ශ්‍රී ලංකා කණඩායමේ එංගලන්ත සංචාරයේදී ශ්‍රී ලංකා කණ්ඩායමේ පිතිකරණ පුහුණුකරු ලෙස හිටපු එංගලන්ත පිතිකරු ඉයන් බෙල්ගේ සේවය ලබා ගැනීමට ශ්‍රී ලංකා ක්‍රිකට් තීරණය කර තිබේ. ඒ අනුව බෙල් අගෝස්තු මස 16 වැනිදා සිට ශ්‍රී ලංකා කණ්ඩායම සමඟ කටයුතු කිරීමට නියමිතය.

ලෝක ටෙස්ට් ශූරතාවලිය යටතේ එංගලන්තයට එරෙහිව පැවැත්වෙන මෙම තරගාවලිය ටෙස්ට් තරග 3 කින් සමන්විත වන අතර එම තරගාවලිය අවසන් වන තෙක් බෙල් අදාළ ධුරයේ කටයුතු කරනු ඇත.

හිටපු එංගලන්ත ඉදිරි පෙළ පිතිකරුවා එංගලන්තය වෙනුවෙන් ටෙස්ට් තරග 118 කට ක්‍රීඩා කරමින් මුලු ලකුණු 7727 ක් රැස් කර ගැනීමට සමත්ව සිටින්නේ ඉනිමක ලකුණු ලබා ගැනීමේ සාමාන්‍ය 42.69 ක් රඳවා ගනිමිනි. බෙල්ගේ නම ඉදිරියෙන් ලියැවී ඇති ටෙස්ට් ශතක සංඛ්‍යාව 22 ක් වේ.

“අපි ඉයන්ව පත් කළේ එංගලන්තයේ තත්ත්වයන් පිළිබඳව ක්‍රීඩකයින්ට අවබෝධයක් ලබා දීම සඳහා දේශීය දැනුමක් ඇති පුද්ගලයෙකුගේ සේවය ලබා ගැනීමටයි. ඉයන්ට එංගලන්තයේ ක්‍රීඩා කර අත්දැකීම් රාශියක් ඇති අතර, ඔහුගේ දායකත්වය මෙම තීරණාත්මක සංචාරයේදී අපගේ කණ්ඩායමට උපකාරී වනු ඇතැයි අපි විශ්වාස කරනවා“ යැයි  බෙල්ගේ සේවය ලබා ගැනීම පිළිබඳව ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරී ඈෂ්ලි ද සිල්වා මහතා සඳහන් කර සිටියේය.