පාකිස්තානය තුළ ඇතිවී තිබෙන අස්ථාවර දේශපාලන ක්‍රියාකාරකම් හේතුවෙන් ශ්‍රී ලංකා ‘ඒ‘ කණ්ඩායම සහ පාකිස්තානු ඒ කණ්ඩායම් අතර පැවැත්වීමට නියමිත නිල නොවන එක්දින තරග දෙක කල් දැමීමට තීරණය වී තිබේ. ඒ අනුව ශ්‍රී ලංකා කණ්ඩායම තරගාවලිය නතර කර දමා ශ්‍රී ලංකාවට පැමිණෙනු ඇත.
දෙපාර්ශ්වය අතර සිදුකරන සාකච්ඡාවකින් පසු මෙම තීරණයට එළැඹ තිබේ. දෙපිළ අතර අවසන් එක්දින තරග 2 බදාදා සහ සිකුරාදා යන දිනයන්හිදී රාවල්පිණ්ඩි ක්‍රිකට් ක්‍රීඩාංගණයේ පැවැත්වීමට නියමිතව තිබිණ. කෙසේ වෙතත් පාකිස්තානු ක්‍රිකට් පාලක මණ්ඩලය සහ ශ්‍රී ලංකා ක්‍රිකට් ආයතනය එක්ව මෙම තරග දෙක ඉදිරියේදී පැවැත්වෙනු ලැබෙන දින තීරණය කිරීමට ඉදිරියේදී සහයෝගයෙන් කටයුතු කරනු ඇත.
