ශ්‍රී ලංකා ක්‍රිකට් ආයතනයේ සංවිධානයෙන් තෙවැනි වතාවටත් ක්‍රියාත්මක නැෂනල් සුපර් ලීග් සිව්දින ක්‍රිකට් තරගාවලියේ දෙවැනි සතියේ පැවැත්වෙන කැන්ඩි හා කොළඹ අතර තරගයේ ජයග්‍රහණය හඹා යන කොළඹ පිල තෙවැනි දිනයට නිමාවෙද්දී කඩුලු 9ක් අතැතිව ලකුණු 514ක් පසුපසින් සිටී.

කැන්ඩි පිල පළමු ඉනිමේ ලබාගත් ලකුණු ලබාගත් ලකුණු 460 පිළිතුරු ලෙස කොළඹ පිල පළමු ඉනිමේදී ලකුණු 106කට දැවී ගිය අතර, කැන්ඩි පිල දෙවැනි ඉනිම කඩුලු 3ක් දැවී ලකුණු 244ක් ලබා සිටියදී ඉනිම අත්හිටුවා ලකුණු 599ක ඉලක්කයක් ලබා දුන්නේය. කොළඹ පිල අද (22) තෙවැනි දිනය නිමාවෙද්දී කඩුල්ලක් දැවී ලකුණු 85ක් ලබා සිටියේය. අවිශ්ක ප්‍රනාන්දු නොදැවී ලකුණු 52ක් හා ධනංජය ලක්ෂාන් නොදැවී ලකුණු 17ක් ලබා කඩුල්ලේ රුදී සිටිති.

කැන්ඩි දෙවැනි ඉනිමේදී ශතකයට ලකුණු 7ක් අඩුවෙන් තිබියදී ජනිෂ්ක ප්‍රනාන්දු ලකුණු 93කට දැවී ගිය අතර, ඔහු නුවනිඳු ප්‍රනාන්දු සමඟ එක්ව තෙවැනි කඩුල්ලට පන්දු 154කදී ලකුණු 121ක් එක් කිරීමට සමත් විය. සිව්වැනි කඩුල්ලට පන්දු 65කදී ලකුණු 82ක අඛණ්ඩ සබඳතාවක් නුවනිඳු ප්‍රනාන්දු හා සහන් ආරච්චිගේ ගොඩනගා තිබියදී ඉනිම අත්හිටුවීමට තීරණය විය. නුවනිඳු ප්‍රනාන්දු පන්දු 111කදී හයේ 2ක් හා හතරේ 7ක් සමඟ නොදැවී ලකුණු 100ක් හා සහන් ආරච්චිගේ බන්දු 27කදී හතරේ පහරක් සමඟ නොදැවී ලකුණු 29ක් ලබා සිටියහ.

හම්බන්තොටදී පැවැත්වෙන මෙම තරගයේදී කොළඹ පිලේ ඉනිම සුනුවිසුණු කළ ශිරාන් ප්‍රනාන්දු කඩුලු 4ක් හා සහන් නානායක්කාර කඩුලු 3ක් බිදහෙළුෑ අතර, චමිඳු වික්‍රමසිංහ කඩුලු 2ක් බිඳහෙලා දස්කම් දැක්වීය. කොළඹ පිල වෙනුවෙන් වැඩිම ලකුණුලාභියා ලෙස නවෝද් පරණවිතාන ලකුණු 22ක් ලබාගත් අතර, ඔවුන්ගේ අවසන් කඩුලු 5 ලකුණු 36කට බිද වැටුණි.

කැන්ඩි කණ්ඩායමේ කමිල් මිශාර මෙවර තරගාවලියේ පිට පිටම දෙවැනි ශතකය වාර්තා කිරීම කැන්ඩි ලකුණු පුවරුවට විශාල ශක්තියක් වූවේය. පන්දු 217 කට මුහුණ දුන් වමත් පිතිකරුවා හතරේ පහර 18 ක් සහ හයේ පහර 2 ක් සමගින් ලකුණු 172 ක් වර්තා කළේය. ඔහු පළමු තරගයේදී ගාල්ල කණ්ඩායමට එරෙහිව නොදැවී ලකුණු 158 ක් ලබා තරගාවලියේ ඉනිමක වැඩිම ලකුණු ලාභීන් අතර ඉදිරියට පැමිණියේය. නායක සහන්ආරච්චි පන්දු 125 කදී ලකුනු 68ක් හා රවිඳු ප්‍රනාන්දු පන්දු 69කදී ලකුණු 53ක් කැන්ඩි පිලට එක් කළේය.

හෙට (23) මෙම තරගයේ අවසන් දිනයයි.

‍කැන්ඩි පළමු ඉනිම සියලු දෙනා දැවී ලකුණු 460 (ඔිවර් 111.2)
කමිල් මිශාර 172, ජනිශ්ක පෙරේරා 48, නුවනිඳු ප්‍රනාන්දු 45, සහන් ආරච්චිගේ 68, සොහාන් ද ලිවේරා 24, චමිඳු වික්‍රමසිංහ 15, රවිඳු ප්‍රනාන්දු 53, අතිරේක 24 (කසුන් රාජිත 80/3, නිශාන් පීරිස් 101/3, දුෂාන් හේමන්ත 91/2)

කොළඹ පිල පළමු ඉනිම සියලු දෙනා දැවී ලකුණු 106 (ඕවර් නවෝද් පරණවිතාන 22, අවිශ්ක ප්‍රනාන්දු 19, ධනංජය ලක්ෂාන් 17, අතිරේක 11 (ශිරාන් ප්‍රනාන්දු 49/4, චමිඳු වික්‍රමසිංහ 8/2, සහන් නානායක්කාර 18/3)

‍කැන්ඩි දෙවැනි ඉනිම කඩුලු 3ක් දැවී ලකුණු 244 – ඉනිම අත්හිටෙව්වා (ඕවර් 13)
පැතුම් නිශ්ශංක 18, ජනිෂ්ක පෙරේරා 93, නුවනිඳු ප්‍රනාන්දු නොදැවී 100, සහන් ආරච්චිගේ ‍නොදැවී 29 (ළහිරු මධුසංඛ 19/1,නවෝද් පරණවිතාන 73/1, නිශාන් පීරිස් 41/1)

කොළඹ පිල දෙවැනි ඉනිම කඩුල්ලක් දැවී ලකුණු 85 (ඕවර් 35)
නවෝද් පරණවිතාන 15, අවිශ්ක ප්‍රනාන්දු 52, ධනංජය ලක්ෂාන් නොදැවී 17 (මොහොමඩ් දිල්ෂඩ් 18/1)