slc
logo
Home   |    News
මාර්තු 4, 2024
ශ්‍රී ලංකා – බංග්ලාදේශ විස්සයි 20 තරග සඳුදා සිට

Sri Lanka Cricket

ශ්‍රී ලංකා විස්සයි 20 ක්‍රිකට් කණ්ඩායමේ මෙවර බංග්ලාදේශ ක්‍රිකට් සංචාරයේ ප්‍රථම තරගය සඳුදා (04) සවස 5.30ට බංග්ලාදේශයේ සිල්හට් ජාත්‍යන්තර ක්‍රිකට් ක්‍රීඩාංගණයේදී ඇරැඹේ.

මේ කණ්ඩායම් දෙකේම පසුගිය මාස කිහිපයේදී සාර්ථකත්වයට මුල් වූ නිත්‍ය නායකයන් දෙදෙනාම සඳුදා තරගයට සහභාගි නොවෙති. ශ්‍රී ලංකා නායක වනිඳු හසරංග ද සිල්වා ජාත්‍යන්තර ක්‍රිකට් සමුළුව පැන වූ විස්සයි 20 තරග දෙකක තහනම මත මේ තරගාවලියේ ප්‍රථම හා දෙවන තරගයට ක්‍රීඩා නොකරයි. බංග්ලාදේශ නායක ෂකිබ් අල් හසන් ඇසක ආබාධය මත ශ්‍රී ලංකා – බංග්ලාදේශ විස්සයි 20 එක්දින සහ ටෙස්ට් තරගාවලි තුනටම සහභාගි නොවේ.

වනිඳු හසරංග පසුගිය දිනවල ශ්‍රී ලංකාව සහභාගි වූ විස්සයි 20 සහ එක්දින තරගාවලියන් කිහිපයේදීම කැපී පෙනුණු අතර ඇෆ්ගනිස්තානය සමඟ අවසාන වරට පැවැති විස්සයි 20 තරගාවලියේදී ද ලකුණු 103ක් සහ කඩුලු හතරක් දවාලමින් සිය තුන් ඉරියව් දක්ෂතා සනාථ කළේය. පිතිකරුවකු ලෙස ඔහු මේ වන විට පෙන්වන ප්‍රහාරාත්මක විශිෂ්ට දක්ෂතාවයන් ජාත්‍යන්තර විචාරකයන්ගේ ද පැසසුමට ලක්ව තිබේ. වනිඳු තෙවන විස්සයි 20 තරගයේ සිට නැවත ලංකා කණ්ඩායමට නායකත්වය දෙනු ඇත.

බංග්ලාදේශය විස්සයි 20 ක්‍රිකට් ක්‍රීඩාවේදී වසර ගණනාවක්ම දක්ෂතා අතර නොසිටියත් පසුගිය වසර දෙකේදී ඔවුන් සීඝ්‍ර දියුණුවක් ලබා ඇති සෙයක් පෙන්නුම් කරයි. පසුගිය දෙසැම්බරයේ නවසීලන්තයේදී ඔවුන් ප්‍රබල නවසීලන්තය සමඟ තරගාවලිය සම කළ අතර ඉන්පසුව සිය මව්බිමේදී ඇෆ්ගනිස්තානය, අයර්ලන්තය සහ එංගලන්ත කණ්ඩායම් පරාජයට පත් කළේය. එම සාර්ථකත්වයන්ට මුල් වූ නායක ෂකිබ් අල් හසන් ශ්‍රී ලංකාව සමඟ තරගාවලි තුනටම එක් නොවීම ඔවුනගේ ප්‍රධාන කණස්සල්ලයි.

සඳුදා (04) සිල්හට් ජාත්‍යන්තර ක්‍රිකට් ක්‍රීඩාංගණයේදී ඇරැඹෙන ප්‍රථම විස්සයි 20 තරගයට චරිත් අසලංක ද සිල්වා (ශ්‍රී ලංකාව) සහ නජිමුල් හොසේන් ෂැන්ටෝ (බංග්ලාදේශය) නායකත්වය දෙති.

ශ්‍රී ලංකාව සහ බංග්ලාදේශය මේ දක්වා විස්සයි 20 තරග 11කට සහභාගි වී ශ්‍රී ලංකාව තරග හතක් ද බංග්ලාදේශය තරග හතරක් ද ජයගෙන සිටී.

