ශ්‍රී ලංකා කාන්තා ක්‍රිකට් කණ්ඩායමට අනුග්‍රහය දැක්වීම සඳහා ‘ඔනර්‘, සන්ක්වික් සහ නිපෝන් පේන්ට් යන සන්නාම ශ්‍රී ලංකා ක්‍රිකට් ආයතනය සමග සහයෝගීතාවයකට ඉදිරිපත්ව සිටිති. බටහිර ඉන්දීය කොදෙව් කාන්තා කණ්ඩායමට එරෙහිව මෙම මස 15 වැනිදා ආරම්භ වන එක්දින තරගාවලියට පෙර ජාතික කාන්තා ක්‍රිකට් කණ්ඩායම සමග එක්ව සිටීම විශේෂත්වයක් ලෙසින් සැලකිය හැක.
සිංගර් ශ්‍රී ලංකා සමාගම යටතේ පවතින ‘ඔනර්‘ ජංගම දුරකතන සන්නාම, කාන්තා කණ්ඩායමේ ප්‍රධාන අනුග්‍රාහකයින් ලෙසින් කටයුතු කරන අතර ඔවුන් ක්‍රීඩිකාවන්ගේ ටීෂර්ටයේ කමීසියේ ඉදිරිපස අනුග්‍රාහකයින් ලෙස කටයුතු කරනු ඇත. සන්ක්වික් ආයතනය ටීෂර්ටයේ පිටුපස තෝරාගෙන ඇති අතර නිපෝන් පේන්ට් ආයතනය ටීෂර්ටයේ ඉදිරිපස බාහුව තෝරා ගෙන සිටිති.
එංගලන්තයේත් බංග්ලාදේශයේත් වෙනත් රටකට ගියත් මේ සන්කුවික් කියන පානය තියෙනවා .ජාතික විතරක් නොවෙයි මේකෙන් ලැබෙන ප්‍රතිලාබය අපිට එනවා. ඒ නිසා අපි ලංකාවේ කාන්තා ක්‍රිකට් වලට මූලික අරමුණ කරගෙන උදව් කරද්දී අපිට ජාත්‍යන්තර වශයෙන් යම්කිසි ආකාරයකට අපේ සන්නාමයට ප්‍රතිචාරයක් ලැබෙනවා. ජනප්‍රියත්වයක් ලැබෙනවා. ඔය අරමුණු දෙකම ඔලුවේ තියාගෙන තමයි අපි මේ සහයෝගීතාවයට පැමිණියේ“ යැයි අදාළ අනුග්‍රාහකත්වය පිරිනැමීම පිළිබඳව සන්ක්වික් ලංකා සමාගමේ කලමනාකාර අධ්‍යක්ෂ මංගල පෙරේරා මහතා සඳහන් කර සිටියේය.
“අපි ඇත්තටම ශ්‍රී ලංකා ක්‍රිකට් ආයතය සමඟ එක්වීමට කාලයක් තිස්සේ බලාපොරොත්තුවෙන් හිටියේ. ඒක පොඩි කාලයකට නොවෙයි දීර්ඝ කාලයකට. අපි අපිට හිතුණා හොඳම වෙලාව තමයි මේ වෙලාවේ කාන්තා ක්‍රිකට් කණ්ඩායම සමග සහයෝගීතාවයට එන්න හොඳම කාලයක කියලා. ඒකට හේතුව තමයි ජාතියක් විදියට අපි කාන්තා ක්‍රිකට් ක්‍රිඩාවට සහයෝගය ලබා දිය යුතුයි කියන තැන ඉඳලා. ක්‍රිකට් විතරක් නොවෙයි සෑම කාන්තා ක්‍රීඩිකාවකටම. ඒ වගේම අපි ශ්‍රී ලංකා ක්‍රිකට් ආයතනයත් සමඟ මිට කළිනුුත් දීර්ඝ කාලයක් තිස්සේ කටයුතු කරලා තියෙනවා“ සිංගර් ශ්‍රී ලංකා සමාගමේ අලෙවි අධ්‍යක්ෂ ජන්මේෂ් ඇන්තනි මහතා සඳහන් කර සිටියේය.
මෙම මාධ්‍ය හමුව සඳහා ශ්‍රී ලංකා කාන්තා ක්‍රිකට් කණ්ඩායමේ නායිකා චමරි අතපත්තු සහ එම කණ්ඩායමේ ප්‍රධාන පුහුණුකරු රුමේෂ් රත්නායක මහසතාද සහසභාගිවී සිටියහ.
