slc
logo
Home   |    News
ජූලි 11, 2023
ඕෂධ ශතකයක් ලබද්දී සෙසු පිතිකරුවෝ අසාර්ථක වෙති

sinhala editor

ටෙස්ට් තරග දෙකකට සහභාගිවීම සඳහා ශ්‍රී ලංකාවට පැමිණ සිටින පාකිස්තානු ක්‍රිකට් කණ්ඩායමට හිමි එකම දෙදින පුහුණු තරගයේ පළමු දිනයේදී ශ්‍රී ලංකා ක්‍රිකට් සභාපතිවරයාගේ කණ්ඩායමට එරෙහිව ප්‍රභල අභියෝගයක් ලබා දීමට පාකිස්තානු ක්‍රීඩකයෝ සමත්වූහ.

හම්බන්තොට මහින්ද රාජපක්ෂ ක්‍රීඩාංගණයේ අද (11 දා) ආරම්භ වුණු මෙම පුහුණු තරගයේදී පළමුව පන්දුවට පහර දුන් ශ්‍රී ලංකා ක්‍රිකට් සභාපතිවරයාගේ කණඩායමේ පළමු ඉනිම ලකුණු 196 කට සීමා කිරීමට සංචාරක  පන්දු යවන්නෝ සමත්වූහ.

පන්දුවාර 46.3 කදී ශ්‍රී ලංකා ඉනිම නිමා කිරීමත් සමඟ පිළිතුරු ඉනිම ආරම්භ කළ පාකිස්තානු පිතිකරුවෝ අඳුරු කාලගුණය නිසා පන්දුවාර 8 ක් යැවීමට තිබියදී තරගය නිමා කරන විට කඩුලු 3 ක් දැවී ලකුණු 160 ක් රැස් කර ගැනීමට සමත්ව සිටියි.

පාකිස්තානු කණ්ඩායම වෙනුවෙන් නායක බාබර් අසාම් ලකුණු 13 ක් සහ සෞද් ශකීල් ලකුණු නොලබා කඩුල්ලේ රැදී සිටිති. දිනයේ ප්‍රවේගකාරී ඉනිමක් දියත් කළ ශාන් මසූඩ් පන්දු 67 කදී වේගවත් ලකුනු 83 ක් ලබා ගන්නා ලද්දේ හයේ පහර 3 ක් සහ හතරේ පහර 9 ක් තම ඉනිමට ඇතුළත කරමිනි.

ඔහුට අමතරව ඉනිම ආරම්භ කළ අබ්දුල්ලා ශෆීක් ලකුණු 25 ක් සහ ඉමාම් උල් හක් ලකුණු 36 ක් ලබා ගත්හ. දැවී ගිය කඩුලු 3 න් 2 ක් පිට දඟ පන්දු යවන ලක්සිත මනසිංහ විසින් දවා ගනු ලැබීය.

ශ්‍රී ලංකා ක්‍රිකට් සභාපතිවරයාගේ කණ්ඩායමෙන් වාර්තා වුණු එකම සුභදායී සිදුවීම වූයේ ටෙස්ට් පිතිකරු ඕෂධ ප්‍රනාන්දු අගනා ශතකයක් ලබා ගැනීම විය. පන්දු 127 කදී වාර්තා වුණු ඕෂධගේ ලකුණු 113 ක ඉනිම සඳහා හතරේ පහර 18 ක් ඇතුළත් කර තිබුණි. සෙසු පිතිකරුවන්ගෙන් කණ්ඩායමට සිදුවිය යුතු සේවය නොලැබීම නිසා ක්‍රිකට් සභාපතිවරයාගේ කණ්ඩායම ලකුණු 200 කට අඩුවෙන් හෙවත් ලකුණු 196 දී නිමාවට පත්විය.

කාසියේ වාසියත් සමඟ පළමුව පන්දුවට පහර දුන් කමිඳු මෙන්ඩිස් ප්‍රමුඛ ශ්‍රී ලංකා ක්‍රිකට් සභාපතිගේ කණ්ඩායමට යහපත් ආරම්භයක් ලබා ගැනීමට පාකිස්තානු පන්දු යවන්නෝ අවස්ථාව සලසා නොදුන්හ. තමන් යවන ලද පළමු පන්දුවෙන්ම සඳුන් වීරක්කොඩි දවා ගනිමින් සාර්ථක ආරම්භයක් ලබා දීමට හසන් අලී සමත්වූවේය. ශ්‍රී ලංකා ක්‍රිකට් සභාපතිවරයාගේ කණ්ඩායම වෙනුවෙන් ලකුණු ලබා ගැනීමට පෙර දැවී ගිය දෙවැනි පිතිකරුවා වූයේ නිරෝෂන් දික්වැල්ලය. ඔහුද හසන් අලීගේ ගොදුරුක් ලෙසින් පිටියෙන් ඉවත්විය.

