2026 වසරේ පැවැත්වීමට නියමිත යොවුන් ලෝක කුසලාන ක්‍රිකට් තරගාවලිය සඳහා ශක්තිමත් අවුරුදු 19 න් පහළ යෙවෙුන් කණ්ඩායමක් ගොඩ නඟා ගැනීමේ අරමුණ ඇතිව ශ්‍රී ලංකා ක්‍රිකට් ආයතනය විසින් සංවිධානය කරනු ලබන වයස අවුරුදු 17 න් පහළ ශ්‍රී ලංකා යූත් ලීග් එක්දින ක්‍රිකට් 2024 තරගාවලිය මේ අගෝස්තු මස 21 වැනිදා සිට 30 වැනිදා දක්වා අනුරාධපුරයේදී පැවැත්වේ.

අනුරාධපුර දිස්ත්‍රික්කය තුළ ජාතික මට්ටමෙ ක්‍රිකට් තරගාවලියක් පැවැත්වෙනු ලැබෙන පළමු අවස්ථාව ලෙසින් සටහන් වන මෙම තරගාවලියේදී කැන්ඩි, ගාල්ල, කොළඹ උතුර, කොළඹ දකුණ සහ දඹුල්ල යන කණ්ඩායම්, සාලියපුර සහ සමාධි යන ක්‍රීඩාංගණවලදී තරග වදිනු ඇත. තරගාවලිය අගෝස්තු 30 වැනි දින අනුරාධපුර සමාධි ක්‍රීඩාංගණයේ පැවැත්වෙන අවසන් මහ තරගයේ නිමාවට පත් වනු ඇත.

තරගාවලිය නියෝජනය කරනු ලබන සෑම කණ්ඩායමක්ම මූලික තරග වයට යටතේ තරග 4 කට සහභාගිවනු ඇත. ලීිග් ක්‍රමයට පළමු වටය පැවැත්වෙන අතර එහිදී පෙරමුණ ගන ලබන කණ්ඩායම් අතර අවසන් මහ තරගය සඳහා සුදුසුකම් ලබනු ඇත.

මෙම තරගාවලිය නැරඹීමට උනන්දුවක් දක්වනු ලබන ක්‍රීඩා ලෝලීන්ට අගෝස්තු 30 වැනිදා පැවැත්වෙන අවසන් මහ තරගය ඇතුළු සියලුම තරග නැරඹීමේ අවස්ථාව, නොමිළේ උදාවනු ඇත.