එංගලන්තයට එරෙහි තරග 3 කින් සමන්විත ටෙස්ට් තරගාවලියේ තෙවැනි සහ අවසන් ටෙස්ට් තරගයෙන් කඩුලු 8 ක ජයක් වාර්තා කළ ශ්‍රී ලංකා කණ්ඩායම දෙරට අතර තරගාවලිය 1-2 ක් ලෙස ගෞරවාන්විතව අද (09 දා) අවසන් කර ගත්තේය. මෙම ටෙස්ට් තරග ජය ශ්‍රී ලංකා කණ්ඩායමක් එංගලන්තයට එරෙහිව වසර 10 කට පසුව ලබා ගත් ජයක් ලෙසින් සටහන් විය. දෙරට අතර ටෙස්ට් තරග ඉතිහාසයේ එංගලන්තයට එරෙහිව ඔවුන්ගේ නිජබිමේදීම ශ්‍රී ලංකාව ලබා ගන්නා ලද සිව්වැනි ටෙස්ට් ජය ලෙසින්ද අද ලබා ගත් මෙම ටෙස්ට් ජයග්‍රහණය සනිටුහන් විය.

ශ්‍රී ලංකා කණ්ඩායමක් අවසන් වතාවට එංගලන්තයේදී ටෙස්ට් තරගයක් ජය ගෙන ඇත්තේ මීට වසර 10 කට පෙර හෙවත් 2014 වසරේදීය. ජයග්‍රහණය සදහා ලකුණු 219 ක ඉලක්කයක් හඹා ගිය ශ්‍රී ලංකා කණ්ඩායම සිව්වැනි දිනය වූ අද දිනයේදී දිවා ආහාරයට පෙරම ජයග්‍රහණය සපුරා ගත්හ. ඒ වෙනුවෙන් විශීෂ්ඨ පිතිහරඹයක නිරත වූ ආරම්භක පිතිකරු පැතුම් නිස්සංක පන්දු 124 කදී හයේ පහර 2ක් සහ හතරේ පහර 13 ක් සමගින් නොදැවී ලකුණු 127 ක් රැස් කර ගත්තේය.

තෙවැනි දිනය අවසනදී වේගයෙන් ලකුණු රැස් කිරීමට පැතුම් සමත්වීම නිසා සිව්වැනි දිනය ආරම්භ වූයේ ශ්‍රී ලංකා ලකුණු පුවරුව කඩුල්ලකට ලකුණු 94 ක්ව සටහන් තිබියදීය. ඒ අනුව අද දිනයේදී ජයග්‍රහණය සඳහා අවශ්‍යව පැවැති ලකුණු 125 ලබා ගැනීමේදී ප්‍රතිවාදී පන්දු යවන්නන් හමුවේ ශ්‍රී ලංකා පිතිකරුවන් ලබා දී තිබුණේ එක් කඩුල්ලක් පමනි. මෙම ලකුණු සංඛ්‍යාව රැස් කර ගැනීම සඳහා ශ්‍රී ලංකා පිතිකරුවෝ සිව්වැනි දිනයේදී වැය කරන ලද්දේ පන්දුවාර 25.3 ක් පමණි. හතරේ පහර 7 ක් ද සමඟ ලකුණු 37 ක් ලබා සිටි කුසල් මෙන්ඩිස් දිනයේ දැවී ගිය එකම පිතිකරුවා බවට පත්වූවේය.

දෙවැනි ඉනිමේ වාර්තා කරන ලද අනගිභවනීය ශතකයට අමතරව පළමු ඉනිමේදී ලද අර්ධ ශතකය හේතුවෙන් ඔහු තරගයේ වීරයා සම්මානයෙන් පිදුම් ලැබීය. ඔහුට අමතරව එංගලන්ත පිලේ ජෝ රූට් සහ කමිඳු මෙන්ඩිස් තරගාවලියේ වීරයින් ලෙසින් සම ශූරතා දිනා ගත්හ.

එංගලන්තය පළමු ඉනිම පන්දුවාර 69.1 කදී සියලු දෙනා දැවී ලකුණු 325 යි

බෙන් ඩක් 86, ඩෑන් ලෝරන්ස් 05, ඔලී පෝප් 154, ජෝ රූට් 13, හැරී බෘෘක් 19, ජැමී ස්මිත් 16, ඔලී ස්ටෝන් 15, ළහිරු කුමාර 97/2, මිලාන් රත්නායක 56/3, විශ්ව ප්‍රනාන්දු 46/2, අසිත ප්‍රනාන්දු 88/1, ධනංජය ද සිල්වා 18/2

ශ්‍රී ලංකාව පළමු ඉනිිම පන්දුවාර 61.2 කදී සියලු දෙනා දැවී ලකුණු 263 යි

පැතුම් නිස්සංක 64, දිමුත් කරුණාරත්න 09, කුසල් මෙන්ඩිස් 14, ඇන්ජලෝ මැතිව්ස් 03, දිනේෂ් චන්දිමාල් 00, ධනංජය ද සිල්වා 69, කමිදු මෙන්ඩිස් 64, මිලාන් රත්නායක 07, විශ්ව ප්‍රනාන්දු 00, ළහිරු කුමාර 05*, අසිත ප්‍රනාන්දු 11, ක්‍රිස් වෝක්ස් 42/2, ජොෂ් හල් 53/3, ඔලී ස්ටෝන් 35/3, ෂොයෙබ් බෂීර් 37/1

එංගලන්තය දෙවැනි ඉනිම පන්දුවාර 34 කදී සියලු දෙනා දැවී ලකුණු 156 යි

ඩෑන් ලෝරන්ස් 35, ජෝ රූට් 12, ජැමී ස්මිත් 67, ඔලී ස්ටෝන් 10, ළහිරු කුමාර 21/4, විශ්ව ප්‍රනාන්දු 40/3, අසිත ප්‍රනාන්දු 49/2, මිලාන් රත්නායක 43/1

ශ්‍රී ලංකාව දෙවැනි ඉනිිම පන්දුවාර 40.3 කදී කඩුලු 2 ක් දැවී ලකුණු 219 යි

පැතුම් නිස්සංක 127*, දිමුත් කරුණාරත්න 08, කුසල් මෙන්ඩිස් 39, ඇන්ජලෝ මැතිව්ස් 32*, ක්‍රිස් වෝක්ස් 52/1, ගස් ඇට්කින්සන් 44/1