ආරම්භක පිතිකරු පුළිඳු පෙරේරා සහ ප්‍රවීන් මනීෂගේ දක්ෂතා හමුවේ එංගලන්ත තරග සංචාරයේ නියුතුව සිටින ශ්‍රී ලංකා යොවුන් කණ්ඩායමට හිමි එකම පුහුණු තරගයෙන් එංගලන්ත යංග් ලයන්ස් පිල පරාජයට කොට කඩුලු 4 ක ජයක් වාර්තා කරමින් තරගාවලියට ජයග්‍රාහී ප්‍රවේශයක් ලබා ගැනීමට සමත්ව සිටියි.

මෙම තරගයේදී පළමුව පන්දුවට පහර දුන් එංගලන්ත යන්ග් ලයන්ස් කණ්ඩායම ලකුණු 281 ක් ලබා ගත් නමුත් එය හඹා යෑමේදී පන්දුවාර 42 කදී කඩුලු 6 ක් පමණක් දැවී රැස් කර ගැනීමට ශ්‍රී ලංකා යොවුන් පිතිකරුවෝ සමත්වූහ.

මෙහිදී සාර්ථක පිතිහරඹයක නිරත වුණු පුළිඳු පෙරේරා ලකුණු 107 ක්ද නායක දිනුර කලුපහන ලකුණු 51 ක්ද රැස් කරමින් ශ්‍රී ලංකා යොවුන් පිල ජය ටැඹ කරා රැගෙන යෑමේ වැඩි වගකීමක් ඉටු කළහ. ඊට අමතරව ගයන වීරසිංහ ලකුණු 42 ක් ලබා ගත්තේය. පන්දු යැවීමේදී කැපී පෙනුණු ප්‍රවීන් මනීෂ ලකුණු 48 කට කඩුලු 4 ක්ද දුමිඳු සෙව්මින ලකුණු 30 කට කඩුලු 3 ක්ද දවා ගැනීමට සමත්වූහ.

එංගලනත යංග් ලයන්ස් සියලු දෙනා දැවී ලකුණු 281 යි – (ප්‍රවීන් මනීෂ 48/4, දුමිඳු සෙව්මින 30/3)

ශ්‍රී ලංකා යොවුන් කණ්ඩායම පන්දුවාර 42 කදී කඩුලු 6 ක් දැවී ලකුණු 282 යි – (පුලිඳු පෙරේරා 107, දිනුර කලුපහන 51, ගයන වීරසිංහ 42)