slc
logo
Home   |    News
අගෝස්තු 24, 2023
කොළඹ උතුර පිට පිටම දෙවැනි ජය ලබයි

sinhala editor

ශ්‍රී ලංකා ක්‍රිකට් ආයතනය සංවිධානය කරන වයස අවුරුදු 17න් පහළ යූත් ලීග් ක්‍රිකට් තරගාවලියේ පිට පිට දෙවැනි ජයග්‍රහණය වාර්තා කිරීමට කොළඹ උතුරු කණ්ඩායම සමත් විය. කොළඹ සීසීසී ක්‍රීඩා පිටියේ ඊයේ (22) පැවැති කොළඹ උතුරු 17න් පහළ කණ්ඩායම හා මහනුවර 17න් පහළ කණ්ඩායම අතර තරගයේදී කොළඹ උතුරට ලකුණු 17ක ජයක් අත්විය. මෙයට පෙර කොළඹ උතුරු පිල වෙතින් කොළඹ දකුණු පිල කඩුලු 8කින් පරාජය විය.මේ හේතුවෙන් අවුරුදු 17න් පහළ යොවුන් ක්‍රිකට් ලීගයේ ප්‍රසාද ලකුණු සටහනේ ලකුණු 5ක් ගෙන පෙරමුණේ පසුවීමට කොළඹ උතුරු පිලට හැකියාව ලැබී තිබේ. කොළඹ උතුරු 17න් පහළ කණ්ඩායම හා මහනුවර 17න් පහළ කණ්ඩායම අතර තරගයේ කාසියේ වාසිය මහනුවර පිල දිනා මුලින් පන්දුවට පහරදීමට කොළඹ උතුරු පිලට ආරාධණා කළේය.ඒ අනුව කොළඹ උතුරු පිල ඕවර් 40.1කදී සියලු දෙනා දැවී ලකුණු 138ක් ලබාගත් අතර, පිළිතුරු ඉනිම හඹා ගිය මහනුවර 17න් පහළ ක්‍රීඩකයෝ ඕවර් 39.2කදී ලකුණු 121කට දැවී ගියහ. මහනුවර 17න් පහළ බලාපොරොත්තු සුන් කළ කොළඹ උතුරු පිලේ දුල්නිත් සිගේරා ලකුණු 12කට කඩුලු 2ක් හා යෙනුල දෙව්සිත ලකුණු 8කට කඩුලු 2ක් බිදහෙලූහ. එමෙනක්ම තරූෂ දිල්සර හා සෙතුර ප්‍රනාන්දු කඩුලු 2 බැගින් බිදහෙලා ගත්හ.කොළඹ උතුරු පිල විශාල ලකුණු ගණනකට යෑම වලක්වාලමින් දසුන් වැලිඅංග ලකුණු 20කට කඩුලු 4ක් හා ජයවි ලියනගම ලකුණු 11කට කඩුලු 3ක් බිදහෙලා දස්කම් දැක්වීය.

මේ අතර කොළඹ දකුණ 17න් පහළ පිල හා දඹුල්ල 17න් පහළ පිල අතර කොළඹ එස්එස්සී ක්‍රීඩාංගණයේ පැවැති තරගයෙන් කොළඹ දකුණට ලකුණු 10ක සියුම් ජයක් අත්විය.කාසියේ වාසිය දිනාගත් දඹුල්ල 17න් පහළ පිල මුලින් පන්දුවට පහරදීමට කොළඹ දකුණු ක්‍රීඩකයින්ට ආරාධනා කළ බැවින් ලකුණු 147ක් වාර්තා වූ අතර පිළිතුරු ඉනිම හඹාගිය දඹුල්ල ක්‍රීඩකායෝ ලකුණු 136කට දැවී ගියහ.කොළඹ උතුරු පිල ලකුණු 140යි (ඕවර් 40.1) – තනූජ රාජපක්ෂ 20, දෙනුර දම්සිත් 12, සමිනුදු මධුරංග 28, රිහ්ම අමරසිංහ 13, යෙනුල දෙව්තුස 11, තනුග පළිහවඩන 24, අතිරේක 21 (දසුන් වැලිඅංග 20/4, ජයවි ලියනගම 11/3)මහනුවර 17න් පහළ පිල ලකුණු 121යි (ඕවර් 39.2)ජනුක රත්නායක 13, ඉසුරු පන්නල 15, ලක්වින් අඹේසිංහ 25, අහමඩ් නහයම් 19, චාරුක ඒකනායක 12, අතිරේක 18 (දුල්නිත් සිගේරා 12/2,යෙනුල දෙව්සිත 8/2, තරූෂ දිල්සර 27/2, සෙතුර ප්‍රනාන්දු 27/2)කොළඹ දකුණට ලකුණු 10 ජයක්

