බටහිර ඉන්දීය කොදෙව් කණ්ඩායමේ ශ්‍රී ලංකා තරග සංචාරය යටතේ පැවැත්වෙන තරග 3 කින් සමන්විත පන්දුවාර විස්සයි-20 ක්‍රිකට් තරගාවලිය සදහා වන ප්‍රවේශපත්‍ර අලෙවිය ඔක්තෝම්බර් මස 06 වැනිදා සිට ආරම්භ කිරීමට ශ්‍රී ලංකා ක්‍රිකට් ආයතනය විධිවිධාන යොදා තිබේ.
ශ්‍රී ලංකා ක්‍රිකට් නිල වෙබ් අඩෙවිය වන Srilankacricket.lk යන අන්තර්ජාලය යොමුව ඔස්සේ පළමුව එම අළෙවි කිරීම ආරම්භ වන අතර අනතුරුව තරග ආරම්භ වන දිනට දින තුනක කාලයකට පෙර සිට එනම් ඔක්තෝම්බර් 10 වැනිදා සිට තරග ක්‍රියාත්මක රංගිරි දඹුලු ක්‍රීඩාංගණ පරිශ්‍රෙය් පිහිටුවා ඇති ප්‍රධාන ගේට්ටුව අසලදී අලෙවි කරන අතර තරග පැවැත්වෙන දින වලදී දඹුල්ල ප්‍රාදේශීය සභා පරිශ්‍රෙය්දී පෙ.ව. 8.00 සිට රාත්‍රී 8.00 වන තෙක් අලෙවිය සිදුකෙරෙනු ඇත.
පන්දුවාර විස්සයි-20 තරගාවලිියෙන් පසු මහනුවර පල්ලේකැලේ ජාත්‍යන්තර ක්‍රීඩාංගණයේ පැවැත්වීමට නියමිත තරග සදහා වන ප්‍රවේශපත්‍ර ඔක්තෝම්බර් මස 18 වැනි දින ආරම්භ කරන අතර, තරග පැවැත්වෙන දින වලදී පෙර පරිදිම පල්ලේකැලේ ක්‍රීඩාංගණය ආසන්නයේ පිහිටා ඇති අභීත ක්‍රීඩාංගණයේදී පෙ.ව. 8.00 සිට රාත්‍රී 8.30 දක්වා ප්‍රවේශපත්‍ර අලෙවිය සිදුකෙරෙනු ඇත.
කෙසේ වෙතත් මෙම ස්ථාන දෙකට අමතරව ශ්‍රී ලංකා ක්‍රිකට් ආයතන මූලස්ථානයේද ඔක්තෝම්බර් මස 10 වැනිදා සිට ප්‍රෙව්ශපත්‍ර අලෙවිය සිදුකරනු ලබන අතර එහිදී පෙ.ව. 9.30 සිට ප.ව. 5.30 දක්වා වූ කාලයේදී ප්‍රවේශපත්‍ර මිලදීි ගැනීමේ හැකියාව ක්‍රීඩා ලෝලීන්ට උදාවනු ඇත. එම ප්‍රෙව්ශපත්‍ර කවුලු කොළඹ 07, මෙට්ලන්ඩ් පෙදෙසේ විද්‍යා මාවතේ පිහිටුවා තිබේ.
| රංගිරි දඹුලු ක්‍රීඩාංගණය | |
| Level 3 – AC Box 16 දෙනෙකුට නැරඹිය හැකි | 10,000.00 |
| ග්‍රෑන්ඩ් ස්ටෑන්ඩ් Level 3 | 5,000.00 |
| බ්ලොක් A | 2,000.00 |
| බ්ලොක් B | 2,000.00 |
| බ්ලොක් C Lower | 2,000.00 |
| බ්ලොක් C Upper | 1,000.00 |
| බ්ලොක් D Lower | 2,000.00 |
| බ්ලොක් D Upper | 1,000.00 |
| බ්ලොක් E Lower | 2,000.00 |
| බ්ලොක් E Upper | 1,000.00 |
| බ්ලොක් F Lower | 2,000.00 |
| බ්ලොක් F Upper | 1,000.00 |
| බ්ලොක් H Lower | 2,000.00 |
| සීගිරිය අන්තය (සිට ගනිමින්) | 500.00 |
| පල්ලෙකැලේ ජාත්‍යන්තර ක්‍රීඩාංගණය | |
| ග්‍රෑන්ඩ් ස්ටෑන්ඩ් Top AC Box 22 නැරඹිය හැකි | 10,000.00 |
| A Lower | 2,000.00 |
| B Lower | 2,000.00 |
| ග්‍රෑන්ඩ් ස්ටෑන්ඩ් Top Level A | 5,000.00 |
| නැගෙනහිර තෘණ පෙදෙස (ලකුණු පුවරු අන්තය) | 500.00 |
| බටහිර තෘණ පෙදෙස | 500.00 |
