ශ්‍රී ලංකා ක්‍රිකට් ආයතනයේ මෙහෙයවීමෙන් තෙවැනි වතාවටත් ක්‍රියාත්මක ශ්‍රී ලංකාවේ ප්‍රධානතම සිව්දින ක්‍රිකට් තරගාවලිය වන නැෂනල් සුපර් ලිග් (NSL)තරගාවලියේ ගාල්ල හා මහනුවර අතර තරගයේ දෙවැනි දිනයේදී ගාල්ල පිලේ රමේෂ් මෙන්ඩිස් ලබාගත් ශතකයත් සමඟ පළමු ඉනිම කඩුලු 9ක් බිද වැටී තිබියදී ලකුණු 602කට අත්හිටවූ අතර, අද දිනය නිමාවෙද්දී මහනුවර පිල කඩුල්ලක් බිදවැටී ලකුණු 52ක් ලබා සිටියේය.
ඊයේ පළමු දිනය නිමාවෙද්දී මුලින් පන්දුවට පහරදුන් ගාල්ල පිල කඩුලු 4ක් දැවී ලකුණු 336ක් ලබා සිටි අතර, එහිදී ගාල්ල පිලේ ආරම්භක පිතිකරු නිපුන් ධනංජය ශතකයක්, ඔෂධ ප්‍රනාන්දු හා සදීර සමරවික්‍රම අර්ධ ශතක වාර්තා කළහ.
අද දිනයේ සුපිරි පිතිකරණයක නිරත වූ රමේෂ් මෙන්ඩිස් පන්දු 199කදී හතරේ පහර 10ක් සමඟ ලකුණු 122ක් ලබාගත් අතර, දුනිත් වෙල්ලාලගේ ලකුණු 38කට දැවී ගියේය. අංක 10 පිතිකරු ලෙස පිටියට පිවිසි දිලුම් සුධීර පන්දු 164කදී මිනිත්තු 210ක කාලයක් පිටියේ රැදී සිට හතරේ පහර 7ක් සමඟ නොදැවී ලකුණු 80ක් ලබාගත් අතර අවසන් පිතිකරු වූ දිල්ෂාන් මධුසංඛ පන්දු 29කදී නොදැවී ලකුණු 21ක් ලබා ගත්තේය.
දිනය නිමාවෙද්දී මහනුවර පිලේ ළහිරු උදාර නොදැවී ලකුණු 36ක් හා කමීල් මිෂාර නොදැවී ලකුණු 10ක් ලබා සිටියහ.
හම්බන්තොට සූරියවැව ක්‍රීඩාංගණයේ පැවැති මෙම තරගයේ කාසියේ වාසිය දිනාගත් ගාල්ල කණ්ඩායමේ නායක පසිඳු සූරියබණ්ඩාර මුලින් පන්දුවට පහරදීමට තීරණය කළ අතර, එම තීරණය නිවැරදි බවට තහවුරු කරමින් ආරම්භක පිතිකරුවන් යුගල වූ නිපුන් ධනංජය හා ඔෂධ ප්‍රනාන්දු පළමු කඩුල්ලට පන්දු 159කදී ලකුණු 107ක සබඳතාවක් ගොඩනැගූ අතර, ඔෂධ පන්දු 82කදී හයේ පහරක් හා හතරේ පහර 6ක් සමඟ ලකුණු 57ක් රැස්කර තිබියදී දැවී ගියේය. සිව්වැනි කඩුල්ලට නිපුන් ධනංජය සමඟ එක්වූ සදීර සමරවික්‍රම පන්දු 225කදී ලකුණු 143ක් එක්කළ අතර, සදීර පන්දු 111කදී හත‍ේ පහර 7ක් සමඟ ලකුණු 78ක් ලබා සිටියදී දැවී ගියේය.
ගාල්ල පිල පළමු ඉනිම කඩුලු 9ක් දැවී ලකුණු 602 (ඕවර් 168)
නිපුන් ධනංජය නොදැවී 137, ඔෂධ ප්‍රනාන්දු 57, දිනේෂ් චන්දිමාල් 31, පසිඳ සූරියබණ්ඩාර 6, සදීර සමරවික්‍රම 78, දුනිත් වෙල්ලාලගේ 38, රමේෂ් මෙන්ඩිස් 122, නිසල තාරක 13, දිලුම් සුධීර නොදැවී 80, දිල්ෂාන් මධුසංඛ නොදැවී 21, අතිරේක 19 (චමිඳු වික්‍රමසිංහ 90/3, රවිඳු ප්‍රනාන්දු 121/2, නුවනිඳු ප්‍රනාන්දු 59/2)
ගාල්ල පිල පළමු ඉනිම කඩුලු 1ක් දැවී ලකුණු 52 (ඕවර් 8)
ළහිරු උදාර නොදැවී 36, කමීල් ඹිෂාර නොදැවී 10 (දිල්ෂාන් මධුසංඛ 24/1)
