ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේ අද පැවැති තරග දෙකකදි කොළඹ පිල පන්දු 39ක් ඉතිරිව තිබියදී කඩුලු 3කින් හා ජැෆ්නා පිල පන්දු 215ක් ඉතිරිව තිබියදී කඩුලු 9කින් ජය වාර්තා කළහ. මෙම සුපර් ලීග් එක්දින තරගාවලියේ ලකුණු සටහනේ පෙරමුණ ගෙන සිටින කොළඹ පිල මෙවර තරගාවලියේ පිට පිට ලැබු 5 වැනි ජයග්‍රහණය අද වාර්තා වීම විශේෂත්වයකි.

කොළඹ ආර්. ප්‍රේමදාස ක්‍රීඩාංගණයේ පැවති කොළඹ – දඹුල්ල අතර තරගයේ කාසියේ වාසිය දිනාගත් දඹුල්ල පිල මුලින් පන්දුවට පහරදීමට තීරණය කළ අතර,ඒ අනුව සියලු දෙනා දැවී ලකුණු 215ක් වාර්තා කළේය. පිළිතුරු ඉනිම ක්‍රීඩා කළ කොළඹ පිල කඩුලු 7ක් දැවී ලකුණු 219ක් ලබා ජය වාර්තා කළේය. කොළඹ පිලේ පිතිකරුවන් ලකුණු 30ට වැඩියෙන් ලබා ඉනිම ශක්තිමත් කළහ.

දඹුල්ල පිල සියලු දෙනා දැවී ලකුණු 215 (ඕවර් 43.5)
නිශාන් මධුෂ්ක 25, ලසිත් කෘෘස්පුල්ලේ 30, ගයන වීරසිංහ 77, රවිඳු ප්‍රනාන්දු 17, දිනුර අබේවික්‍රමසිංහ 29, ලක්ෂාන් සඳකැන් 17, අතිරේක 18 ( නිසල තාරක 43/3, දිලුම් සුධීර 27/3, නිශාන් පීරිස් 25/2)

කොළඹ පිල කඩුලු 7කට ලකුණු 219 (ඕවර් 43.3)
නිපුන් ධනංජය 32, ෂෙවෝන් ඩැනියෙල් 32, ක්‍රිෂාන් සංජුල 14, චමිඳු වික්‍රමසිංහ 14, අශේන් බණ්ඩාර 39, ෂෙහාන් ප්‍රනාන්දු 16, කවිඳු නදීෂාන් නොදැවී 33, නිසල තාරක 14 (කසුන් රාජිත 33/2, දුෂාන් හේමන්ත 46/2)

ජැෆ්නා – කැන්ඩි

හම්බන්තොටදී පැවති කැන්ඩි – ජැෆ්නා අතර තරගයේ කාසියේ වාසිය දිනාගත් ජැෆ්නා පිල මුලින් පන්දුවට පහරදීමට කැන්ඩි පිලට ආරාධනා කළ හෙයින් සියලු දෙනා දැවී ලකුණු 140ක් වාර්තා විය. පිළිතුරු ඉනිම ක්‍රීඩා කළ කැන්ඩි පිල කඩුල්ලක් දැවී ලකුණු 141ක් ලබා ජය මාවත පහසුවෙන් විවිර කර ගත්තේය.

ජැෆ්නා පිල අමාරුවේ දැමූ කල්හාර සේනාරත්න කඩුලු 3ක් හා නිපුන් මාලිංග, පුලින තරංග කඩුලු දෙක බැගින් බිදසහෙලා ගත්හ. කැන්ඩි පිලේ ආරම්භක පිතිකරු සඳුන් වීරක්කොඩි පන්දු 44කදී හයේ 2ක් හා හතරේ 12ක් සමඟ වේගවත් ලකුණු 77ක්, රොන් චන්ද්‍රගුප්ත පන්දු 38කදී හතරේ පහර 10ක් සමඟ ලකුණු 51ක් ලබා ගත්හ.

කැන්ඩි පිල සියලු දෙනා දැවී ලකුණු 141 (ඕවර් 43.3)
කමීල් මිෂාර 36, සහන් ආරච්චිගේ 38, කවීන් බණ්ඩාර 21, නිම්සර අතරගල්ල 14 (කල්හාර සේනාරත්න 32/3, නිපුන් මාලිංග 9/2, පුලින තරංග 17/2)

ජැෆ්නා පිල කඩුලු 1කට ලකුණු 141 (ඕවර් 14.1)
සඳුන් වීරක්කොඩි 77, රොන් චන්ද්‍රගුප්ත නොදැවී 51, මොහොමඩ් ෂමාස් නොදැවී 3 (නිම්සර අතරගල්ල 61/1)