ශ්‍රී ලංකා ක්‍රිකට් ආයතනය මෙහෙය වන මේජර් අන්තර් සමාජ අවුරුදු 23න් පහළ දෙදින ක්‍රිකට් තරගාවලියේ අද (24) තවත් තරග හතක් ආරම්භ වු අතර එහිදී මුවර්ස් කණ්ඩායමේ ඔමේෂ් මෙන්ඩිස් සහ බ්ලුම්ෆීල්ඩ් කණ්ඩායමේ මිනෙත් ප්‍රේමරත්න ශතක රැස් කිරීමට සමත් වුහ.

 මුවර්ස් සහ ටැමිල් යුනියන් අතර තරගයේ දී මුවර්ස් නායක ඔමේෂ් මෙන්ඩිස් පන්දු 102කට මුහුණ දී හතරේ අටක් සහ හයේ පහරක් සමඟ ලකුණු 117ක් ද බ්ලුම්ෆීල්ඩ් සහ කැන්ඩි කස්ටම් අතර තරගයේ දී බ්ලුම්ෆීල්ඩ් කණ්ඩායමේ කඩුලු රකින මිනෙත් ප්‍රේමරත්න පන්දු 169කට මුහුණ දී හතරේ 14ක් සහ හයේ පහරක් සමඟ නොදැවී ලකුණු 103ක් ද ලැබීය.

 මුවර්ස් සහ ටැමිල් යුනියන් අතර තරගයේ දී ටැමිල් යුනියන් කණ්ඩායම වෙනුවෙන් පන්දු යැවීමේ දී දක්ෂතා දැක් වු විජයකාන්ත් වියස්කාන්ත් මුවර්ස් පිතිකරුවන් හයදෙනකුම දවාලීම මෙදින පන්දු යවන්නන් අතර හොඳම පන්දු යැවීම ලෙස වාර්තා විණි.

 පාණදුර සහ කෝල්ට්ස් අතර තරගය උණුසුම් මුහුණුවරක් ගෙන ඇති අතර පාණදුර මුල් ඉනිම වෙනුවෙන් රැස් කළ ලකුණු 155ට පිළිතුරු ලෙසින් කෝල්ට්ස් දිනය නිම වන විට කඩුලු හයකට ලකුණු 141ක් ලබා පසුවිය.

 එස්.එස්.සී. – රාගම තරගයේ දී එස්.එස්.සී. නායක ෂෙවොන් ඩැනියල් ලකුණු 88ක් ද නෙතුල එදිරිමාන්න ලකුණු 92ක් ද ලබා පන්දුවට පහරදීමේ දී කැපී පෙනුණි. මෙදින එස්.එස්.සී. පිතිකරුවන් සිව්දෙනකුම අර්ධ ශතක වාර්තා කළහ.

• මුවර්ස් – ටැමිල් යුනියන්

 මුවර්ස් මුල් ඉනිම සියල්ල දැවී 354 (පන්දුවාර 72) – (ඔමේෂ් මෙන්ඩිස් 117, යේසිත් රූපසිංහ 92, විෂාර ප්‍රනාන්දු 46, සෙනිත හැළඹගේ 32, හරිඳු ජයසේකර 28, විජයකාන්ත් වියස්කාන්ත් 139/6, තීෂාන් විතුෂාන් 122/3යි)

 ටැමිල් යුනියන් මුල් ඉනිම කිසිවකු නොදැවී 04 (පන්දුවාර 05)

• ඒස් කැපිටල් – එන්.සී.සී

 ඒස් කැපිටල් මුල් ඉනිම කඩුලු 6ට 119 (පන්දුවාර 33) – (කවිඳු අමන්ත 49, හිරාන් ජයසුන්දර 26, සකුන ලියනගේ 25, බ්‍රයන් හංසජ 37/2, යෙනුල දෙව්තිසා 11/2)

• කුරුණෑගල යූත් – බී.ආර්.සී

 කුරුණෑගල යූත් මුල් ඉනිම කඩුලු 6ට 215 (පන්දුවාර 68.2) – (යසිත පල්ලියගුරු 44, රශ්මික මධුශංක 37, සත්සර ගමගේ 36, බුද්ධිම සහන් 29, දේශාන් සෙනෙවිරත්න නොදැවී 27, සුධීර වීරරත්න 25, රන්දුනු ගංගානාත් 29/2, දිනුක වන්නිආරච්චි 75/2)

• එස්.එස්.සී. – රාගම

එස්.එස්.සී. මුල් ඉනිම කඩුලු 9ට 363 (පන්දුවාර 70.4) – (නෙතුල එදිරිමාන්න 92, ෂෙවොන් ඩැනියල් 88, කෙනුල ද සොයිසා 62, සසිඳු මල්ෂාන් 56, සදීෂ රාජපක්ෂ 24, රවීෂ දුලාංජන 80/3, එෂාන් මාලිංග 56/2, දසිත් ගුණතිලක 97/2)

 රාගම මුල් ඉනිම කඩුලු 1ට 15 (පන්දුවාර 04)

• බදුරලිය – සී.සී.සී.

 බදුරලිය මුල් ඉනිම කඩුලු 8ට 153 (පන්දුවාර 60.5) – (රනේෂ් සිල්වා 43, දුනිත් ජයතුංග 37, සඳුන් මෙන්ඩිස් නොදැවී 30, ඉනුක කරන්නාගොඩ 27/3, දෙවිඳු කැකිරිදෙණිය 27/2, සඳුන් මෙන්ඩිස් 47/2)

 සී.සී.සී. කඩුලු 2ට 21 (පන්දුවාර 5.5)

• පාණදුර – කෝල්ට්ස්

 පාණදුර මුල් ඉනිම සියල්ල දැවී 155 (පන්දුවාර 52.3) – (කවිඳු වික්‍රමසිංහ 40, දුරන්ක සිල්වා 34, යෂාන් අවිෂ්ක 18, යසිරු රුද්‍රිගෝ 37/3, ක්‍රිෂ්ණ ශ්‍රීරාන් 35/3, ප්‍රවීන් මතීෂ 40/2)

 කෝල්ට්ස් මුල් ඉනිම කඩුලු 6ට 141 (පන්දුවාර 33) – (ගිත්මන් කොළඹගේ නොදැවී 41, හිරුණ ගාල්ලගෙ 30, සුකිත මනෝජ් 26, විශ්ව සුපුන් 18, නවිජ ඩී සේරම් 33/3, විශ්ව කුමාර 36/2)

• බ්ලුම්ෆීල්ඩ් – කැන්ඩි කස්ටම්

 බ්ලුම්ෆීල්ඩ් මුල් ඉනිම කඩුලු 9ට 193 (පන්දුවාර 65) – (මිනෙත් ප්‍රේමරත්න නොදැවී 103, තරිඳ ගුරුගේ 32, අසිත වන්නිනායක 28, සෙනාෂ් ප්‍රනාන්දු 36/5, ෂොන් රුද්‍රිගෝ 18/2)