ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අවුරුදු 19 න් පහළ දිස්ත්‍රික් ක්‍රිකට් තරගාවලියේදී කිලිනොච්චි මුලතිව් කණ්ඩායම  ලකුණු 34 කට සීමා කිරීමට මාතලේ දිස්ත්‍රික් කණ්ඩායම සමත්ව තිබේ. එම ඉලක්කය හඹා යෑමේදී පන්දුවාර 3.4 ක් පමණක් මාතලේ කන්ඩායම වැය කළේ කඩුලු 9 ක ජයක් වාර්තා කරමිනි.

මැයි 27 වැනි දින පැවැති මෙම තරග අතුරින් මන්නරම සහ යාපනය අතර තරගයේදී යාපනය දිස්තික් පිතිකරු නිසාන්තන් අජේ නොදැවී ලකුණු 103 ක් වාර්තා කරගැනීමට සමත්විය. පන්දු 46 කට මුහුණ දුන් අජේ සිය ඉනිම සදහා හතරේ පහර 11 ක් සහ හයේ පහර 5 ක් එල්ල කර තිබුණි. මෙම ශතකයේ ඇති විශේෂත්වය වූයේ නිසාන්තන් අජේ එම ලකුණු 103 රැස් කරන ලද්දේ ලකුණු 128 ක් තරම් අඩු ඉලක්කයක් යාපනය කණ්ඩායම හමුවේ තිබියදී වේ.

පළමුව පන්දුවට පහර දුන් මන්නාරම් කණ්ඩායම පන්දුවාර 33.2 කදී ලකුණු 127 කට සියලු දෙනා දැවී ගිය අතර එය හඹා යෑමේදී ඉන් 103 ක්ම නිසාන්තන් අජේගේ පිත්තෙන් වාර්තා වීම කැපී පෙනෙයි. මුලතිව් කණ්ඩායම අඩු ලකුණු සංඛ්‍යාවකට දවා ගැනීම වෙනුවෙන් කවීෂ ලියනාරච්චි ලකුණු 06 ක් ඇතුළත කඩුලු 7 ක් දවා ගැනීමට සමත්වීමද කැපී පෙනුණි.

මීට අමතරව ගාල්ල කලාප 1 ට සහ මාතර කණ්ඩායම අතර පැවැති තරගයෙන් ගාල්ල පිල කඩුලු 4 ක ජයක් වාර්තා කළ අතර එහිදී මාතර කණ්ඩායම ලකුණු 132 කට සීමා කිරීම වෙනුවෙන් ගාල්ල නායකයා  පන්දු යවන්නන් 9 දෙනෙකුම භාවිතා කිරීම කැපී පෙනෙන සිදුවීමක් විය.

යාපනයට කඩුලු 9 ක ජයක්

මන්නාරම පන්දුවාර 33.2 කදී සියලු දෙනා දැවී ලකුණු 127 යි – එම්. ජේ. සජිත් 18, සී. අම්වරතන් 54, ජේ. එම්. අර්සන් 13, රජිත් කුමාර් 33/4, කුගතස් මතුලන් 24/2, කුමානතාසන් සරුෂාන් 20/2)

යාපනය පන්දුවාර 12.4 කදී කඩුල්ලක් දැවී ලකුණු 133 යි – (නිසාන්තන් අජේ 103*, එස්. අනුශාන්ත් 16)

මාතලේට කඩුලු 9 ක ජයක්

මුලතිව් පන්දුවාර 14.2 කදී සියලු දෙනා දැවී ලකුණු 34 යි – (කවීෂ ලියනාරච්චි 06/7, පවීන් ප්‍රභාකරන් 13/2)

මාතලේ පන්දුවාර 3.4 කදී කඩුල්ලක් දැවී ලකුණු 35 යි – (මතීෂ රශ්මික 21*)

ගාල්ල කලාප 1 ට කඩුලු 4 ක ජයක්  (පන්දු යවන්නන් 9 දනෛක් භාවිතා කළා)

මාතර පන්දුවාර 37.4 කදී සියලු දෙනා දැවී ලකුණු 132 යි – (මිතිල චාල්ස් 32, සසිනු බට්ටගේ 12, දිනිරු අබේවික්‍රමසිංහ 43, ඉඳුවර උදේන 19/3, තරූෂ ඩිල්ෂාන් 35/3)

ගාල්ල කලාප 1 පන්දුවාර 23.2 කදී කඩුලු 6 ක් දැවී ලකුණු 135 යි – (චාර්ය පරණවිතාන 18, ප්‍රමේෂ් මදුභාෂණ 33, ධනුජ ඉඳුවර 35, හිරුණ මන්දිල 13ල භාෂණ ද සිල්වා 11*, චිරාන් නේතෲ 15/3, චතුම් කුලසේකර 25/2)

කුරුණෑගල කලාප 1 ට කඩුලු 9 ක ජයක්

කිලිනොච්චි පන්දුවාර 28.1 කදී සියලු දෙනා දැවී ලකුණු 55 යි – (කේ. රොබින්ෂන් 18 මනාන් මුසම්මිල් 14/4, තරිදු ඩිල්ෂාන් 16/2, කලිදු විජේසිංහ 04/2)

කුරුණෑගල පන්දුවාර 4.4 කදී එක් කඩුල්ලක් දැවී ලකුණු 56 යි – (බුද්ධිම සහන් 19, මහිම කොටුවිල 22*, පසිදු පලිපාන 14*)

ත්‍රිකුණාමලයට ලකුණ 120 ක ජයක්

ත්‍රිකුණාමලය පන්දුවාර 48.3 කදී සියලු දෙනා දැවී ලකුණු 266 යි – (මෙනුර ආකර්ෂණ 90, නුවන් චාන්සකුමාර 46, තරිඳු භාග්‍යවන්ත 15, උදේශ් කුමාරතුංග 28, පසිඳු බිම්සර 31*, රෝහිත් ශ්‍රීනාත් 19/7)

නුවරඑළිය පන්දුවාර 30.4 කදී සියලු දෙනා දැවී ලකුණු 146 යි – (ෂෝන් ප්‍රනාන්දු 20, තරූෂ දුලාන් 29, ඩිලන්ක සුසන්දික 28, විනයසනූර්ති සනියොන් 12, සේසත් තිලකරත්න 18, කවීන් කල්හාර 23/2, පසිදු ඩිල්ෂාන් 17.5)