slc
logo
Home   |    News
මැයි 26, 2023
2027 තෙක් ශ්‍රී ලංකා ක්‍රිකට් නිල ඇඳුම් සහකරු ‘Moose’

sinhala editor

ඉදිරි වසර 4 ක කාලය සදහා ශ්‍රී ලංකා ක්‍රිකට් ආයතනයේ නිල ඇඳුම් සහකරු ලෙස Moose Clothing සමාගම ශ්‍රී ලංකා ක්‍රිකට් ආයතනය සමඟ ගිවිසුම් ගතව සිටියි. අදාළ හවුල්කාරීත්වය යටතේ ජාත්‍යන්තර ක්‍රිකට් කවුන්සිලය, ආසියානු ක්‍රිකට් කවුන්සිලය විසින් පවත්වනු ලබන තරග ඇතුළුව ඉදිරියේදී පැවැත්වීමට සියලු තරග සඳහා ශ්‍රී ලංකා ජාතික ක්‍රිකට් කණ්ඩායමේ නිල ඇඳුම් සහකරුවා ලෙස Moose Clothing සමාගම කටයුතු කරනු ඇත.

දෙපාර්ශ්වය අතර සහයෝගීතාවය සනිටුහන් කිරීම වෙනුවෙන් වූ ශ්‍රී ලංකා කණ්ඩායම එක්දින  ටීෂර්ටය මැයි මස 25 වැනිදා කොළඹදී පවත්වන ලද විශේෂ උත්සවයකදී එළිදැක්වීමට පියවර ගැනුණි. මෙහිදී Moose Clothing සමාගමේ ප්‍රධාන විධායක නිලධාරී හසීබ් ඔමාර් මහතා විසින් ශ්‍රී ලංකා ක්‍රිකට් නායක දිමුත් කරුණාරත්න වෙත එම ටීෂර්ටය සංකේතාත්මක පිරිනමන ලදී. මෙම අවස්ථාවට ශ්‍රී ලංකා ක්‍රිකට් ආයතනයේ ගරු ලේකම් මොහාන් ද සිල්වා මහතා සහ ශ්‍රී ලංකා ක්‍රිකට් ප්‍රධාන විධායක නිලධාරී ඈෂ්ලී ද සිල්වා මහතාට අමතරව Moose Clothing සමාගම අලෙවි ප්‍රධානී කිත්මිණී ද සිල්වා සහ ශ්‍රී ලංකා කාන්තා පිලේ නායිකා චමරි අතපත්තුද එක්ව සිටියහ.

ඒ අනුව ලබන ජුනි මස 02 වැනිදා හම්බන්තොටදී පැවැත්වෙන ශ්‍රී ලංකාව සහ ඇෆ්ගනිස්තානය අතර තරගාවලියේදී සිට ශ්‍රී ලංකා කණ්ඩායම Moose Clothing සමාගම විසින් නිර්මාණය කරනු ලබන ඇඳුම් සමඟින් අවතීර්ණ වනු ඇත.

මෙම ගිවිසුගතවීම පිළිබඳව අදහස් දක්වා සිටි ශ්‍රී ලංකා ක්‍රිකට් ලේකම් මොහාන් ද සිල්වා මහතා, 2023 වසරේ සිට 2027 දක්වා වූ වසර 4 ක කාල සීමාව සදහා ශ්‍රී ලංකා ක්‍රිකට් ආයතනයේ නිල ඇඳුම් සහකරුවා ලෙස Moose Clothing සමාගම තෝරාගනු ලැබුවේ ලංසු තැබීමේ ක්‍රියාවලියකින් පසුව බවයි.

මෙම ටීෂර්ටය නිර්මාණය කිරීම සදහා යොදා ගෙන ඇති රෙදි වර්ගයද විශේෂිත එකකි. ක්‍රීඩකයාගේ කාර්යය සාධනය සහ චලනයන්  පහසු කිරීම සදහා සිදුකරන ලද පර්යේෂණයන් සහ විශ්ලේෂණයකින් පසු මෙම විශේෂිත රෙදි වර්ගය නිර්මාණය කර තිබෙන අතර එමගින් සමෙහි අභ්‍යන්තර තෙතමනය ඉවතට ගෙන බාහිර මතුපිට වඩාත් ඉක්මනින් වියළි තත්ත්වයට පත් කරනු ලබයි. අඛණ්ඩ වාෂ්පීකරණයයට අමතරව උණුසුම් සහ සීත කාලගුණ අවස්ථාවන් දෙකේදීම උෂ්ණත්වය නියාමනය ලෙස නිර්මාණය කර ඇත.

“මෙම හවුල්කාරීත්වයේ අරමුණ වන්නේ ශ්‍රී ලංකාවේ  ප්‍රධානතම ක්ෂේත්‍ර ද්විත්වයක් වන ඇඟලුම් කර්මානතය සහ ක්‍රිකට් ක්‍රීඩාව ඒකාබද්ධ කිරීමයි. ගෝලීය තලයේ වේදිකාවක Moose ඇඟලුම් වල දීප්තිමත් නිර්මාණශීලීත්වය දක්ෂතා සහ ශක්තීන් අතර ප්‍රදර්ශනය කිරීම වෙනුනේ මෙම හවුල්කාරීත්වය යොදා ගැනීමට අප බල‌ාපොරොත්තු වෙනවා”යි මේ පිළිබඳව අදහස් දක්වා සිටි Moose Clothing සමාගමේ ප්‍රධාන විධායක නිලධාරී හසීබ් ඔ්මාර් මහතා සඳහන් කර සිටියේය.

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

LKR Sri Lankan rupee