slc
logo
Home   |    News
ඔක්තෝබර් 3, 2023
දසුන් නැති තරගයේදී ශ්‍රී ලංකාව පන්දුවට  පහර දෙයි

sinhala editor

ලෝක කුසලාන ක්‍රිකට් තරගාවලියේ මූලික තරග වටයට පෙර ශ්‍රී ලංකා කණ්ඩායම සහභාගිවන දෙවැනි පෙරහුරු තරගය හෙවත් ඇෆ්ගනිස්තානයට එරෙහි තරගයේදී ශ්‍රී ලංකා නායක දසුන් ශානක ක්‍රීඩා නොකරන අතර කණ්ඩායම මෙහෙයවීම කුසල් මෙන්ඩිස් විසින් සිදුකරනු ඇත.

බංග්ලාදේශයට එරෙහිව පැවැති තරගයේදී වම් අතේ වැළමිට ආශ්‍රිතව ඇතිවූ සුළු ආබාධිත තත්ත්වයක් හේතුවෙන් දසුන් අද තරගයට ක්‍රීඩා කිරීමෙන් වැළකී සිටියි. මේ අතර බංග්ලාදේශයට එරෙහිව ශ්‍රී ලංකා පිල තරග වැදි පුහුණු තරගයේදී දකුණු උරහිසේ වේදනාවක් හේතුවෙන් පිටියෙන් ඉවතට ගිය කුසල් ජනිත් පෙරේරා ද මේ වන විට වෛද්‍ය ප්‍රතිකාර ලබමින් සිටින බැවින් අද තරගයට ක්‍රීඩා නොකරනු ඇත. එම තරගයේ පන්දුවට පහර දෙමින් සිටින අතරතුරදී අදාළ ආබාධය හේතුවෙන් කුසල් ජනිත් පිටියෙන් ඉවතට ගියේය.

මේ අතර ලෝක කුසලාන ක්‍රිකට් තරගාවලිය සදහා ශ්‍රී ලංකා කණ්ඩායම පිටත්ව ගිය සැප්තැම්බර් 26 වැනි දින කණ්ඩායම සමග නොපැමිණි මහීෂ් තීක්ෂණ හෙට (04 වැනිදා) දිනයේදී ශ්‍රී ලංකා කණ්ඩායම සමගින් එකතුවීමට නියමිතව තිබේ.

ගුවාතිහි පැවැත්වෙන මෙම පුහුණු තරගයේදී කාසියේ වාසිය දිනූ ඇෆ්ගනිස්තාන නායකයා පළමුව පන්දුවට පහර දීම සඳහා ශ්‍රී ලංකා කණ්ඩායමට ආරාධනා කර සිටියේය.

Active filters

Recent Posts

USD United States (US) dollar

Pin It on Pinterest