slc
logo
Home   |    News
ජූනි 12, 2024
ශ්‍රී ලංකා – නේපාල තරගය වැස්සට සේදෙයි

sinhala editor

විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම එක ලකුණ බැගින් ලැබී ඇත. මේ අතර සහභාගී වූ තරග තුනෙන්ම ජයගත් දකුණු අප්‍රිකාව සුපිරි කණ්ඩායම් අට සදහා තේරී පත්වී ඇත.

විටින් විට ඇඳ හැලුණු වර්ෂාව හේතුවෙන් අමෙරිකාවේ ලව්ඩර්හිල්හි පැවැති තරගය එකඳු පන්දුවක් හෝ යැවීමට නොහැකිව අවසන් විය. මෙය ශ්‍රී ලංකා පිලට තරමක අවාසිදායක සිඳුවීමක් විය.

මේ තත්ත්වය මත ශ්‍රී ලංකාවට සුපිරි අට වටයට පිවිසීම සඳහා ඉතාම සියුම් අවස්ථාවක් ඉතිරිව ඇත. හෙට (13) කිංග්ස්ටවුන් හි පැවැත්වෙන බංගලාදේශ – නෙදර්ලන්ත තරගය වැස්සට මුළු මනින්ම සෝදා යා යුතු අතර, එහි ප්‍රතිඵලයක් වශයෙන් සෑම කණ්ඩායමකටම එක ලකුණ බැගින් හිමි වේ. එම තරගයේ එක් කණ්ඩායමකට ලකුණු දෙකක් ලැබුණහොත් ශ්‍රී ලංකාවට සුපිරි අට වටයේ අවස්ථා අහිමි වේ.

මේ 17 වැනිදා රාත්‍රී පැවැත්වෙන නේපාල – බංග්ලාදේශය අතර තරගයෙන් නේපාලය සුළු පරතරයකින් බංග්ලාදේශය පරාජය කළ යුතුවේ. දකුණු අප්‍රිකාව මේ 15දා පැවැත්වෙන තරගයේදී නේපාලය පරාජය කළ යුතුය. ශ්‍රී ලංකාව 17 වැනිදා පැවැත්වෙන තරගයේදී නෙදර්ලන්තය විශාල පරතරයකින් පරාජය කළ යුතු වේ.

එවිට ශ්‍රී ලංකාව, බංග්ලාදේශය, නෙදර්ලන්තය සහ නේපාලය ප්‍රසාද ලකුණු තුනකින් අවසන් වනු ඇත. ශුද්ධ ලකුණු අනුපාත පසුව ක්‍රියාත්මක වන අතර, ශ්‍රී ලංකා පිල කණ්ඩායම් තුනටම වඩා ඉහළින් එම ශුද්ධ ලකුණු වේගය තබා ගැනීමට වග බලා ගත යුතුය.

Active filters

Recent Posts

  • ලකුණු 16 ක ජයක් සමගින් බංග්ලාදේශය එක්දින තරගාවලිය සම කරයි
    බංග්ලාදේශ කණ්ඩායම ලකුණු 248 කට නවතාලීමට පන්දු යවන්නන්ට හැකියාව ලැබුණද පිතිකරුවන් යැයි නම් දරූ බහුතරයකගෙන් බලාපොරොත්තු වූ සේවය ඉටු නොවීම හේතුවෙන් ශ්‍රී ලංකා කණ්ඩායමට අකමැත්තෙන් වුවද දෙවැනි එක්දින තරගයේදී ලකුණු […]
  • මුවර්ස් ක්‍රීඩා සමාජයෙන් සුපිරි හඹා යෑමක්
    සිතාර ගිම්හාන සහ රමේෂ් මෙන්ඩිස් දෙදෙනා එකව සිව්වැනි කඩුල්ල වෙනුවෙන් රැස් කරන ලද නොබිඳුණු ලකුණු 228 ක සම්බන්ධතාව ප්‍රධාන කොට අන්තර් සමාජ ප්‍රධාන එක්දින ක්‍රිකට් තරගාවලිය යටතේ ප්‍රබල […]
  • පල්ලියගුරුගේ ‘ශතකයට‘ ක්‍රිකට් ආයතනයෙන් උපහාර
    පුරා වසර 13 ක කාලයක් තිස්සේ අන්තර්ජාතික එක්දින තරග බිමේ විනිසුරුවරයකු වශයෙන් සුවිශාල මෙහෙවරක යෙදුණු අන්ර්ජාතික ක්‍රිකට් සභාවේ විනිසුරුවරයකු වන රුචිර පල්ලියගුරුගේ මහතාගේ 100 වැනි එක්දින තරග විනිශ්චය […]
  • දෙවැනි එක්දින තරගයේදී දෙපිළේම වෙනස්කම් දෙකක්
    ඉතිහාසය පිළිබඳව අවධානය යොමු කිරීමේදී හඹා යෑම අතිශය අසීරු ක්‍රීඩාංගණයක් ලෙසින් ප්‍රචලිත කොළඹ ආර්. ප්‍රේමදාස ක්‍රීඩාංගණයේදී, කාසියේ වාසිය දිනූ බංග්ලාදේශ නායක මෙහෙදි හසන් මිරාස්  පළමුව පන්දුවට පහර දීමට තීරණය […]
  • පළමු තරගයෙන් ශ්‍රී ලංකා ‘ඒ‘ පිලට අමිහිරි පරාජයක්
    ඔස්ට්‍රේලියාවේ තරග සංචාරයක නිරතව සිටින ශ්‍රී ලංකා ‘ඒ‘ ක්‍රිකට් කණ්ඩායම තරග 3කින් සමන්විත එක්දින ක්‍රිකට් තරගාවලිය ආරම්භ කරමින් සහභාගිවුණු පළමු තරගයෙන්ම ඔස්ට්‍රේලියානු ‘ඒ‘ කණ්ඩායම හමුවේ ලකුණු 198 ක අමිහිරි […]

Pin It on Pinterest

LKR Sri Lankan rupee