නිල නොවන එක්දින සහ ටෙස්ට් තරගාවලියකට සහභාගිවීම සඳහා බටහිර ඉන්දීය කොදෙව් වයස අවුරුදු 19 න් පහළ කණ්ඩායම මෙම මසදී ශ්‍රී ලංකාවට පැමිණීමට නියමිතය. ශ්‍රී ලංකා වයස අවුරුදු 19 න් පහළට පිලට එරෙහිව පැවැත්වෙන මෙම තරගාවලියට නිල නොවන එක්දින තරග 3 ක් සහ නිල නොවන සිව්දින තරග 2 ක් ඇතුළත් වේ.

ලබන 25 වැනිදා කොළඹ සී. සී. සී. පිටියේ පැවැත්වෙන පුහුණු තරගයෙන් අනතුරුව ලබන 27 වැනිදා දෙරට අතර එක්දින දඹුලු අන්තර්ජාතික ක්‍රීඩාංගණයේදී ආරම්භ වේ. මෙම තරගාවලියේ සියලුම තරග රංගිරි දඹුලු ක්‍රීඩාංගණයේදී පැවැත්වීම විශේෂත්වයක් වේ.

තරග 2 කින් සමන්විත ටෙස්ට් තරගාවලිය ලබන සැප්තැම්බර් මස 05 වැනිදා සිට 08 වැනිදා දක්වාත් දෙවැනි තරගය 12 වැනිදා සිට 15 වැනිදා දක්වාත් පැවැත්වෙනු ඇත.