ශ්‍රී ලංකා ඉනිම අහවර වන විට හසන් අලී සහ ශහීන් අෆ්රිඩි කඩුලු 3 බැගින් බිඳ හෙළද්දී අබ්රාර් අහමඩ් සහ අාමර් ජමාල් කඩුලු 2 බැගින් බිඳ හෙළූහ. හෙට තරගයේ දෙවැනි සහ අවසන් දිනයයි.

ශ්‍රී ලංකා ක්‍රිකට් සභාපතිවරයාගේ කණ්ඩායම පන්දුවාර 46.3 කදී සියලු දෙනා දැවී ලකුණු 196 යි – (ඕෂධ ප්‍රනාන්දු 113, සඳුන් වීරක්කොඩි 0, නුවනිඳු ප්‍රනාන්දු 5, කමිදු මෙන්ඩිස් 21, නිරෝෂන් දික්වැල්ල 0, නිපුන් ධනංජය 14, අහන් වික්‍රමසිංහ 2, ලක්ෂිත මනසිංහ 10, කවිශ්ක අංජුල 2, මිලාන් රත්නායක 15, ප්‍රවීන් ජයවික්‍රම 1*, ශහීන් අෆ්රිඩි 37/3, හසන් අලී 22/3, අබ්රාර් අහමඩ් 52/2, ආමර් ජමාල් 33/2)

පාකිස්තානය පන්දුවාර 37 කදී කඩුලු 3 ට ලකුණු 160 යි – (අබ්දුල්ලා ශෆික් 25, ඉමාම් උල් හක් 36, ශාන් මසූඩ් 83, බාබර් අසාම් 14*, සෞද් ශකීල් 0, ලක්ෂිත මනසිංහ 39/2, කවිශ්ක අංජුල 27/1)

Active filters

Recent Posts

  • වැස්සෙන් සිදුවන බාධා මැද තරග තුනක් ඇරැඹෙයි
    ශ්‍රී ලංකා ක්‍රිකට් ආයතනයේ සංවිධානයෙන් පැවැත්වෙන අන්තර් සමාජ ප්‍රධානතම තුන් දින ලීග් ක්‍රිකට් තරගාවලියේ මේ සති අන්තයේ පැවැත්වෙන තරග අතුරින් තරග තුනක් හැර අනෙක් තරග සියල්ලම වර්ෂාව හේතුවෙන් ආරම්භ […]
  • ආසියානු ක්‍රීඩා තරගාවලියට ශ්‍රී ලංකා පිල පිටත්ව යයි
    19 වැනි වතාවට චීනයේ පැවැත්වෙන ආසියානු ක්‍රීඩා තරගාවලියේ පිරිමි ක්‍රිකට් තරග ඉස්සවට සහභාගිවන ශ්‍රී ලංකා කණ්ඩායම සැප්තැම්බර් මස 30 වැනිදා චීනය බලා පිටත්ව ගියේය. ශ්‍රී ලංකා ක්‍රිකට් ආයතන […]
  • රිදී පදක්කම් දිනූ කාන්තාවෝ මව්බිමට එති
    චීනයේ හංජෝ නුවර පැවැති ආසියානු ක්‍රීඩා තරගාවලියේ කාන්තා ක්‍රිකට් තරග ඉසව්වේ රිදී පදක්කම දිනාගැනීමට හැකිවීම පිළිබඳව තමන් ඇතුළු කණ්ඩායම දැඩි සතුටට පත්ව සිටින බව ශ්‍රී ලංකා කාන්තා කණ්ඩායමේ […]
  • වැස්සට සේදුණු දිනයේදී තිලකරත්න සම්පත්ගෙන් අර්ධ ශතකයක්
    ශ්‍රී ලංකා ක්‍රිකට් ආයතනයේ සංවිධානයෙන් පැවැත්වෙන අන්තර් සමාජ ප්‍රධානතම තුන් දින ලීග් ක්‍රිකට් තරගාවලියේ මේ සතියේදී පැවැත්වීමට නියමිතව තිබූ තරග අටෙන් නුගේගොඩ ක්‍රීඩා, සුබ සාධක සමාජය හා කෝල්ට් අතර […]
  • පළමු පුහුණු තරගයේදී බංග්ලාදේශයට කඩුලු 7ක ජයක්
    තවත් දින කිහිපයකින් ආරම්භ වන ලෝක කුසලාන ක්‍රිකට් තරගාවලියේ පෙරහුරු තරගමාලාව ආරම්භ කරමින් ශ්‍රී ලංකාව හා බංග්ලාදේශය අතර පැවැති එක්දින පුහුණු තරගයේදී බංග්ලාදේශ පිල කඩුලු 7ක ජයක් වාර්තා […]
LKR Sri Lankan rupee

Pin It on Pinterest