slc
logo
Home   |    News
මැයි 20, 2024
අන්තර් සමාජ විස්සයි-20 – අර්ධ අවසන් පූර්ව වටයට කණ්ඩායම් තීරණය වෙති

sinhala editor

ශ්‍රී ලංකා ක්‍රිකට් ආයතනය විසින් සංවිධානය අන්තර් සමාජ ප්‍රධානතම විස්සයි-20 ක්‍රිකට් තරගාවලියේ පළමු වටයේ අවසන් දින පැවැත්වීමට නියමිත තිබූ තරග සියල්ල වර්ෂාව හේතුවෙන් පන්දුවක් හෝ නොයවා ඇතහැර දැමීමට සිදුවිය. එම තත්ත්වය මත කාණ්ඩ 4 අතර තරග වටය යටතේ අර්ධ අවසන් පූර්ව වරම දිනාගත් කණ්ඩායම් කවුරුන්ද යන්න මේ වන විටත් තීරණය වී අවසන්ය.

ඒ අනුව ‘ඒ‘ කාණ්ඩය යටතේ එන්. සී. සී. සහ සී. සී. සී. කණ්ඩායම්ද, ‘බී‘ කාණ්ඩය යටතේ මුවර්ස් සහ බී.ආර්.සී. යන කණ්ඩායම්ද ‘සී‘ කාණ්ඩය යටතේ ටැමිල් යුනියන් සහ ඒස් කැප්ටල් ක ණ්ඩායමත් සහ ‘ඩී‘ කාණ්ඩයෙන් බ්ලූම්ෆීල්ඩ් සහ කෝල්ට්ස් ක්‍රීඩා සමාජයත් අර්ධ අවසන් පූර්ව තරග වටයට සුදුසුකම් ලබාගත් කණ්ඩායම් බවට පත්වූහ.

එන්.සී.සී. කණ්ඩායම තරග 4 කට සහභාගිවී ඉන් තරග 3 ක් ජය ගනිද්දී එක් තරගයක් විසඳුමකින් තොරව අවසන් කර ගනිමින් එම කාණ්ඩයේ අපරාජිතව ඉදිරි තරග වටයට පිවිස සිටියි. දෙවැනි තැන පසුවන සී.සී.සී. පිල එක් තරගයක් පමණක් ජය ගනිමින් එම කාණ්ඩයේ දෙවැනි ස්ථානයට පත්ව සිටියි.

සෙසු කාණ්ඩවල දෙවැනි වටයට සුදුසුකම් ලබා සිටින කණ්ඩායම් අතර බී කාණ්ඩයේ පෙරමුණ ගෙන සිටින මුවර්ස් ක්‍රීඩා සමාජය, සහ ඩී කාණ්ඩයේ ඉදිරියටපැමිණ සිටින බ්ලූම්ෆීල්ඩ් කණ්ඩායම පළමු වටය අවසානයේ අපරාජිතව සුදුසුකම් ලද සෙසු කණ්ඩායම් ද්විත්වය බවට පත්ව සිටියි.

තරගාවලියේ අර්ධ අවසන් පූර්ව වටයේ තරග මේ මස 21 වැනිදා කොළඹ එස්. එස්. සී. සහ එන්.සී.සී. ක්‍රීඩාංගණවල පැවැත්වෙනු ඇත.

එස්.එස්.සී. පිටියේදී

පළමු අර්ධ අවසන් පූර්ව තරගය: එන්.සී.සී. සහ කෝල්ට්ස් ක්‍රීඩා සමාජ අතර

දෙවැනි අර්ධ අවසන් පූර්ව තරගය: බ්ලූම්ෆීල්ඩ් සහ සී.සී. සී. ක්‍රීඩා සමාජ අතර

එන්.සී.සී. පිටියේදී

තෙවැනි අර්ධ අවසන් පූර්ව තරගය: මුවර්ස් සහ ඒස් කැපිටලන් ක්‍රීඩා සමාජ අතර

සිව්වැනි අර්ධ අවසන් පූර්ව තරගය: ටැමිල් යුනියන් සහ බී.ආර්.සී. ක්‍රීඩා සමාජ අතර

Active filters

Recent Posts

Pin It on Pinterest

LKR Sri Lankan rupee