ශ්‍රී ලංකාවේදී පළමු වතාවට ක්‍රියාත්මක ලංකා ටී-10 සුපර් ලීග් ක්‍රිකට් තරගාවලියේ සමාරම්භක තරගාවලිය පල්ලෙකැලේ ජාත්‍යන්තර ක්‍රීඩාංගණයේදී ලබන දෙසැම්බර් මස 12 වැනිදා සිට 22 වැනිදා දක්වා පල්ලේකැලේ ජාත්‍යන්තර ක්‍රීඩාංගණයේදී පැවැත්වේ.
ශ්‍රී ලාංකේය ක්‍රිකට් දිනදර්ශනයට අලුතින්ම එකත වුණු ලංකා ටී-10 සුපර් ලීගයට ශ්‍රී ලාංකික ක්‍රිකට් තරු වලට අමතරව ජාත්‍යන්තර ක්‍රිකට් තරු රැසක් සහභාගිවනු ඇත.
ගෝල් මාවල්ස්, කලම්බු ස්ට්‍රයිකර්ස්, හම්බන්තොට බංග්ලා ටයිගර්ස්, ජැෆ්නා ටයිටෑන්ස්, කැන්ඩි බෝල්ට්ස් සහ නිගම්බු බ්‍රේව්ස් මෙවර තරගාවලිය නියෝජනය කරනු ලබන කණ්ඩායම් 6 වෙති. සෑම කණ්ඩායමකටම උපරිම වශයෙන් ක්‍රීඩකයින් 17 දෙනෙකුගෙන් යුත් සංචිතයක් පවත්වාගත යුතු වන අතර එහි අවම ක්‍රීඩකයින් 15 දෙනෙකුගෙන් සමන්විත වේ. ඊට ජාත්‍යන්තර මට්ටමේ ක්‍රීඩකයින් 7 දෙනෙකුද ඇතුළත් විය යුතුය.
