වයස අවුරුදු 19 න් පහළ බාළිකා තුන්කොන් ක්‍රිකට් තරගාවලියකට සහභාගිවීම සඳහා ඔස්ට්‍රේලියාවට යෑම නියමිත ශ්‍රී ලංකා වයස අවුරුදු 19 න් පහළ බාළිකා කණ්ඩායමේ නායිකාව ලෙස මොරටුව වේල්සු කුමරි විදුහලේ තුන් ඉරියව් ක්‍රීඩිකාවක වන මනුදි නානායක්කාරව නම් කිරීමට තේරීම් වලදී තීරණය වී තිබේ.
16 දෙනෙකුගෙන් සමන්විත කණ්ඩායමක් ප්‍රකාශයට පත් කර තිබෙන අතර එහි මනුදිගේ සහායිකාව ලෙසින් මාතර අනුර විදුහලේ රශ්මිකා සෙව්වන්දිව පත් කර තිබේ.
මෙම තරගාවලියේදී ශ්‍රී ලංකාවට අමතරව සත්කාරක ඔස්ට්‍රේලියාව සහ නවසීලන්ත කණ්ඩායම් තරග වදින සෙසු කණ්ඩායම් වෙති. තරගාවලියේ පළමු තරගය මේ සැප්තැම්බර් මස 20 වැනිදා ආරම්භ වනු ඇත. තරගාවලිය යටතේ ශ්‍රී ලංකා කණ්ඩායම විස්සයි-20 තරග 2 කදී සහ එක්දින තරග 2 කදී තරග වැදීමට නියමිතව තිබේ.
නම් කරන ලද කණඩායමට මිතලි අයෝද්‍යා නම් කර තිබුණද ඇය හදිසි ආබාධ තත්ත්වයකට මුහුණ දී සිටීම නිසා ඒ වෙනුවට වාද්දුව මැදි මහ විදුහලේ එරන්දි හංසමාලිව එක් කිරීමට පියවර ගෙන තිබේ.
| ශ්‍රී ලංකා අවුරුදු 19 න් පහළ බාළිකා පිල – | ||
| නම | පාසල | |
| 1 | රශ්මිකා සෙව්වන්දි | අනුර විද්‍යාලය – මාතර |
| 2 | මනුදි නානායක්කාර | වේල්ස් කුමරි විදුහල – මොරටුව |
| 3 | සුමුදු නිසංසලා | දේවපතිරාජ විදුහල – රත්ගම |
| 4 | සංජනා කාවින්දි | දේවපතිරාජ විදුහල – රත්ගම |
| 5 | විමෝක්ෂා බාලසූරිය | සිංහල මහ විදුහල – ත්‍රිකුණාමලය |
| 6 | රශ්මි නේත්‍රාංජලී | දේවපතිරාජ විදුහල – රත්ගම |
| 7 | එරන්දි හංසමාලි | වාද්දුව මැදි විදුහල – වාද්දුව |
| 8 | ප්‍රමුදි මෙත්සරා | උහන මැදි විදුහල – අම්පාර |
| 9 | හිරුණි හංසිකා | දේවපතිරාජ විදුහල -රත්ගම |
| 10 | චමෝදි ප්‍රබෝධා | පඤ්ඤානන්ද විදුහල – නුගේගොඩ |
| 11 | දහමි සනෙත්මා | අනුලා විදුහල – නුගේගොඩ |
| 12 | අෂේනි තලගුණේ | මහාමායා බාලිකා විදුහල – මහනුවර |
| 13 | ෂෙහාරා ඉඳුවරී | දේවපතිරාජ විදුහල – රත්ගම |
| 14 | දනුලි තෙන්නකෝන් | මලියදේව බාලිකා විදුහල – කුරුණෑගල |
| 15 | නෙතඟි ඉසුරාංජලී | දේවපතිරාජ විදුහල – රත්ගම |
| 16 | ලිමන්සා තිලකරත්න | – |
