ් පන්දු 22 ක්, පා ලකුණු 2 ක් සහ නිපන්දු 2 කින් ඉතිරි අතිරේක ලකුණු සමන්විත විය.

 පුත්තලමට ලකුණු 264 ක ජයක්

පුත්තලම කණ්ඩායම පන්දුවාර 49.4 කදී සියලු දෙනා දැවී ලකුණු 368 යි – (විශ්ව රාජපක්ෂ 138 මලීෂ නෙසිත 14, තිසර මදුශාන් 49, දසුන් පෙරේරා 25, චතුමල් නිමේෂ් 17, මෙනූෂ පෙරේරා 58, නිමේෂ් මදුශංක 18, යසොත් සංකලන 88/3, සිතිජ ගීත් 47/2, තිලින චන්දීප 49/2)

අනුරාධපුර පන්දුවාර 20.5 කදී සියලු දෙනා දැවී ලකුණු 104 යි – (තීක්ෂණ වීරසිංහ 13, සඳුන් රත්නායක 46, තිලින චන්දීප 11, යසොත් සංකලන 13, සුහද ප්‍රනාන්දු 16/2, චතුමල් නිමේෂ් 28/4)

 

මහනුවර කලාප 2 පිලට ලකුණු 229 ක ජයක්

මහනුවර කලාප 2 පන්දුවාර 50 කදී කඩුලු 6 ක් දැවී ලකුණු 304 යි – (කවිදු ෂෙහාන් 33, දිනෙත් අබේසේකර 72, මොහොමඩ් අකිල් 10, ඉඳුවර ගලපිටගේ 29, තිසර ඒකනායක 26, රයන් අන්තෝනියස් 20, නිම්නද සොයිසා 50*, තරිදු කපුකොටුව 23*, චමෝද් භානුක 35/2, තනුජ සම්පත් 18/2)

කෑගල්ල පන්දුවාර 19.5 කදී සියලු දෙනා දැවී ලකුණු 75 යි – (දෙනුවන් මෙත්සර 13, තනුජ සම්පත් 19, කවීෂ පියුමාල් 24/5, නිම්නද සොයිසා 11/2, තිසර ඒකනායක 22/2)

 

කුරුණෑගල කලාප 2 ට කඩුලු 9 ක ජයක්

පොලොාන්නරුව පන්දුවාර 50 කදී කඩුලු 7 ට ලකුණු 228 යි – (ජිනජිත් දුල්මික 93, සසිඳු රශ්මික 10, කලන දුල්ශිත 28, මතීෂ යෙහෙනිත් 17ල මදුරංග ජයලත් 25, සොනාල් අශ්වින් 35, ගයන වීරසිංහ 29/2, දිමත් අබේසිංහ 26/3)

කුරුණෑගල කලාප 2 පන්දවාර 35.1 කදී කඩුල්ලක් දැවී ලකුනු 230 යි – (පසිඳු මේනක 74, අමේෂ් තෙන්නකෝන් 77, ගයන වීරසිංහ 34*, තිවංක පබසර 14)

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

USD United States (US) dollar