කොළඹ දකුණ 17න් පහළ පිල ලකුණු 147යි (ඕවර් 40.1) –  රිවිත් ජයසූරිය 11, දුරන්ක සිලග්වා 41, දිනෙත් සිතුමිණ 10, රමිරු පෙරේරා 19, දෙනෙත් ප්‍රියංග 12, කවිඳු ඩයස් 10, අතිරේක 22 ( ජෙ. ආර්. නිව්ටන් 34/2, ගීත්ක ද සිල්වා 30/4, දිමත් අඹේසිංහ 29/2, යස්මින් ජයසුන්දර 6/2)දඹුල්ල 17න් පහළ පිල ලකුණු 137යි (ඕවර් 36.1) – බුද්දිම සහන් 45, පන්සිළු රනසිංහ 16, පබසර දිසානායක 19, යස්මින් ජයසුන්දර නොදැවී 17, අතිරේක 21 ( රනුක මලවිආරච්චි 17/5, රෂාන් නවරංජන 30/3)

Active filters

Recent Posts

  • පාර්ලිමේන්තු මන්ත්‍රී හේෂාගේ චෝදනාවට ශ්‍රී ලංකා ක්‍රිකට් වෙතින් පිළිතුරු
    එවකට පොලිස්පතිවරයා ලෙසින් කටයුතු කළ දේශබන්දු තෙන්නකෝන් මහතාට ශ්‍රී ලංකා ක්‍රිකට් ආයතනය විසින් වැටුප් ඇතුළු තවත් වරප්‍රසාද ලබා දුන්නේ යැයි විසර්ජන පනත් කෙටුම්පත් පිළිබඳ පාර්ලිමේන්තු විවාදයේදී මන්ත්‍රී හේෂා විතානගේ […]
  • ශ්‍රී ලංකා ක්‍රීඩිකාවෝ ශ්‍රේණිගත කිරීම්හි ඉදිරියට
    ශ්‍රී ලංකාව සහ නවසීලන්ත කාන්තා කණ්ඩායම් අතර ඩනේඩින්හි පැවැති තෙවැනි පන්දුවාර විස්සයි-20 තරගයට අයහපත් කාලගුණය හරස්වීම නිසා තරගාවලි ජයග්‍රාහකයින් තීරණය කිරීමට නොහැකි වුවද එතෙක් පැවැති තරග වලදී දක්වන ලද දක්ෂතා […]
  • විස්සයි-20 තරගාවලිය සමශූරතා හිමිකරදෙමින් නිමවෙයි
    සංචාරක ශ්‍රී ලංකා කාන්තා ක්‍රිකට් කණ්ඩායම සහ නවසීලන්ත කාන්තා කණ්ඩායම අදර අද (18 දා) ඩනෙඩන් නුවරදී පැවැති තෙවැනි පන්දුවාර විස්සයි-20 ක්‍රිකට් තරගය වර්ෂාව හේතුවෙන් ප්‍රතිඵල රහිතව අතහැර දැමීමට […]
  • ගාල්ල – මහනුවර තරගය ජය පැරදුමින් තොරයි
    ශ්‍රී ලංකා ක්‍රිකට් ආයතනයේ මෙහෙයවීමෙන් තෙවැනි වතාවටත් ක්‍රියාත්මක ශ්‍රී ලංකාවේ ප්‍රධානතම සිව්දින ක්‍රිකට් තරගාවලිය වන නැෂනල් සුපර් ලිග් (NSL) තරගාවලියේ ගාල්ල හා මහනුවර අතර තරගය ජය පරාජයෙන් තොරව […]
  • කොළඹ පිලට ලකුණු 87ක ජයක්
    ශ්‍රී ලංකා ක්‍රිකට් ආයතනයේ මෙහෙයවීමෙන් තෙවැනි වතාවටත් ක්‍රියාත්මක ශ්‍රී ලංකාවේ ප්‍රධානතම සිව්දින ක්‍රිකට් තරගාවලිය වන නැෂනල් සුපර් ලිග් (NSL) තරගාවලියේ කොළඹ – යාපනය අතර තරගයෙන් කොළඹ පිලට ලකුණු […]

Pin It on Pinterest

LKR Sri Lankan rupee