කණ්ඩායම් දෙක අතර ප්‍රථම තරගය 2007 සැප්තැම්බර් 17 වැනිදා දකුණු අප්‍රිකාවේ වොන්ඩර්ස් ක්‍රීඩාංගණයේ පැවැති අතර එම තරගයෙන් ශ්‍රී ලංකාව පහසු ජයක් අත්කර ගත්තේ ලකුණු 64කිනි. අවසාන වරට කණ්ඩායම් දෙක 2022 සැප්තැම්බර් 22 වැනිදා මුණ ගැසුණු අතර ශ්‍රී ලංකාව එම තරගය ජය ගත්තේ කඩුලු දෙකකිනි. (බංග්ලාදේශය 183/7යි ශ්‍රී ලංකාව 184/8යි) ඊට පෙර තරගය 2021 ඔක්තෝබර් 04 වැනිදා පැවැති අතර එම තරගය ද ශ්‍රී ලංකාව ජය ගත්තේ කඩුලු පහකිනි. (බංග්ලාදේශය කඩුලු 4ට 171යි, ශ්‍රී ලංකාව කඩුලු 5ට 172යි).

සඳුදා තරගයට ලංකා විස්සයි 20 කණ්ඩායමේ සේවයට නායක වනිඳු හසරංගගේ සහ ආරම්භක පිතිකරු පැතුම් නිශ්ශංකගේ සේවය අහිමි වීම කණ්ඩායමට දැනෙන පාඩුවකි. මොවුන් වෙනුවෙන් නම් කර සිටින ජෙෆ්රි වැන්ඩසේ සහ අවිශ්ක ප්‍රනාන්දු දක්වන දායකත්වය පිළිබඳව බොහෝ දෙනාගේ අවධානය යොමුව ඇත.

ලංකා කණ්ඩායමේ 36 හැවිරිදි තුන් ඉරියව් ක්‍රීඩක ඇන්ජලෝ මැතිව්ස් සහ වේග පන්දු යවන 20 හැවිරිදි තරුණ ක්‍රීඩක මතීෂ පතිරණ කෙරෙහි බංග්ලාදේශ කණ්ඩායමේ විශේෂ අවධානය මේ වන විට යොමුව ඇත්තේ මේ ක්‍රීඩකයනට තරගයක ස්වභාවය වෙනස් කිරීමට ඇති හැකියාවන් මතය.

ශ්‍රී ලංකා ක්‍රිකට් තේරීම් කමිටු සභාපති උපුල් තරංග පවසන්නේ මේ වන විට ශ්‍රී ලංකා ක්‍රිකට් ක්‍රීඩකයනගේ පන්දුවට පහරදීම පන්දු යැවීම සහ පන්දු රැකීම සීඝ්‍රයෙන් දියුණු වෙමින් පැවතීම සතුටට කරුණක් බවත් පන්දු රැකීමේ විශේෂ දියුණුවක් ලබා තිබීම පිළිබඳව තමා ප්‍රීත වන බවත්ය.

තරුණ වේග පන්දු යවන්නන්ට අමතරව මහීෂ් තීක්ෂණ, අකිල ධනංජය සහ ජෙෆ්රි වැන්ඩසේ මේ තරගාවලියේදී බංග්ලාදේශ පිතිකරුවනට මහත් අභියෝගයක් වනු ඇතැයි අපේක්ෂා කැරේ.

ක්‍රීඩකයන් 17කින් සමන්විත ශ්‍රී ලංකා එක්දින සංචිතය

වනිඳු හසරංග (නායක) චරිත් අසලංක (උපනායක) කුසල් මෙන්ඩිස්, සධීර සමරවික්‍රම, ඇන්ජලෝ මැතිව්ස්, දසුන් ශානක, මහීෂ් තීක්ෂණ, ධනංජය ද සිල්වා, කුසල් ජනිත් පෙරේරා, දිල්ෂාන් මධුශංක, නුවන් තුෂාර, මතීෂ පතිරණ, අකිල ධනංජය, බිනුර ප්‍රනාන්දු, කමිඳු මෙන්ඩිස්, අවිශ්ක ප්‍රනාන්දු සහ ජෙෆ්රි වැන්ඩසේ.

බන්දුල මොල්ලිගොඩ

Active filters

Recent Posts

  • ලකුණු 54 ක ජය සමඟින් කැන්ඩි ෆෝල්කන්ස් පිලේ බලාපොරොත්තු ඉහළ යයි
    අවසන් කණ්ඩායම් 4 අතර තරග වටයට සුදුසුකම් ලබා ගැනීමට නම් ජයග්‍රහණය තීරණාත්මක වුණු ලංකා ප්‍රිමියර් ලීග් ක්‍රිකට් තරගාවලියේ 18 වැනි තරගය ලෙසින් දඹුල්ල සික්සර්ස් පිලට එරෙහි තරගයෙන් ලකුණු […]
  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]

Pin It on Pinterest

LKR Sri Lankan rupee
logo